Yeremia 18:18 - BAIBLO ALOO NGMAMI KLƆUKLƆU Ɔ

¹⁸ Kɛkɛ nɛ ma a de ke, “Nyɛ ha nɛ waa to Yeremia he ga. Daa nɛ ɔ, wa ma na osɔfohi nɛ maa tsɔɔ wɔ ní. Wa ma na ní leli nɛ maa wo wɔ ga, kɛ gbali nɛ ma ha wɔ Mawu sɛ gbi. Ke wa to ga nɛ ɔ, pi lɔ ɔ nɛ ma ha nɛ ní nɛ ɔmɛ a se maa po. Nyɛ ha nɛ waa po sane ngɔ fɔ e nɔ, nɛ waa jɔɔ e munyu ɔmɛ tue bumi.”

Yeremia 18:18 ပူးပေါင်းရင်းမြစ်များ

Samuel II, 15:31

Benɛ a ya bɔ David amaniɛ ke Ahitofel hu ya piɛ Absalom atuã tsɔli ɔmɛ a he ɔ, e sɔle ke, “Yawɛ lee, i kpa mo pɛɛ nɛ o plɛ Ahitofel ga womi ɔ kɛ pee kuasiahi a sane.”

Samuel II, 17:14

Absalom kɛ Israel bi ɔmɛ tsuo de ke, “Ga nɛ Hushai, Arki no ɔ wo ɔ hi pe Ahitofel nɔ́ ɔ.” Blɔɔ Yawɛ to momo kaa ga kpakpa a nɛ Ahitofel wo ɔ, a ko ye nɔ, bɔ nɛ pee nɛ lɛ, Yawɛ ɔ e kɛ amanehlu nɛ ba Absalom nɔ.

Matsɛmɛ I, 22:24

Kɛkɛ nɛ gbalɔ Zedekia, Kenaana binyumu ɔ ho nɛ e ya gba Mikaya hɛ mi ma, nɛ e bi lɛ ke, “Mɛni be Yawɛ mumi ɔ je ye nɔ nɛ e kɛ mo ba tu munyu?”

Kronika II, 24:21

Matsɛ Yoash kɛ ma a so ngɔ wo Zakaria he, nɛ matsɛ ɔ fa mɛ nɛ a ya fia Zakaria tɛ ngɛ Yawɛ we ɔ kue ɔ mi.

Hiob 5:13

Ke ní leli tsɔ nihi klama a, lɛ nɛ e haa klama amɛ fɛɔ yaka nɛ a puɛ we ní.

La 21:11

Ke a so e yi nɔ, aloo a to yi mi yaya ngɔ wo e he po, a nine be e nɔ sue.

La 52:2

Nihi a hɛ mi kpatami he sɔuu o ngɛ soe be tsuaa be. O lilɛ ngɛ kaa asoyi nɛ nya ba, mo lakpatsɛ, nɔ sisilɔ.

La 57:4

He nyɛli bɔle mi kɛ kpe kaa jatahi nɛ yeɔ nɔmlɔ lo; a lunguhi ngɛ kaa akplɔhi, kɛ kɛ̃ɛ̃ mi bihi; a lilɛhi a nya ba kaa klaate nɛ a duɔ nya saminya.

La 64:3

A duɔ a lilɛhi a nya kaa klaate; a munyu yaya amɛ ngɛ kaa kɛ̃ɛ̃ mi bihi

Abɛ Womi 18:21

Munyu nɛ jeɔ nɔ nya mi ɔ, gbenɔ, loo wami lɛ e kɛ baa. Nihi nɛ suɔ munyu tumi ɔ, nɔ́ kpakpa, loo nɔ́ yaya ko nɛ maa je mi kɛ ba a, e sa mɛ.

Yesaya 32:7

Nɔ sisilɔ ɔ, ní yayahi a he ga pɛ e toɔ. E yeɔ lakpa konɛ e kɛ kpata dɛgutsɛmɛ a hɛ mi. Ke a sane da po, bɔ nɛ e peeɔ mɛ ji nɛ ɔ nɛ.

Yeremia 11:19

I pee kaa jijɔ nɛ he jɔ, nɛ a kɛ lɛ yaa nɛ a ya gbe, nɛ i li kaa a ngɛ ye he ga yayami ko toe. Nɔ́ nɛ a ngɛ dee ji, “Nyɛ ha nɛ waa po tso ɔ kɛ e yiblii ɔ tsuo ngɔ fɔ he; nyɛ ha nɛ waa gbe lɛ, konɛ nɔ ko nɛ ko kai lɛ hu.”

Yeremia 18:11

Lɔ ɔ he ɔ, de Yuda ma a, kɛ Yerusalem ma mi bi ɔmɛ ke, i ngɛ a yi nɔ soe, nɛ ma gbla a tue. De mɛ ke a jɔɔ yayami peemi, nɛ a dla a blɔ ɔmɛ, nɛ a pee nɔ́ nɛ da.

Yeremia 18:19

Lɔ ɔ he ɔ, i fa kue ha Yawɛ ke, “Yawɛ, i kpa mo pɛɛ nɛ o bu mi tue, nɛ nɔ́ nɛ ye he nyɛli ɔmɛ ngɛ dee ngɛ ye he ɔ, o nu.

Yeremia 2:8

Osɔfo ɔmɛ bi we ke, ‘Jije Yawɛ ngɛ?’ Imi nitsɛ ye we osɔfohi po li mi. Nɔ yeli ɔmɛ te si kɛ wo mi; gbali ɔmɛ gba ngɛ Baal biɛ mi, nɛ a ya nyɛɛ níhi nɛ a he be se nami a se.

Yeremia 20:10

I nuɔ nɛ nihi babauu tuɔ munyu ngɛ a kuɔ si, nɛ a kɛ woɔ ye he gbeye. A deɔ ke, “Nyɛ ha nɛ wa ya po e nya ha nɔ yeli ɔmɛ!” Ye huɛmɛ kpakpahi tete po hii blɔ hyɛe kaa ye nane ma kpata lo. A deɔ ke, “Alini e maa du klama, kɛkɛ ɔ, wa nine maa su e nɔ nɛ wa maa ye wa he lue.”

Yeremia 26:11

Kɛkɛ nɛ osɔfo ɔmɛ, kɛ gbali ɔmɛ, de ma nimeli ɔmɛ kɛ ma a ke, “Kaa bɔ nɛ nyɛ nitsɛmɛ nyɛ nu kɛ nyɛ tue ɔ, nyumu nɛ ɔ tu munyu kɛ si wa ma a. Lɔ ɔ he ɔ, ja a gbe lɛ!”

Yeremia 37:13

Se benɛ i su Benyamin agbo ɔ nya a, bulɔ ko nu mi nɛ e po ye nya ke, “Babilonia bi ɔmɛ a ngɔ o tu fo kɛ yaa nɛ ɔ nɛ!” Bulɔ ɔ nɛ nu mi ɔ biɛ ji Iriya, nɛ Hanania bi Shelemia lɛɛ e bi ji lɛ.

Yeremia 43:2

Benɛ i gbe nya a, Hoshaya bi Azaria, Karea bi Yohanan, kɛ nyumuhi he nɔ woli kpa amɛ tsuo de mi ke, “Lakpa munyu o ngɛ tue nɛ ɔ nɛ. Yawɛ, wa Mawu ɔ tsɔ we mo ke o ba de wɔ ke wa ko ya hi Egipt.

Yeremia 44:16

“Munyu ɔ nɛ o kɛ wɔ tu ngɛ Yawɛ biɛ mi ɔ, wa be tue bue fɛɛ.

Yeremia 44:17

Níhi tsuo nɛ wa de ke wa maa pee ɔ, lɔ ɔmɛ wa maa pee. Wa maa sã tsopa kɛ e he via kɛ ha wa yo mawu ɔ nɛ ji hiɔwe manyɛ ɔ, nɛ wa maa sã wai bɔ ha lɛ kaa bɔ nɛ waa kɛ wa nɛmɛ ɔmɛ, wa matsɛ ɔ, kɛ wa ma nimeli ɔmɛ pee be ko ngɛ Yuda ma amɛ a mi, kɛ Yerusalem gbɛjegbɛ ɔmɛ a nɔ ɔ. Jamɛ a be ɔ mi ɔ, wa ngɛ niye ní babauu; wa plɔke, nɛ haomi ko be wa nɔ.

Yeremia 8:8

Kɛ peeɔ kɛɛ nɛ nyɛ deɔ ke ní leli ji nyɛ, nɛ nyɛ le ye mlaa amɛ, be mi nɛ yakayaka womi ngmali tsake mlaa amɛ tsuo a hɛ mi kikɛ nɛ ɔ?

Kɔmɔ Yemi 3:62

Be tsuaa be ɔ, ye he munyu yaya sɔuu a ngɛ tue. Jã kɛ̃ a ngɛ a ga yaya amɛ toe.

Ezekiel 7:26

Amanehlu maa nyɛɛ amanehlu se; nɛ munyu yobu maa nyɛɛ munyu yobu se; nyɛ ma hla nina kɛ je gbali ɔmɛ a ngɔ, se osɔfo ɔmɛ po mlaa maa laa mɛ kulaa; nɛ nyɛ ma nimeli ɔmɛ hu be ga kpakpa ko nyɛe maa wo.

Mose III, 10:11

Nyɛɛ tsɔɔ Israel bi ɔmɛ mlaa amɛ tsuo kulaa nɛ́ imi Yawɛ, i wo mɛ kɛ gu Mose nɔ ɔ.”

Mika 3:6

“Nyɛ ligbi ɔ nya ta, nɛ du miɔ nɛ e ma bu nyɛ. Nyɔ mi ɔ, nyɛ be ní nae hu; ke diblii wo ɔ, nyɛ be klaae hu.” Yawɛ lɛ de.

Mika 3:7

Zo maa gbe gbali ɔmɛ kɛ klaali ɔmɛ; mɛ tsuo pɛpɛɛpɛ a ma ma a nya. Ke a gba a, e be mi bae fɛɛ, ejakaa a be sɛ gbi ko nae kɛ je Mawu ngɔ hu.

Malaki 2:7

E sa kaa osɔfo ɔmɛ nɛ a tsɔɔ ma a ní, nɛ a le Mawu anɔkuale mi. E sa kaa ma a nɛ ya a ngɔ nɛ a ya kase ye suɔmi nya ní. Ejakaa imi Yawɛ Tabohiatsɛ ɔ, ye tsɔli ji osɔfo ɔmɛ ɔ nɛ.

Luka 11:45

Mlaa tsɔɔli ɔmɛ a ti nɔ kake de lɛ ke, “Tsɔɔlɔ, ke o de enɛ ɔ, wɔ lɛ o ngɛ jɛe ɔ nɛ!”

Yohane 9:40

Benɛ Farisi bi komɛ nɛ ngɛ lejɛ ɔ nu nɛ e de nɔ́ nɛ ɔ, a bi ke, “Anɛ o ngɛ tsɔɔe kaa wɔ hu wa hɛ yu lo?”