Yeremia 19:7 - BAIBLO ALOO NGMAMI KLƆUKLƆU Ɔ

⁷ Ma ha nɛ yi mi nɛ Yuda ma a, kɛ Yerusalem ma mi bi ɔmɛ to ɔ maa pee yaka ngɛ hiɛmɛ nɛ ɔ. Ma ha a he nyɛli maa ye a nɔ ngɛ ta mi, nɛ a maa gbe mɛ; nɛ ma ngɔ a gbogboe ɔmɛ kɛ ha lohwe pɛlitsɛmɛ, kɛ pu mi lohwehi nɛ a ye.

Yeremia 19:7 ပူးပေါင်းရင်းမြစ်များ

Mose III, 26:17

Ye hɛ maa dɔ kɛ wo nyɛ, nɛ nyɛ he nyɛli ɔmɛ maa fia nyɛ ní nɛ a gbe; a maa ye nyɛ nɔ wawɛɛ, nɛ ke nɔ ko nyɛɛ we nyɛ se po nyɛ maa hi fo nɔ pulɛpulɛ.

Yeremia 16:4

Hiɔ yaya maa gbe mɛ. Nɔ ko be kɔmɔ yee ha mɛ, nɛ nɔ ko be mɛ pue hulɔ; a gbogboe ɔmɛ maa pee kaa kuku ngɛ zugba. Ni komɛ maa nɔ ta, nɛ hwɔ hu maa gbe ni komɛ, nɛ a nɔmlɔ tso ɔmɛ ma plɛ pee niye ní ha lohwe pɛlitsɛmɛ, kɛ pu mi lohwehi.

Yeremia 34:20

Ma je mɛ kɛ wo a he nyɛli, kɛ ni nɛmɛ nɛ ngɛ mɛ hlae nɛ a gbe ɔ, a dɛ mi. A gbogboe ɔmɛ maa pee lohwe pɛlitsɛmɛ, kɛ pu mi lohwehi a niye ní.

Yeremia 15:9

Bimɛ kpaago a nyɛ ɔ hɛli; nɔ́ nɔ e nɔ, ejakaa e bimɛ ɔmɛ tsuo a yi ta. Piani be mi ɔ, lɛɛ e pu ɔ nɔ si momo, nɛ diblii kpatu wo; a pue e hɛ mi si, nɛ a bɔ lɛ ahlua. Ma ha nɛ nyɛ he nyɛli ɔmɛ maa gbe nyɛ ni nɛmɛ nɛ nyɛ hɛ ngɛ kɛ mwɔɔ ɔ. Imi, Yawɛ lɛ i de.”

Yeremia 15:2

Ke a bi mo ke jije a maa ya a, de mɛ ke bɔ nɛ imi Yawɛ, i de ji nɛ ɔ nɛ: Nihi nɛ hiɔ maa gbe ɔ, ha nɛ hiɔ nɛ gbe mɛ! Ni nɛmɛ nɛ maa nɔ ta a, ha nɛ a nɔ ta! Nihi nɛ hwɔ maa gbe ɔ ha nɛ hwɔ nɛ gbe mɛ! Ni nɛmɛ hu nɛ a maa nuu nyɔguɛ ɔ, ha nɛ a nuu mɛ nyɔguɛ kɛ ho!

Yeremia 7:33

Ni gbogboe ɔmɛ maa pee lohwe pɛlitsɛmɛ, kɛ nga mi lohwehi a niye ní, nɛ nɔ ko nɔ ko be mɛ fiee.

Romabi 4:14

Ejakaa ke nihi nɛ mlaa a nɔ pɛ a yeɔ ɔ, mɛ hu gbosi ní yeli ji mɛ ɔ, lɛɛ hemi kɛ yemi ɔ peeɔ yaka, nɛ siwo ɔ hu se nami be he.

Romabi 3:31

Lɛɛ waa pɛtɛ hemi ke yemi he, nɛ waa ngmɛɛ mlaa a he lo? Pi ja kulaa! Mohu ɔ, wa gu hemi kɛ yemi nɔ kɛ ngɛ nɔ mi mae kaa mlaa a hi.

Kɔmɔ Yemi 3:37

Ke pi Nyɔmtsɛ ɔ he wami nya a, mɛnɔ ma nyɛ ma de nɔ́ ko nɛ e ba mi?

Yeremia 46:26

Ma ngɔ mɛ kɛ wo nihi nɛ ngɛ mɛ hlae nɛ a gbe ɔ, Babilonia matsɛ, Nebukadnezar, kɛ e tsɔli ɔmɛ a dɛ mi. Se pee se ɔ, nihi ma ba hi Egipt ekohu kaa sa a. Imi, Yawɛ lɛ i de.”

Yeremia 22:25

nɛ ma ngɔ mo kɛ wo nihi nɛ o ngɛ gbeye yee, kɛ ni nɛmɛ nɛ ngɛ mo hlae nɛ a gbe ɔ a dɛ mi. Ma ngɔ mo kɛ wo Babilonia matsɛ, Nebukadnezar, kɛ e ta buli ɔmɛ a dɛ mi.

Yeremia 22:19

A maa pu lɛ kaa bɔ nɛ a puɔ teji; a maa gbla lɛ kɛ ho, nɛ a ma ya sake lɛ kɛ fɔ Yerusalem agbo ɔmɛ a se.”

Yeremia 18:21

Se Yawɛ, jehanɛ lɛɛ, ha nɛ a bimɛ ɔmɛ nɛ a gbo kɛ hwɔ; ha nɛ a gbe mɛ ngɛ ta mi. Ha nɛ nyɛmɛ ɔmɛ nɛ a pee yalɔyihi kɛ yosahi; ha nɛ gbenɔ hiɔ nɛ gbe tsɛmɛ ɔmɛ, konɛ nihewi ɔmɛ lɛɛ a gbe mɛ ngɛ ta nga nɔ.

Yeremia 8:2

A be wu nɛ ɔmɛ a nya buae, nɛ a be mɛ pue hulɔ; wu ɔmɛ maa pee kaa kuku ngɛ zugba a nɔ. A ma ka wu ɔmɛ ngɔ ha pu kɛ nyɔhiɔ kɛ dodoehi. Ní nɛ ɔmɛ ji níhi nɛ ma a suɔ saminya; ma a sɔmɔ mɛ, nɛ a bi ní ngɛ a ngɔ, nɛ a ja mɛ hulɔ.

Yesaya 8:10

Nyɛɛ to nyɛ ga amɛ! Se a maa pee yaka. Nyɛ de nɔ́ tsuaa nɔ́ nɛ nyɛ suɔ! Se enɛ ɔmɛ tsuo maa pee yaka, ejakaa Mawu kɛ wɔ ngɛ.

Abɛ Womi 21:30

Adesa nile, loo nɔ́ sisi numi, loo ga be nyɛe maa da Yawɛ hɛ mi.

Yeremia 8:8

Kɛ peeɔ kɛɛ nɛ nyɛ deɔ ke ní leli ji nyɛ, nɛ nyɛ le ye mlaa amɛ, be mi nɛ yakayaka womi ngmali tsake mlaa amɛ tsuo a hɛ mi kikɛ nɛ ɔ?

Yeremia 8:9

Zo gbe nyɛ ní leli ɔmɛ; bibi gbe mɛ, nɛ a pa li nɔ́ nɛ nɔ nɛ a ngɛ hu. A kua ye munyu ɔ, lɛɛ mɛni ji ní ɔ nɛ a le ɔ mɔ?

Yeremia 32:28

Ma ngɔ ma nɛ ɔ kɛ wo Babilonia matsɛ, Nebukadnezar kɛ e tabo ɔ a dɛ mi; a maa ngɔ ma a,

Mose III, 26:25

Ma ha ta ma ba tua nyɛ; ma ngɔ ta a kɛ gbla nyɛ tue. Ke nyɛ bua nyɛ he nya kɛ laa nyɛ he ngɛ ma amɛ a mi ɔ, ma ha hiɔ nɛ be tsa ba maa sɛ nyɛ kpɛti; ma ngɔ nyɛ ngɔ wo nyɛ he nyɛli ɔmɛ a dɛ mi.

Samuel I, 17:46

Mwɔnɛ ligbi nɛ ɔ, Yawɛ ma je mo ngɔ wo ye dɛ mi; ma gbe mo, nɛ ma po o yi. Nɛ ma ngɔ Filisti ta buli ɔmɛ a gbogboehi kɛ ha lohwe pɛlitsɛmɛ, kɛ pu mi lohwehi nɛ a ye. Nɛ je ɔ tsuo maa le kaa Mawu ko ngɛ Israel,

Matsɛmɛ II, 21:14

Ma a nɛ piɛ ɔ, ma kua mɛ, nɛ ma ngɔ mɛ kɛ wo a he nyɛli a dɛ mi. A maa ye a nɔ nɛ a maa ha a níhi;

Yesaya 29:14

Lɔ ɔ he ɔ, ma pee nyakpɛ níhi, kɛ níhi nɛ ngɛ gbeyegbeye ngɛ nimli nɛ ɔmɛ a kpɛti ekohu. A ní leli ɔmɛ a nile ɔ, kɛ a ga a maa pee yaka.”

Yeremia 21:7

Se mo, Yuda matsɛ, Zedekia! Mo, kɛ o tsɔli ɔmɛ, kɛ nihi tsuo nɛ a yi ma na wami ngɛ ta, kɛ hwɔ, kɛ gbenɔ hiɔ ɔ se ɔ, nyɛɛ lɛɛ ma ngɔ nyɛ kɛ wo Babilonia matsɛ, Nebukadnezar, kɛ nyɛ he nyɛli ɔmɛ nɛ ngɛ nyɛ hlae nɛ a gbe ɔ a dɛ mi. Nebukadnezar ma kpata nyɛ tsuo pɛpɛɛpɛ nyɛ hɛ mi. E be nyɛ ti nɔ ko nɔ ko he ngmɛɛe, nɛ e be nɔ ko nɔ ko mɔbɔ nae. Imi, Yawɛ lɛ i de.”