Yeremia 18:20 - BAIBLO ALOO NGMAMI KLƆUKLƆU Ɔ

²⁰ Anɛ e sa kaa a kɛ yayami nɛ to kpakpa nane mi lo? Se mɛɛ lɛɛ a tsua muɔ ha mi nɛ ma nɔ mi. Kai kaa i ba o ngɔ nɛ i ba tu a he munyu kpakpa ha mo, bɔ nɛ pee nɛ o kɛ mɛ ko ye ngɛ o mi mi fumi ɔ nya.

Yeremia 18:20 ပူးပေါင်းရင်းမြစ်များ

Hiob 6:27

Anɛ nyɛ ma nyɛ maa fɔ awusa bi nɔ sɔ lo? Anɛ nyɛ ma nyɛ maa wo nyɛ huɛ he jua lo?

La 106:23

Benɛ Mawu de ke e ma kpata e ma a hɛ mi ɔ, e tsɔlɔ Mose nɛ e hla a nɛ da mi ha ma a. Mose lɛ jɔɔ Mawu abofu ɔ he, loko e kpataa we ma a hɛ mi ɔ nɛ.

La 119:95

Yiwutsosɛmɛ woɔ mi ka nɛ a kpata ye hɛ mi; se imi lɛɛ o mlaa amɛ a he mohu i susuɔ.

La 35:12

A peeɔ mi yayami kɛ toɔ kpakpa nane mi, nɛ a woɔ mi ka, konɛ a gbe mi.

La 35:7

Ejakaa a tsɔ mi klama, nɛ a tsua muɔ ngɔ to ha mi yaka gu.

La 38:20

Nihi nɛ ngɔɔ yayami kɛ toɔ kpakpa nane mi ɔ, jamɛatsɛmɛ ɔmɛ ba pee ye he nyɛli; ejakaa imi lɛɛ i hlaa kaa ma pee nɔ́ nɛ da.

La 57:6

Ye he nyɛli ɔmɛ tsɔ mi klama; nɛ ye ní pee mɔbɔ kulaa. A tsua muɔ ngɛ ye blɔ ɔ mi, se mɛ nitsɛmɛ mohu a ya nɔ mi.

La 7:15

E tsuaa muɔ kɛ haa ni kpahi; se muɔ ɔ nɛ e tsua a, lɛ nitsɛ nɛ e maa nɔ mi.

Abɛ Womi 17:13

Nɔ nɛ ngɔɔ yayami kɛ toɔ kpakpa nane mi ɔ, yayami be e we mi tae gblegbleegble.

Abɛ Womi 26:27

Nɔ nɛ tsuaa muɔ kɛ fɔɔ si ha nɔ ko ɔ, lɛ nɔuu lɛ e maa nɔ mi. Nɔ nɛ kpɛneɔ tɛ ɔ, lɛ nɔuu e nɔ tɛ ɔ maa nɔ.

Fiɛlɔ 10:8

Nɔ nɛ tsuaa muɔ ɔ, lɛ nɛ maa nɔ mi; nɔ nɛ gbaa piɛ ɔ, lɛ nɛ sinɔ maa kɔ.

Yeremia 11:14

Lɔ ɔ he ɔ, Yeremia, ko kpa pɛɛ ha kikɛmɛ a ma nɛ ɔ; koo da a nane mi nɛ o kɛ fa kue ha mi. Ke amanehlu ba a nɔ nɛ a fa kue ha mi ɔ, i be mɛ tue bue.”

Yeremia 14:20

Yawɛ, wa ngɛ jajee ke wa pee yayami kɛ si mo, nɛ wa nɛmɛ ɔmɛ hu pee yayami kɛ si mo.

Yeremia 15:1

Kɛkɛ nɛ Yawɛ de mi ke, “Ke Mose kɛ Samuel ba da ye hɛ mi nɛ a fa kue ha mi tete po, i be nimli nɛ ɔmɛ mɔbɔ nae. Fie mɛ kɛ je ye hɛ mi hiɛmɛ nɛ ɔ nɛ a ho.

Yeremia 17:18

Ni nɛmɛ nɛ ngɛ mi yi mi wae ɔ, ha nɛ zo nɛ gbe mɛ; se imi lɛɛ ha nɛ ma ye ye he. Ha nɛ sawale nɛ nu mɛ, se imi lɛɛ koo wo ye he gbeye. Ngɔɔ haomi kɛ ba a nɔ, nɛ o kpata a hɛ mi pɛsɛpɛsɛ.

Yeremia 18:19

Lɔ ɔ he ɔ, i fa kue ha Yawɛ ke, “Yawɛ, i kpa mo pɛɛ nɛ o bu mi tue, nɛ nɔ́ nɛ ye he nyɛli ɔmɛ ngɛ dee ngɛ ye he ɔ, o nu.

Yeremia 18:22

Ha nɛ ta nɛ ba tua mɛ tlukaa, nɛ bubuubui nɛ pɛ ngɛ a we ɔmɛ a mi. A tsua muɔ ngɔ fɔ si ha mi nɛ ma nɔ mi, nɛ a tsɔ mi klama nɛ ma du.

Yeremia 27:18

Ke gbali ji mɛ niinɛ, nɛ a na ye sɛ gbi ɔ, ha nɛ a fa kue ha imi Yawɛ Tabohiatsɛ ɔ mohu, konɛ ma ko ngmɛ blɔ nɛ a ba muɔ juetli nɛ piɛ ngɛ Yawɛ we ɔ, kɛ Yuda matsɛ we ɔ ngɛ Yerusalem kɛ ho Babilonia ya.”

Yeremia 5:26

“Yiwutsotsɛmɛ ngɛ ye ma mi bi ɔmɛ a kpɛti. A woɔ ka kaa bɔ nɛ nihi nɛ tsɔɔ lohwe pɛlitsɛmɛ klama peeɔ ɔ. Se mɛɛ lɛɛ ke a tsɔ klama a, nimli lɛ a duɔ.

Yeremia 7:16

Yawɛ de mi ke, “Yeremia, koo fa kue ha ma nɛ ɔ. Ko kpa mi pɛɛ ha mɛ; koo da mi ha mɛ, ejakaa i be mo tue bue.

Kɔmɔ Yemi 3:59

Yawɛ, moo ye ye sane ɔ ha mi; yayami tsuo nɛ a pee mi ɔ, o le.

Yohane 10:32

Se Yesu de mɛ ke, “I pee ní kpakpahi babauu nɛ nyɛ na. Níhi nɛ i pee ɔ, Tsɛ ɔ nɛ tsɔɔ mi. Te nɔ́ nɛ he nɛ nyɛ ngɛ hlae nɛ nyɛɛ fia mi tɛ ɔ.”

Yohane 15:25

Lɔ ɔ he ɔ, e sa nɛ e ba jã, konɛ nɔ́ nɛ a ngma ngɛ a mlaa a mi ke, ‘A nyɛ mi yaka gu’ ɔ nɛ ba mi.

Samuel I, 19:4

Yonatan ya je David yi ha e tsɛ Saul, nɛ e de lɛ ke, “Tsaatsɛ, koo pee o tsɔlɔ David yayami, ejakaa e pee we mo yayami ko. Jehanɛ se hu, ní tsumihi nɛ e tsu ɔ tsuo pɛpɛɛpɛ ji dloomi agbo kɛ ha mo.