Yeremia 18:22 - BAIBLO ALOO NGMAMI KLƆUKLƆU Ɔ

²² Ha nɛ ta nɛ ba tua mɛ tlukaa, nɛ bubuubui nɛ pɛ ngɛ a we ɔmɛ a mi. A tsua muɔ ngɔ fɔ si ha mi nɛ ma nɔ mi, nɛ a tsɔ mi klama nɛ ma du.

Yeremia 18:22 ပူးပေါင်းရင်းမြစ်များ

Yeremia 6:26

Yawɛ de e ma a ke, “Nyɛ bu kpekpe ya bo, nɛ nyɛɛ ngɔ nyɛ he kɛ wuwlua si ngɛ la zu mi. Nyɛɛ wo yana nɛ nyɛɛ ye kɔmɔ kaa a yeɔ kɔmɔ kɛ haa bi kake too nɛ gbo, ejakaa ta a nɛ ma nyɛ hɛ mi kpatami ɔ ma ba tua nyɛ tlukaa.

La 140:5

He nɔ woli tsɔ klamahi ngɛ blɔ ɔmɛ a tue. A tsɔ mi klama, konɛ a du mi.

Zefania 1:16

Jamɛ a ligbi ɔ, ta titimatihi maa pɛ, nɛ ta buli ma he ose, nɛ a ma ba tua mahi nɛ a fia gbogbo kɛ wo a he, kɛ mɔ gagaagahi.

Mateo 22:15

Jehanɛ, Farisi bi ɔmɛ ho nɛ a ya so, bɔ nɛ a maa pee nɛ a ma na Yesu he blɔ kɛ gu lɛ nitsɛ e munyu tumi nɔ.

Yeremia 20:10

I nuɔ nɛ nihi babauu tuɔ munyu ngɛ a kuɔ si, nɛ a kɛ woɔ ye he gbeye. A deɔ ke, “Nyɛ ha nɛ wa ya po e nya ha nɔ yeli ɔmɛ!” Ye huɛmɛ kpakpahi tete po hii blɔ hyɛe kaa ye nane ma kpata lo. A deɔ ke, “Alini e maa du klama, kɛkɛ ɔ, wa nine maa su e nɔ nɛ wa maa ye wa he lue.”

Yeremia 18:20

Anɛ e sa kaa a kɛ yayami nɛ to kpakpa nane mi lo? Se mɛɛ lɛɛ a tsua muɔ ha mi nɛ ma nɔ mi. Kai kaa i ba o ngɔ nɛ i ba tu a he munyu kpakpa ha mo, bɔ nɛ pee nɛ o kɛ mɛ ko ye ngɛ o mi mi fumi ɔ nya.

Yeremia 4:31

I nu gbi ko nɛ ngɛ pɛe kaa yo nɛ nu kɔɔmi; i nu kɛmɛmi ko kaa yo nɛ ngɛ e kekleekle bi fɔe. Mamoo Yerusalem nɛ e kɛ gbafa ngɛ ngmlaa kpae ɔ nɛ. E juale e nine mi, nɛ e ngɛ dee ke, “Akuanyɛ! Ye yi ta pɛ! He nyɛli ɔmɛ miɔ nɛ a maa gbe mi!”

Yesaya 10:30

Galim bi, nyɛ kpa ngmlaa! Laisha bi, nyɛɛ bu tue! Nyɛ he nɔ koo, nyɛ Anatot bi!

La 38:12

Nihi nɛ ngɛ mi hlae nɛ a gbe ɔ tsɔɔ mi klama. Ni nɛmɛ nɛ hlaa kaa a ye mi awi ɔ, daa nɛ ɔ, a ngɛ lakpa yee, nɛ a ngɛ ye he guɛ gbee kɛ ngɛ nyɛɛe.

La 119:85

Nihi nɛ woɔ a he nɔ tsua muɔhi kɛ tsɔ mi klama, konɛ a nine nɛ su ye nɔ.

Yeremia 5:26

“Yiwutsotsɛmɛ ngɛ ye ma mi bi ɔmɛ a kpɛti. A woɔ ka kaa bɔ nɛ nihi nɛ tsɔɔ lohwe pɛlitsɛmɛ klama peeɔ ɔ. Se mɛɛ lɛɛ ke a tsɔ klama a, nimli lɛ a duɔ.

Yeremia 20:16

Ha nɛ jamɛ a nyumu ɔ nɛ pee kaa jamɛ a ma amɛ nɛ Yawɛ kpata a hɛ mi nɛ mɔbɔ nami ko be mi ɔ pɛ. Mɔtu ɔ, ha nɛ bubuubui nɛ pɛ kɛ wo lɛ; piani lɛɛ e nu nɛ a he ose ngɛ ta mi,

La 140:6

I deɔ Yawɛ ke, “Mo ji ye Mawu!” Yawɛ, moo bu ye kue fami ɔ tue!

La 142:4

Ke i hyɛ ye hiɔ nɔ ɔ, nɔ ko nɔ ko be nɛ maa je ngmlaa ha mi; wesa he ko kulaa be ha mi, nɔ ko nɔ ko bui ye he akɔtaa.