Yeremia 18:8 - BAIBLO ALOO NGMAMI KLƆUKLƆU Ɔ

⁸ nɛ jamɛ a je ma a ma kpa a ní yayami ɔmɛ peemi ɔ, imi hu ma kpale ye nya se; yayami nɛ i to ke ma pee mɛ ɔ, i be pee hu.

Yeremia 18:8 ပူးပေါင်းရင်းမြစ်များ

Ezekiel 18:21

“Ke yayami peelɔ kpa yayami peemi, nɛ e yeɔ ye mlaa a nɔ, nɛ e peeɔ nɔ́ nɛ da a, e be gboe; niinɛ, e yi ma na wami.

Yeremia 26:13

Lɔ ɔ he ɔ, nyɛ dla nyɛ blɔ ɔmɛ; nyɛ kpa yayami peemi, nɛ nyɛɛ bu Yawɛ, nyɛ Mawu ɔ tue. Ke nyɛ pee ja a, lɛɛ yi mi nɛ e to kaa e maa gbla nyɛ tue ngɛ nyɛ ní yayami ɔmɛ a he ɔ, e ma tsake jamɛ a yi mi tomi ɔ.

Hosea 11:8

“Israel ma, kɛ maa pee kɛɛ nɛ ma ngmɛɛ nyɛ he? Kɛ maa pee kɛɛ nɛ ma kua nyɛ? Kɛ maa pee kɛɛ nɛ ma kpata nyɛ hɛ mi kaa bɔ nɛ i pee Adma a? Kɛ maa pee kɛɛ nɛ ma wa nyɛ yi mi kaa bɔ nɛ i pee Zeboyim ɔ? Ye tsui be mi blɔ ngmɛe kaa ma pee jã! Suɔmi nɛ i ngɛ kɛ ha nyɛ ɔ nya wa tsɔ!

Yeremia 26:3

Alini a maa bu tue nɛ a maa kpale kɛ je a blɔ yayami ɔmɛ a nɔ. Ke a pee ja a, lɛɛ yi mi nɛ i to kaa ma gbla a tue ngɛ a ní yayami ɔmɛ a he ɔ, ma tsake jamɛ a yi mi tomi ɔ.”

Manyadali 2:18

Be tsuaa be nɛ Yawɛ ma ha Israel manyadalɔ ko ɔ, e piɛɔ e he kɛ kpɔɔ ma a kɛ jeɔ a he nyɛli ɔmɛ a dɛ mi e wami ligbi ɔmɛ tsuo. Ejakaa kɛmɛmi nɛ a hii kɛmɛe ngɛ a yi mi wali, kɛ ni nɛmɛ nɛ haoɔ mɛ ɔ a dɛ mi ɔ peeɔ Yawɛ mɔbɔ.

La 106:45

E kai somi nɛ e kɛ mɛ so ɔ, nɛ e suɔmi babauu ɔ he je ɔ, e ngɔ a he kɛ ke mɛ.

La 135:14

Yawɛ ma fa e ma a he; e maa na e tsɔli ɔmɛ mɔbɔ.

La 90:13

Mɛni be o mi mi fumi ɔ se maa po? Yawɛ, naa wɔ, o tsɔli ɔmɛ mɔbɔ!

Kronika II, 12:6

Matsɛ ɔ, kɛ Israel ganɔ ɔmɛ kplɛɛ kaa a pee yayami, nɛ a kɛ he si bami de ke, “Nɔ́ nɛ Yawɛ pee ɔ da.”

Mose V, 32:36

Yawɛ ma kpɔ e ma a kɛ je he nyɛli a dɛ mi be mi nɛ e na kaa a he wami tsuo ta. Nihi nɛ sɔmɔɔ lɛ ɔ lɛɛ ke e na bɔ nɛ peepee ta a he ha a, e maa na mɛ mɔbɔ.

Mose II, 32:12

Mɛni he je nɛ o ma ha nɛ Egipt bi ɔmɛ ma de ke, ‘E to yi mi yaya kaa e ma kpata e ma a hɛ mi ngɛ yo ɔmɛ a nɔ; lɔ ɔ he je nɛ e ya je mɛ kɛ je Egipt ɔ nɛ.’ Ha nɛ o mi mi fumi ɔ nya nɛ ba si, nɛ o kpale o nya se ngɛ yayami nɛ jinɛ o to kaa o maa pee o ma a he.

Yona 4:2

Lɔ ɔ he ɔ, e kɛ hɛdɔ fa kue ha Yawɛ nɛ e de ke, “Yawɛ, benɛ i na we ma je ye zugba a nɔ lokoo ɔ, enɛ ɔ nɛ i na nɛ i de ɔ nɛ. Enɛ ɔ he je nɛ i tu fo kɛ ho Spania ya a nɛ. Ejakaa mo Mawu ɔ, i le kaa o mi mi jɔ, o naa mɔbɔ, o toɔ o tsui si, o suɔmi tsakee we; nɛ o kɛ nɔ he yayami paa nɔ.

Ezekiel 33:13

Ke i de dalɔ ko ke bɔ tsuaa bɔ nɛ pee ɔ, e yi ma na wami, kɛkɛ nɛ e bɔni kpakpa nɛ e pee be ko ɔ he susumi kaa e hiɛ babauu, nɛ jehanɛ e bɔni yayami peemi ɔ, i be kpakpa nɛ e pee be ko ɔ kaie. Yayamihi nɛ e pee ɔ a he e ma gbo ngɛ.

Ezekiel 33:11

De mɛ ke imi Nyɔmtsɛ Yawɛ, i ngɛ ye he kita kae ke i na we yayami peelɔ gbenɔ he bua jɔmi, se mohu i suɔ kaa e kpa yayami peemi, konɛ e yi nɛ na wami. Israel, nyɛ kpa yayami nɛ nyɛ ngɛ pee ɔ. Mɛni he je nyɛ suɔ mohu kaa nyɛ ma gbo ɔ?

Yeremia 42:10

‘Ke nyɛ maa hi zugba nɛ ɔ nɔ ɔ, lɛɛ ma gbaa nyɛ, nɛ i be nyɛ hɛ mi kpatae; ma to nyɛ si, nɛ i be nyɛ hiae hu. E dɔ mi babauu kaa i gbla nyɛ tue kaa kikɛ nɛ ɔ.

Yeremia 36:3

Eko piɔ Yuda bi ɔmɛ maa nu kaa i to ye yi mi kaa ma kpata a hɛ mi, nɛ a maa kpale kɛ je a blɔ yayami ɔmɛ a nɔ. Ke a pee ja a, ma ngɔ a tɔmi ɔmɛ, kɛ a he yayami ɔmɛ kɛ pa mɛ.”

Yeremia 26:19

Nɛ Mika de nɔ́ nɛ ɔ, anɛ Yuda matsɛ, Hezekia kɛ ma a tsuo gbe lɛ lo? Dɛbi! Nɔ́ nɛ Hezekia pee mohu ji kaa e ye Yawɛ gbeye, nɛ e hla e se blɔ. Enɛ ɔ he je ɔ, yi mi nɛ Yawɛ to kaa e kɛ amanehlu maa ba ma a nɔ ɔ, Yawɛ tsake jamɛ a yi mi tomi ɔ. Amlɔ nɛ ɔ, wɔɔ lɛɛ wa ngɛ hlae nɛ waa kɛ amanehlu agbo nɛ ba wɔ nitsɛmɛ wa nɔ.”

Yeremia 15:6

Nyɛ kua mi; nyɛ plɛ nyɛ se kɛ wo mi. Enɛ ɔ he je ɔ, imi hu i wo ye nine nɔ ngɛ nyɛ nɔ, nɛ i kpata nyɛ hɛ mi. Ejakaa bɔ nɛ i ngɔɔ nyɛ he kɛ kee nyɛ daa nɛ ɔ, pɔ ba tɔ mi jehanɛ.

Yeremia 12:16

Je ma nɛ ɔmɛ tsɔɔ ye ma a, nɛ a kɛ Baal biɛ kaa kita. Ke a ma kpa a yi mi, nɛ a maa ngɔ mi kɛ pee a Mawu ngɛ Baal nane mi, nɛ a kɛ ye biɛ ma ka kita ja a, lɛɛ a maa bu mɛ ngɔ si ye ma mi bi ɔmɛ a nɔ.

Ezekiel 33:14

Ke i bɔ yayami peelɔ kɔkɔ kaa e ma gbo, kɛkɛ nɛ e kpa yayami peemi, nɛ e bɔni nɔ́ nɛ da peemi kɛ dami sane yemi ɔ, e be gboe; e yi ma na wami.

Mose II, 32:14

Kɛkɛ nɛ Yawɛ kpale e nya se, nɛ yayami nɛ jinɛ e to kaa e maa ba ma a nɔ ɔ bɛ a nɔ hu.

Ezekiel 33:12

“Nɔmlɔ adesa, jehanɛ de Israel ma a ke, ke dalɔ pee yayami ɔ, kpakpa nɛ e pee be ko ɔ be nyɛe ma he e yi wami. Ke yayami peelɔ kpa yayami peemi ɔ, a be e tue gblae; nɛ ke dalɔ bɔni yayami peemi ɔ, a be e yi wami hee.

Amos 5:15

Nyɛɛ hie nɔ́ nɛ dɛ blɔ. Nyɛɛ suɔ nɔ́ kpakpa, nɛ nyɛɛ hyɛ nɛ a ye dami sane ngɛ kojomi he ɔmɛ. Alini, Yawɛ Tabohiatsɛ Mawu ɔ maa na Yosef nina nɛ piɛɔ mɔbɔ.