Yeremia 19:4 - BAIBLO ALOO NGMAMI KLƆUKLƆU Ɔ

⁴ Ma pee kikɛmɛ a nɔ́ nɛ ɔ, ejakaa ma a kua mi, nɛ a sã bɔhi kɛ ha mawu kpahi, nɛ a kɛ ble hiɛ ɔ. Kikɛmɛ a mawu nɛ ɔmɛ ɔ, nihi nɛ ngɛ zugba a nɔ amlɔ nɛ ɔ jio, a nɛmɛ ɔmɛ jio, Yuda matsɛmɛ ɔmɛ jio, a ti nɔ ko nɔ ko ja we hyɛ. A pue nihi babauu nɛ pee we nɔ́ ko a muɔ si ngɛ hiɛmɛ nɛ ɔ,

Yeremia 19:4 ပူးပေါင်းရင်းမြစ်များ

Yeremia 2:34

Ohiatsɛmɛ nɛ pee we yayami ko a muɔ ji so nɛ ngɛ nyɛ tadehi a mi; pi ojo fiali a muɔ. “Se enɛ ɔmɛ tsuo a se ɔ,

Yesaya 65:11

“Se nyɛ nihi nɛ kuaa imi Yawɛ, nɛ nyɛ hɛ jeɔ ye yo klɔuklɔu ɔ nɔ ɔ, nyɛɛ lɛɛ nyɛ nɔ́ maa slo. Nyɛ nihi nɛ nyɛ ngmɛɔ okplɔɔ kɛ haa mawu nɛ haa nɔ siade, kɛ nyɛ nihi nɛ nyɛ ngɔɔ wai nɛ a futu kɛ sãã bɔ ha mawu nɛ tsɔɔ nyɛ nɔ́ nɛ maa ba nyɛ nɔ ngɛ je mi,

Matsɛmɛ II, 21:16

Ngɛ yayamihi nɛ Manase ha nɛ Yuda pee kɛ si Yawɛ ɔ se ɔ, e pue nihi babauu nitsɛ nɛ pee we nɔ́ ko a muɔ si; nɛ Yerusalem he tsuaa he hyi kɛ muɔ.

Mose V, 28:20

“Ke nyɛ kua Yawɛ, nɛ nyɛ ya pee yayami ɔ, lɔ ɔ lɛɛ e kɛ gbiɛmi nɛ ɔmɛ maa ba nyɛ nɔ: nyɛ ma didaa; nyɛ maa pee basaa, nɛ nyɛ maa bɔ ahlua ngɛ nɔ́ tsuaa nɔ́ nɛ nyɛ ma tsu mi. E ma tsa nɔ ja kɛ yaa si nyɛ hɛ mi ma kpata tlukaa.

Yeremia 7:9

Nyɛ juɔ, nyɛ pueɔ muɔ si, nyɛ puɛɔ gba, nyɛ kaa lakpa kita, nyɛ sãã tsopa kɛ e he via kɛ haa Baal, nɛ nyɛ ya nyɛɛɔ mawu kpahi nɛ nyɛ li mɛ a se.

Yeremia 17:13

Yawɛ, Israel ma a ngɔ a hɛ ngɔ fɔ o nɔ; nɔ tsuaa nɔ nɛ ma kua mo ɔ, zo maa gbe lɛ. A maa laa kaa biɛ nɛ a ngma ngɛ zu mi, ejakaa a kua mo Yawɛ, mo wami nyu vu ɔ.

Yeremia 11:13

Bɔ nɛ Yuda ma amɛ hiɛ ɔ, jã kɛ̃ a mawu ɔmɛ hu hiɛ. Bɔ sami la tɛhi nɛ Yerusalem bi ɔmɛ ma, nɛ a sãã tsopa kɛ e he via ngɛ a nɔ kɛ haa yakayaka mawu ɔ nɛ a tsɛɛ Baal ɔ, jamɛ a bɔ sami la tɛ ɔmɛ a he hiɛ babauu kaa gbɛjegbɛhi nɛ ngɛ ma a mi ɔ kɛ̃.

Yeremia 2:19

Mo nitsɛ o ní yayami ɔmɛ maa gbla o tue; o se yami ɔ ma ka o hɛ mi. O ma ba na paa kaa kuami nɛ o kua imi, Yawɛ o Mawu ɔ, kɛ ye hɛ mi atuã nɛ o tsɔ ɔ ji nɔ́ ko nɛ hí kulaa; e ngɛ kaa nɔ́ ko nɛ dooɔ kaa agba. Imi, Nyɔmtsɛ Yawɛ Tabohiatsɛ ɔ lɛ i de.”

Yeremia 2:17

Israel, mɛnɔ kɛ nɔ́ nɛ ɔ ba o nɔ? Anɛ pi mo nitsɛ nɛ o pee lo? Benɛ imi, Yawɛ o Mawu ɔ, i kpaka mo kɛ ma a, anɛ o tsɔ we ye hɛ mi atuã lo?

Yeremia 2:13

Ejakaa yayami enyɔ lɛ ye ma a pee: imi, wami nyu vu ɔ, a kua mi, nɛ a ya kpɛ́ tɛ muɔhi ngɔ ha a he; pohu tɛ muɔ nɛ ɔmɛ ywia, nɛ nyu be a mi dae.

Yesaya 59:7

Be tsuaa be ɔ, yayami he ga sɔuu nyɛ toɔ. Nɔ nɛ ko ye bemi ɔ, nyɛ he sɔɔ kɛ pueɔ e muɔ si yaka. He tsuaa he nɛ nyɛ gu ɔ, nɔ́ puɛmi, kɛ nɔ́ hɛ mi kpatami sɔuu nyɛ siɔ ngɛ nyɛ se;

Matsɛmɛ II, 24:4

titli ɔ, kaa e pue nihi babauu nɛ pee we nɔ́ yayami ko a muɔ si ngɛ Yerusalem. Yawɛ kɛ nɔ́ nɛ Manase pee nɛ ɔ pɛ́ lɛ.

Kpojemi 16:6

Ejakaa adesa pue o ni klɔuklɔu ɔmɛ, kɛ gbali ɔmɛ a muɔ si. Enɛ ɔ he je ɔ, o ha mɛ muɔ ke a nu. Ee, nɔ́ pɛ nɛ sa mɛ ji nɛ ɔ nɛ!”

Luka 11:50

Lɔ ɔ he ɔ, gbali tsuo nɛ a gbe kɛ je je mi sisije ɔ, a ma bi a muɔ si ngɛ yi nɔ bi nɛ ɔmɛ nyɛ dɛ.

Kɔmɔ Yemi 4:13

Se e ba mi ja, ejakaa gbali ɔmɛ, kɛ osɔfo ɔmɛ pee yayami; a pue nihi nɛ peeɔ nɔ nɛ da ngɛ ma a mi ɔ a muɔ si.

Yeremia 26:23

A ngɔ Uria kɛ je Egipt kɛ ba ha Matsɛ Yehoyakim. Matsɛ Yehoyakim ha nɛ a gbe Uria, nɛ a sake e gbogboe ɔ kɛ fɔ gɔ ɔ mi he nɛ a puɔ ni guhi ngɛ ɔ.

Yeremia 26:15

Se nyɛ na nɛ nyɛɛ le ɔ kaa ke nyɛ gbe mi ɔ, nyɛ pue nɔ nɛ pee we nɔ́ ko ɔ muɔ si, nɛ musu maa tloo nyɛɛ kɛ ma nɛ ɔ, kɛ ma mi bi ɔmɛ tsuo. Ejakaa Yawɛ nitsɛ lɛ tsɔ mi nyɛ ngɔ ke ma ba tu munyu nɛ ɔmɛ tsuo kɛ tsɔɔ nyɛ.”

Yeremia 22:17

Se moo lɛɛ o susumi pɛ ji bɔ nɛ o maa pee kɛ sisi nihi nɛ o kpɔ a níhi yaka. O pueɔ nihi nɛ pee we nɔ́ ko a muɔ si; o yeɔ o ma a amimi, nɛ o waa mɛ yi mi. Yawɛ lɛ de.

Yeremia 18:15

Se ye ma a lɛɛ, a hɛ je ye nɔ; a sãã tsopa kɛ e he via kɛ haa amagahi. A je blema blɔ kpakpa amɛ a nɔ, nɛ a ya ngɛ lakpa blɔhi a nɔ nyɛɛe. A nyɛɛ we gbɛjegbɛ ɔmɛ a nɔ hu; nane blɔhi a nɔ mohu lɛ a ngɛ nyɛɛe.

Yeremia 16:11

Ke a bi mo ja a, de mɛ ke, Yawɛ ke, ‘Nyɛ nɛmɛ ɔmɛ je ye se nɛ a ya ja mawu kpahi, nɛ a sɔmɔ mɛ. A kua mi, nɛ ye mlaa amɛ hu a yi nɔ.

Yeremia 15:6

Nyɛ kua mi; nyɛ plɛ nyɛ se kɛ wo mi. Enɛ ɔ he je ɔ, imi hu i wo ye nine nɔ ngɛ nyɛ nɔ, nɛ i kpata nyɛ hɛ mi. Ejakaa bɔ nɛ i ngɔɔ nyɛ he kɛ kee nyɛ daa nɛ ɔ, pɔ ba tɔ mi jehanɛ.

Yeremia 5:6

Enɛ ɔ he je ɔ, jata maa je pu mi kɛ ba gbe mɛ; ogbetee maa je nga nɔ kɛ ba tsɔtslɔɔ a mi dukuduku, nɛ ngatsɛ ma ba wo ka ngɛ a ma amɛ a mi. Nɔ tsuaa nɔ nɛ maa je kpo ɔ, a ma tsɔtslɔɔ lɛ; ejakaa a pee yayamihi fuu, nɛ a tsɔ Mawu hɛ mi atuã si abɔ.

Yeremia 2:30

I gbla nyɛ bimɛ ɔmɛ a tue, se lɛ tsuo pee yaka; nyɛ sume tsɔsemi. Nyɛ nitsɛmɛ hu nyɛ gbe ye gbali ɔmɛ kaa bɔ nɛ jata tsɔtslɔɔ lohwe ɔ.

Mose V, 28:64

“Yawɛ maa gbɛ nyɛ ngɔ fĩa je ma amɛ tsuo a mi, kɛ maa je je ɔ nyagbe he kake kɛ maa ya nyagbe he kake, nɛ lejɛ ɔ nyɛ ma sɔmɔ mawuhi nɛ a kɛ tso kɛ tɛ pee, mawuhi nɛ nyɛ, loo nyɛ nɛmɛ ja we hyɛ.

Mose V, 28:36

“Yawɛ maa ngɔ nyɛ, kɛ nyɛ matsɛ ɔ kɛ ya ma se he nɛ nyɛ li, he nɛ nyɛ nɛmɛ tete hí hyɛ; nyɛ ma ya sɔmɔ mawuhi nɛ a kɛ tso kɛ tɛ pee ngɛ lejɛ ɔ.

Mose V, 13:13

yakayaka nimli komɛ nɛ ji Israel fɔfɔɛhi puɛ ma a mi bi ɔmɛ a tue nɛ a ya ja mawu kpahi nɛ nyɛ ja we hyɛ ɔ,

Mose V, 13:6

“O nyɛminyumu nɛ ji o nyɛ muklii mi bi, loo o binyumu, loo o biyo, loo o yo nɛ o suɔ lɛ, loo o huɛ nɛ nyu bi ngɛ nyɛ kpɛti po ma nyɛ maa mlɔɔ mo nɛ o ma ya ja mawu kpahi nɛ mo, loo o nɛmɛ ja we hyɛ.

Matsɛmɛ II, 23:10

Jehanɛ se hu, Matsɛ Yosia ya ble Tofet, nɛ ji jami he ɔ nɛ ngɛ Hinom kɔ̃ ɔ mi ɔ, bɔ nɛ pee nɛ nɔ ko nɛ ko ya sã e binyumu, loo e biyo bɔ kɛ ha Molek ngɛ lejɛ ɔ hu.

Yeremia 1:16

Ma gbla ye ma a tue, ejakaa a pee yayami: a kua mi, a sã bɔ kɛ ha mawu kpahi, nɛ a ja mɛ nitsɛmɛ a nine nya níhi nɛ a pee.

Yeremia 7:6

Nyɛ ko wa nibwɔhi, loo awusahi, loo yalɔyihi yi mi. Nyɛ ko pue nɔ ko muɔ si yaka gu ngɛ zugba nɛ ɔ nɔ. Nyɛ ko ya nyɛɛ mawu kpahi a se; ke nyɛ pee ja a, nyɛ hɛ mi ma kpata.

Yeremia 17:20

De Yuda matsɛmɛ ɔmɛ, ma mi bi ɔmɛ, nɔ tsuaa nɔ nɛ ngɛ Yerusalem nɛ guɔ kikɛmɛ a agbo nɛ ɔmɛ a mi ɔ ke a bu nɔ́ nɛ i ngɛ dee ɔ tue.

Yeremia 22:3

‘Imi Yawɛ, i wo nyɛ mlaa ke nyɛɛ ye dami sane, nɛ nyɛɛ pee nɔ́ nɛ da. Nyɛ je nɔ nɛ a ngɛ lɛ amimi yee ɔ kɛ je amimi yelɔ ɔ dɛ mi. Nyɛ ko wa nibwɔhi, awusahi, kɛ yalɔyihi yi mi; nɛ nyɛ ko pue nɔ nɛ pee we nɔ́ ko ɔ muɔ si ngɛ he klɔuklɔu nɛ ɔ.

Yeremia 44:3

ejakaa ma amɛ a mi bi ɔmɛ pee yayami, nɛ a wo ye mi mi la. A sã bɔhi nɛ a kɛ sɔmɔ mawu kpahi nɛ mɛ nitsɛmɛ, loo nyɛ, loo nyɛ nɛmɛ ɔmɛ po li gblee.

Ezekiel 7:22

Ke a ngɛ ye we ɔ june blee po, i be a nya tsie; juli ma nyɛ maa sɛ mi ya ble lejɛ ɔ faa.

Ezekiel 20:26

I ha nɛ a ngɔ mɛ nitsɛmɛ a bɔhi kɛ ble a he, nɛ a ngɔ mɛ nitsɛmɛ a bitɛtehi hu kɛ sã bɔ. I ngɔ enɛ ɔ kɛ gbla a tue, konɛ a le kaa imi ji Yawɛ.

Daniel 11:31

Ta buli nɛ e wo blɔ ɔ ma ya sɛ Yawɛ we ɔ, kɛ mɔ ɔ mi, nɛ a ma ble lejɛ ɔ. A maa jɔɔ daa ligbi bɔ ɔmɛ sami, nɛ a maa ngɔ amaga ko nɛ he ngɛ gbeye kɛ ya ma Yawɛ we ɔ.

Manyadali 5:8

Benɛ Israel bi ɔmɛ ya hla mawu hehi ɔ, ta te si ngɛ zugba a nɔ. Se Israel nyumuhi akpe nyingmi eywiɛ ɔmɛ ɔ, a nɛ tsɛ̃i, loo akplɔ ngɛ nɔ kake po dɛ mi.

La 106:38

A pue nihi nɛ pee we yayami a muɔ si; mɛ nitsɛmɛ a binyumuhi, kɛ a biyihi po a ngɔ mɛ kɛ sã bɔ ha Kanaan wɔhi; nɛ a kɛ muɔ ble zugba a.

Ezekiel 8:11

Israel ma nimeli nyingmi kpaago, kɛ Yaazania, Shafan bi ɔ daa si ngɛ lejɛ ɔ. A ti nɔ tsuaa nɔ hɛɛ ngɛyu kɛ e mi tsopa kɛ e he via nɛ la su ku ngɛ mi jee kɛ yaa hiɔwe.