Yeremia 18:17 - BAIBLO ALOO NGMAMI KLƆUKLƆU Ɔ

¹⁷ Kaa bɔ nɛ ahlabata kɔɔhiɔ muɔɔ bunyuku ɔ, jã pɛ ma gbɛ ye ma a ngɔ fĩa ngɛ a he nyɛli ɔmɛ a hɛ mi. Ke haomi ba a nɔ ɔ, ma plɛ ye se ngɔ wo mɛ; i be yee kɛ bua mɛ.”

Yeremia 18:17 ပူးပေါင်းရင်းမြစ်များ

Yeremia 13:24

Yawɛ maa gbɛ nyɛ ngɔ fĩa kaa tsakati nɛ ahlabata kɔɔhiɔ muɔ kɛ yaa.

Yeremia 2:27

A ma pue nyɛ tsuo pɛpɛɛpɛ nyɛ hɛ mi si, nyɛ ni nɛmɛ nɛ nyɛ tsɛɔ tso ke nyɛ tsɛ, nɛ nyɛ deɔ ke nyɛ nyɛ ji tɛ sa a. Nɔ́ nɛ ɔ maa ba mi, ejakaa nyɛ tsɔ ye hɛ mi atuã, be mi nɛ e sa kaa nyɛ ba nyɛɛ ye se mohu. Se ke haomi ba nyɛ nɔ lɛɛ nyɛ deɔ ke ma ba he nyɛ yi wami.

Hosea 13:15

Ke Israel ma a ngɛ plɔkee, nɛ e pee plɔplɔɔplɔ kaa nga po, ma ha kɔɔhiɔ nɛ mi dɔ la maa fia kɛ je nga kplanaa a nɔ ngɛ beleku je kɛ ba. Kɔɔhiɔ ɔ ma ha nɛ nyu maa ta a vu ɔmɛ a mi, nɛ pa amɛ maa mii. Ma ha a juetli tsuo maa ta.

La 48:7

O ha beleku kɔɔhiɔ fia huu! Nɛ e ywia Spania lɛ ɔmɛ.

Hiob 27:21

Beleku kɔɔhiɔ maa fia lɛ kɛ ho; e maa bɛɛ lɛ kɛ je he nɛ e hii ɔ.

Yeremia 46:21

Ta buli nɛ Egipt bɔ mɛ apaa a, mɛ po a ngɛ kaa na bimɛ kɛkɛ. A nyɛ we nɛ a da si ngɛ ta a nya; mɛ tsuo a tu fo kɛ je ta a nya. A haomi be ɔ su, a hɛ mi kpatami be ɔ su.

Yeremia 32:33

A plɛ a se ngɔ wo mi, nɛ a kua a tsui tsakemi. I gbo dengme kɛ tsɔɔ mɛ ní be babauu, se a bui tue fɛɛ; nɔ́ ko hu a kase we.

Mose V, 32:35

Yawɛ maa ye lue kokooko. E maa gbla he nyɛli ɔmɛ a tue. A maa sane nɔ si amlɔ nɔuu. E be kɛe kulaa nɛ e ma kpata a hɛ mi. A nyagbe ma tlukaa.

Mose V, 31:17

Ke e ba mi ja a, ye mi mi ma fu. I ma kua mɛ, nɛ a hɛ mi ma kpata. Haomihi nɛ ngɛ gbeyegbeye maa ba a nɔ, nɛ lɔ ɔ loko a ma kpa si kaa ní nɛ ɔmɛ ngɛ a nɔ bae, ejakaa imi a Mawu ɔ, i kua mɛ.

Mose V, 28:64

“Yawɛ maa gbɛ nyɛ ngɔ fĩa je ma amɛ tsuo a mi, kɛ maa je je ɔ nyagbe he kake kɛ maa ya nyagbe he kake, nɛ lejɛ ɔ nyɛ ma sɔmɔ mawuhi nɛ a kɛ tso kɛ tɛ pee, mawuhi nɛ nyɛ, loo nyɛ nɛmɛ ja we hyɛ.

Mose V, 28:25

“Yawɛ ma ha nyɛ he nyɛli ɔmɛ maa ye nyɛ nɔ. Nyɛ maa gu he kake kɛ ya tua mɛ, se a maa gbɛ nyɛ ngɔ fĩa basaa, nɛ zugba a nɔ matsɛ yemi ɔmɛ tsuo maa ye gbeye ngɛ nɔ́ nɛ ba nyɛ nɔ ɔ he.

Abɛ Womi 24:16

Nɔmlɔ kpakpa a, ke e nɔ si nɔtonɔto si kpaago po, e maa te si ekohu. Se nimli yayamihi lɛɛ ke haomi ba a nɔ kɛkɛ a hɛ mi kpata pɛsɛpɛsɛ.

Ezekiel 7:22

Ke a ngɛ ye we ɔ june blee po, i be a nya tsie; juli ma nyɛ maa sɛ mi ya ble lejɛ ɔ faa.

Ezekiel 27:26

Benɛ lɛ hluili ɔmɛ kɛ mo ya su wo ɔ nɔ tsitsaa a, wo nɔ kɔɔhiɔ fia kɛ ba na mo, nɛ e kpata o hɛ mi ngɛ lejɛ ɔ.