Yeremia 19:1 - BAIBLO ALOO NGMAMI KLƆUKLƆU Ɔ

¹ Yawɛ de mi ke ma ya he buɛ nɛ a kɛ zu puɛ. E de mi hu ke ma ngɔ ma a mi nikɔtɔma komɛ, kɛ osɔfo ɔmɛ hu a hɛ mi nyɛɛli ɔmɛ ekomɛ,

Yeremia 19:1 ပူးပေါင်းရင်းမြစ်များ

Kɔmɔ Yemi 4:2

Zion nihewi nɛ a he jua wa ha wɔ kaa sika tsu saminya a, hyɛ, jehanɛ lɛɛ a buu mɛ kaa zu kplu gu komɛ kɛkɛ nɛ buɛ puɛlɔ puɛ.

Yesaya 30:14

E maa gbɛ tsɔkɔtsɔkɔ kaa zu buɛ; e maa ywia yayaa, bɔ nɛ a be ngɛyu bɔbɔyoo po nae ngɛ mi nɛ a kɛ je la, loo nɛ a kɛ yɛ nyu ngɛ nɔ́ mi.”

Mose IV, 11:16

Yawɛ de Mose ke, “Yaa nɛ o ya hla nikɔtɔmahi nɛ bu ngɛ a he nyingmi kpaago kɛ je Israel bi ɔmɛ a kpɛti. A pee nikɔtɔmahi nɛ mo nitsɛ o le kaa a hɛɛ blɔ nya ngɛ ma a mi. Ngɔɔ mɛ kɛ ba ye ngɔ ngɛ kpe he bo tsu ɔ mi, nɛ a ba da si ngɛ o kasa nya ngɛ lejɛ ɔ.

2 Korintobi 4:7

Wɔ nɛ wa ná kikɛmɛ a mumi mi juetli nɛ ɔ, wa ngɛ kaa zu buɛhi. Enɛ ɔ tsɔɔ kaa he wami kpetekpleenyɛ nɛ ɔ, Mawu ngɔ nɛ e je, pi wɔɔ wa ngɔ.

Matsɛmɛ II, 19:2

E tsɔ Eliakim, matsɛ we ɔ nɔ hyɛlɔ ɔ, kɛ Shebna, matsɛ pɛdiyo ɔ, kɛ osɔfo nikɔtɔma amɛ kɛ ya gbalɔ Yesaya, Amoz binyumu ɔ ngɔ. Mɛ hu a bu kpekpe ya bo.

Mateo 27:1

Benɛ je na a, osɔfo nikɔtɔma amɛ, kɛ ma nimeli ɔmɛ tsuo so Yesu yi nɔ, konɛ a gbe lɛ.

Mateo 26:3

Jamɛ a be ɔ mi ɔ, osɔfo nikɔtɔma amɛ, kɛ ma nimeli ɔmɛ ya bua a he nya ngɛ osɔfo nɔkɔtɔma pe kulaa Kayafa mɔ ɔ mi,

Ezekiel 9:6

Nyɛɛ gbe ni ɔmɛ tsuo: nikɔtɔmahi, nihewi, yihewi, jokuɛwi, bimwɔwi kɛ a nyɛmɛ. Se nɔ tsuaa nɔ nɛ okadi ɔ ngɛ e hɛ nya a lɛɛ nyɛ ko ta e he. Nyɛɛ je sisi kɛ je ye he klɔuklɔu ɔ.” Kɛkɛ nɛ a bɔni ni ɔmɛ gbemi kɛ je ma nimeli ɔmɛ nɛ daa si ngɛ Yawɛ we ɔ hɛ mi ɔ a nɔ.

Yeremia 32:14

“Yawɛ Tabohiatsɛ, Israel Mawu ɔ ngɛ mo fae ke o he zugba juami he womi nɛ ɔmɛ, nɔ́ nɛ a sɔu nya a, kɛ nɔ́ nɛ a sɔu we nya a tsuo, nɛ o ngɔ ya wo zu kplu ko mi, konɛ a se nɛ kɛ.

Yeremia 26:17

Enɛ ɔ se ɔ, ma nimeli ɔmɛ ekomɛ te da si, nɛ a de ma a tsuo nɛ ba bua a he nya ngɛ lejɛ ɔ ke,

Ni Tsumi 21:11

E ba wa ngɔ, nɛ e ba ngɔ Paulo mlɛ mi fimi nɔ́ ɔ, nɛ e kɛ fi lɛ nitsɛ e nanehi, kɛ e ninehi; nɛ e de ke, “Bɔ nɛ Mumi Klɔuklɔu ɔ de ji nɛ ɔ nɛ: Nɔ nɛ nɔ́ ji mlɛ mi fimi nɔ́ nɛ ɔ, kikɛ nɛ ɔ Yuda bi ɔmɛ maa pee lɛ ngɛ Yerusalem, nɛ a maa ngɔ lɛ ngɔ wo ma je li ɔmɛ a dɛ mi.”

Ezekiel 4:1

Mawu de mi ke, “Nɔmlɔ adesa, yaa ngɔ bliikisi nɛ o kɛ fɔ o hɛ mi; nɛ o tɛni Yerusalem ma a ngɛ nɔ.

Yeremia 13:1

Yawɛ de mi ke ma ya he kploba bɔjuɛ nɛ ma tsɛ̃, se ma ko ngɔ kɛ wo nyu mi.

Ezekiel 5:1

Yawɛ de mi ke, “Nɔmlɔ adesa, ngɔɔ klaate nɛ nya ba kɛ sɛ o yi bwɔmi, kɛ o kpɛni kaa bɔ nɛ a kɛ asoyi ngmlaa yi ɔ. Lɔ ɔ se ɔ, ngmɛɛ bwɔmi ɔ ngɛ sɛni mi, nɛ o dla mi.