Yeremia 2:10 - BAIBLO ALOO NGMAMI KLƆUKLƆU Ɔ

¹⁰ Nyɛɛ ya Kipro wo kpɔ ɔmɛ a nɔ nɛ nyɛ ya hyɛ; nyɛɛ tsɔ kɛ ya Kedar nɛ nyɛ ya hla mi fitsofitso; nyɛɛ hyɛ kaa nɔ́ ko kaa kikɛ nɛ ɔ ba hyɛ lo!

Yeremia 2:10 ပူးပေါင်းရင်းမြစ်များ

Mose I, 25:13

e binyumuhi ngɛ a fɔmi nya ji nɛ ɔmɛ nɛ: Nebayot, Kedar, Adbeel, Mibsam,

Matsɛmɛ I, 9:9

Nɛ nihi ma he nɔ ke, ‘Ejakaa a kua Yawɛ, a Mawu ɔ nɛ je mɛ kɛ je Egipt zugba a nɔ ɔ. A kɛ a he ya mɛtɛ mawu kpahi a he; a ja mɛ, nɛ a sɔmɔ mɛ. Enɛ ɔ he je nɛ Yawɛ kɛ haomi nɛ ɔ ba a nɔ ɔ nɛ.’ ”

Kronika I, 1:7

Yavan nina ji Elisha bi, Spania bi, Kipro bi, kɛ Roda bi.

Kronika I, 23:1

Benɛ David ba bwɔ kotokoto ɔ, e wo e binyumu Salomo matsɛ ngɛ Israel ma a nɔ.

Kronika I, 23:12

Kohat ngɛ binyumuhi eywiɛ. A biɛhi ji Amram, Izhar, Hebron, kɛ Uziel.

La 120:5

Ye yi fi pɛ! Hyɛ kaa i ba to nubwɔ ngɛ Meshek; nɛ i ngɛ Kedar bi a ma mi!

Yesaya 21:16

Kɛkɛ nɛ Yawɛ de mi ke, “Hiɛmɛ nɛ ɔ jeha kake pɛpɛɛpɛ ɔ, Kedar weku ɔmɛ a he wami ɔ se maa po.

Yesaya 23:1

Sɛ gbi nɛ kɔɔ Tiro he ji nɛ ɔ nɛ. Nyɛ akua hluili ngɛ wo nɔ, nyɛ nya awe nɛ nyɛɛ ye kɔmɔ. Ejakaa nyɛ lɛsimuɔ he ngɛ Tiro ɔ, a kpata e hɛ mi pɛsɛpɛsɛ; we ɔmɛ, kɛ lɛ dami he ɔ tsuo hɛ mi kpata. Benɛ nyɛ lɛ ɔmɛ kpale kɛ je Kipro kɛ ma a nɛ nyɛ nu sane nɛ ɔ.

Yesaya 23:12

Sidon ma, o bua jɔmi ɔ se po, nɛ a ngɛ o ma mi bi ɔmɛ yi mi wae. Ke a tu fo kɛ ho Kipro ya tete po, lejɛ ɔ hu, a be he jɔmi nae.

Yeremia 49:28

Kedar wɛtso ɔ, kɛ Hazor nɔ yemi he ɔmɛ nɛ Babilonia matsɛ, Nebukadnezar ba ye a nɔ ɔ, bɔ nɛ Yawɛ de ngɛ a he ji nɛ ɔ nɛ: “Nyɛɛ ya nɛ nyɛ ya tua Kedar, ma a, nɛ nyɛ kpata beleku je wɛtso ɔ hɛ mi!

Ezekiel 16:16

O ngɔ o bo ɔmɛ ekomɛ kɛ ya pee jami hehi nɛ ngɛ fɛu; ajuama nɛ o kɛ mawu kpahi bɔ ngɛ lejɛ ɔmɛ ɔ, e hí sɛɛmi; eko bɛ hyɛ, nɛ eko hu be bae gblegbleegble.

Ezekiel 27:21

Arabia bi kɛ Kedar ganɔ ɔmɛ tsuo o kɛ mɛ ye jua; mɛɛ níhi nɛ a kɛ woɔ hiɔ ji agbosuhi, jijɔhi, kɛ akpakpohi.

Ezekiel 27:6

Akɔfa amɛ lɛɛ, Bashan tso nguaa amɛ a kɛ hlɔ mɛ. Lɛ nɔ tsu bi ɔ, nga nɔ tso tlɔmɔɔ nɛ je Kipro a kɛ pee lɛ. A topɛ́ tso ɔ mi, nɛ a wo mi suɔ wu.

Ezekiel 5:7

Lɔ ɔ he ɔ, Yerusalem, bu tue; bu nɔ́ nɛ imi Nyɔmtsɛ Yawɛ, i ngɛ mo dee ɔ tue. Akɛnɛ o tue gbo pe je ma amɛ nɛ bɔle mo ɔ, nɛ ye blɔ nya tomi ɔmɛ, kɛ mlaa amɛ hu, o yi a nɔ, se mohu je ma amɛ a kusumi níhi o peeɔ ɔ,

Daniel 11:18

Enɛ ɔ se ɔ, e ma ba tua wo nya ma amɛ, nɛ e maa ngɔ mahi babauu. Se tatsɛ ko maa je ma se kɛ ba nɛ e kɛ Siria matsɛ ɔ ma ba kpe. E maa ye Siria matsɛ ɔ nɔ, nɛ Siria matsɛ ɔ kɛ zo maa kpale e se kɛ ho.

Daniel 11:30

Roma ta lɛhi ma ba tua lɛ, nɛ e tsui maa po. “E kɛ mi mi la maa kpale e se, nɛ e ma hla kaa e gu Mawu ma a a jami ɔ. E maa bu nihi nɛ kua kikɛmɛ a jami ɔ a ga womi tue.

Mose IV, 24:24

Lɛhi maa je Kipro wo nya kɛ ba, nɛ a maa hao Asiria, kɛ Eber. Nɛ mɛ nitsɛmɛ hu a hɛ mi ma kpata!”

1 Korintobi 5:1

A ngɛ dee ke yo kɛ nyumu yakayaka fiɛmi sanehi ngɛ asafo ɔ mi. Nɔ́ nɛ ba nɛ ɔ, wɔ jali tete po pee we. I nu kaa nɔ ko kɛ lɛ nitsɛ e tsɛ yo ngɛ si hwɔe.

Manyadali 19:30

Nɔ tsuaa nɔ nɛ na nɔ́ nɛ ɔ de ke, “Kɛ je ligbi ɔ nɛ Israel bi ɔmɛ je Egipt zugba a nɔ hluu kɛ ba si mwɔnɛ ligbi nɛ ɔ, nɔ́ nɛ ɔ eko bɛ hyɛ; nɛ a nɛ eko hu hyɛ. Nyɛ susu he; nyɛɛ wo he ga, nɛ nyɛ de nɔ́ ko!”