Yeremia 18:16 - BAIBLO ALOO NGMAMI KLƆUKLƆU Ɔ

¹⁶ A ha nɛ a zugba a pee gbeyegbeye kaa nɔ́ ko nɛ a maa hie daa. Nɔ tsuaa nɔ nɛ ma ba be ngɛ lejɛ ɔ, e he mi maa po, nɛ e ma mimiɛ e yi.

Yeremia 18:16 ပူးပေါင်းရင်းမြစ်များ

La 22:7

Nɔ tsuaa nɔ nɛ maa na mi ɔ, e yeɔ ye he fɛu. A plɛɔ a nya, nɛ a mimiɛɔ a yi.

Yeremia 25:9

‘Ma tsɔ nɛ a ya kpee omleyi je ma amɛ tsuo, kɛ Babilonia matsɛ Nebukadnezar, ye tsɔlɔ ɔ kɛ ba. Ma ngɔ mɛ kɛ ba, nɛ a kɛ Yuda zugba a, kɛ ma mi bi ɔmɛ, kɛ je mahi tsuo nɛ bɔle mɛ ɔ ma ba hwu ta. Ma kpata zugba nɛ ɔ, kɛ mahi nɛ bɔle lɛ ɔ a hɛ mi pɛsɛpɛsɛ; a ma plɛ pee gbeye nɔ́, muɔ nɔ́, kɛ he fɛu yemi nɔ́ kɛ ya neneene. Imi, Yawɛ lɛ i de.

Yeremia 19:8

Ma ha nɛ Yerusalem ma nɛ ɔ maa pee ma doku, kɛ nɔ́ nɛ a hiee; nɔ tsuaa nɔ nɛ ma ba be ngɛ lejɛ ɔ, e he mi maa po, nɛ e maa ye gbeye ngɛ amanehluhi nɛ maa ba ma a nɔ ɔ he.

Mateo 27:39

Nihi nɛ bee ɔ huanya yi, nɛ a tu musu bɔmi munyuhi kɛ si Yesu ke,

Mika 6:16

Ní nɛ ɔmɛ maa ba mi, ejakaa nyɛ ya ye Matsɛ Omri mlaa amɛ a nɔ, nɛ níhi nɛ e bi Ahab pee ɔ, nyɛ hu nyɛ pee jamɛ a ní ɔmɛ nɔuu. Nyɛ ya nyɛɛ a blɔ yayami ɔmɛ a nɔ. Enɛ ɔ he je ɔ, ma kpata nyɛ hɛ mi pɛsɛpɛsɛ. Je ma amɛ ma li nyɛ, nɛ a maa ye nyɛ he fɛu; nɔ tsuaa nɔ nɛ maa na nyɛ ɔ maa hie nyɛ.” Yawɛ lɛ de.

Yeremia 50:13

Imi Yawɛ, ye mi mi fu Babilon, nɛ nɔ ko nɔ ko be lejɛ ɔ hie hu; e maa pee ma doku kulaa, nɛ nɔ tsuaa nɔ nɛ ma ba be ngɛ lejɛ ɔ, e he mi maa po, nɛ e nya maa kpɛ e he.

Yeremia 49:13

Imi nitsɛ i ka ye he kita ke ma ha nɛ Bozra ma a maa pee ma doku; nihi maa ye a he fɛu, nɛ a kɛ ma a biɛ maa gbiɛ nɔ. Kɔpehi nɛ bɔle ma a tsuo a hɛ mi ma kpata kɛ ya neneene. Imi, Yawɛ lɛ i de.”

Matsɛmɛ I, 9:8

We nɛ ɔ maa pee we doku, nɛ nɔ tsuaa nɔ nɛ bee ɔ he mi ma jɔ̃, nɛ e nya maa kpɛ e he; nɛ e ma bi ke, ‘Mɛni he je nɛ Yawɛ pee zugba nɛ ɔ, kɛ we nɛ ɔ kikɛ nɛ ɔ?’

Marko 15:29

Nihi nɛ bee ɔ tu musu bɔmi munyuhi kɛ si Yesu. A mimiɛ a yi, nɛ a de ke, “Ei, mo nɛ o kuɔ sɔlemi we ɔ, nɛ o kpaleɔ maa lɛ ligbi etɛ ɔ ji nɛ ɔ!

Yesaya 37:22

Nɔ́ nɛ Yawɛ ngɛ Asiria matsɛ ɔ dee ji nɛ ɔ nɛ: “Asiria matsɛ, Zion biyo, yomiyo ɔ ngɛ mo muɔe oo!

Ezekiel 12:19

De ma a tsuo ke sɛ gbi nɛ Nyɔmtsɛ Yawɛ kɛ ha mɛ Yerusalem bi nɛ a ngɛ Yuda zugba nɔ kɛ mwɔɔ ji, a he maa do bibliibli kɛ ye abolo, nɛ a kɛ he hiami, kɛ tsui yemi maa nu nyu. A ma kpata a zugba a nɔ bi ɔmɛ tsuo a hɛ mi pɛsɛpɛsɛ; ejakaa ma amɛ a mi bi ɔmɛ tsuo a yi mi wa.

Ezekiel 6:14

Niinɛ, ma wo ye nine nɔ ngɛ a nɔ, nɛ ma kpata zugba a hɛ mi bɔ nɛ nɔ ko nɔ ko be nɔ nyɛe maa hi. Kɛ je leneyi je nga kplanaa a nɔ kɛ ya su Ribla ma a he ngɛ omleyi je, hehi nɛ Israel bi ɔmɛ hii ɔ, ma kpata lejɛ ɔmɛ tsuo a hɛ mi. Kɛkɛ ɔ, a ma na maa le kaa imi ji Yawɛ.”

Yeremia 9:11

Yawɛ ke, “Ma pee Yerusalem ma doku, kɛ nga mi gbehi a hi he. Yuda ma amɛ maa pee ma dokuhi, nɛ nɔ ko nɔ ko be a mi hie.”

Yesaya 6:11

I bi ke, “Nyɔmtsɛ, nɔ́ nɛ ɔ maa ya nɔ kɛ yaa si mɛni be?” E he nɔ ke, “Kɛ yaa su be nɛ ma amɛ a hɛ mi ma kpata, nɛ a maa pee ma dokuhi nɛ a be nɔ ko nɔ ko nae ngɛ we ɔmɛ a mi, nɛ zugba a nitsɛ hu nɔ maa je gu.

La 44:14

O ha wa plɛ pee abɛ bumi nɔ́ ha je ma amɛ; Wa pee muɔ nɔ́ ha mɛ.

Mose V, 29:23

La zu, kɛ ngo maa ha ngmɔ ɔmɛ tsuo a nɔ. Nɔ́ ko nɔ́ ko be hie dumi ngɛ nɔ hu, nɛ nga po be puɛe ngɛ nɔ. Nyɛ zugba a maa pee kaa Sodom kɛ Gomora, kɛ Adma kɛ Zeboiim nɛ Yawɛ kpata a hɛ mi benɛ e mi mi fu wawɛɛ ɔ.

Mose V, 28:59

e ma ha hiɔhi nɛ be tsa ba, kɛ gbenɔ hiɔ nɛ nɔ ko nɔ ko be nya nyɛe maa tsi maa nu nyɛɛ, kɛ nyɛ nina tsuo.

Mose III, 26:43

Kekleekle ɔ, ja a je zugba a nɔ, nɛ zugba a jɔɔ e he kulaa. Lɔ ɔ se ɔ, ja a kplɛ, nɛ a gbla a tue saminya kaa a kua ye mlaa amɛ, kɛ ye blɔ nya tomi ɔmɛ.

Mose III, 26:32

Ma kpata nyɛ zugba a hɛ mi bɔ nɛ ke nyɛ he nyɛli ɔmɛ nɛ ngɛ zugba a nɔ na a, a he mi maa po.

La 109:25

I pee ahlua bɔmi nɔ́ ha ye nya poli ɔmɛ. Ke a na mi kikɛ nɛ ɔ, a mimiɛɔ a yi kɛ yeɔ ye he fɛu.

Yeremia 42:18

“Yawɛ Tabohiatsɛ, Israel Mawu ɔ ke, ‘Bɔ nɛ i ngɔ ye mi mi la nɛ nya wa a kɛ kple Yerusalem ma mi bi ɔmɛ a nɔ ɔ, ja pɛ ma pee nyɛ ke nyɛ je kɛ ho Egipt ya. Nyɛ ma plɛ pee kita kami nɔ́, gbeye nɔ́, gbiɛmi nɔ́, kɛ ahlua nɔ́. Nyɛ be hiɛmɛ nɛ ɔ nae hu.’ ”

Yeremia 44:12

Yuda bi nɛ piɛ, nɛ a to a yi mi kaa a maa ya Egipt nɛ a ya hi lejɛ ɔ, ma hyɛ nɛ a kpata mɛ tsuo a hɛ mi. Mɛ tsuo a ma gbo ngɛ Egipt zugba a nɔ, nimli wawi, kɛ nimli nguahi tsuo. Ni komɛ ma gbo ngɛ ta mi, nɛ hwɔ maa gbe ni komɛ. Nihi maa hie mɛ; a maa bɔ mɛ ahlua, nɛ a kɛ a biɛ maa gbiɛ nɔ.

Yeremia 48:27

Tse Israel plɛ pee muɔ nɔ́ ha mo? Israel ɔ, anɛ juli a kpɛti a naa lɛ ngɛ lo? Be tsuaa be nɛ o maa tu Israel he munyu ko ɔ, o maa tuu, ma mimiɛ o yi! Pi ja lo?

Yeremia 49:17

Bɔ nɛ Yawɛ de ji nɛ ɔ nɛ: “A ma kpata Edom hɛ mi pɛsɛpɛsɛ, bɔ nɛ ke nɔ ko ba be ngɛ lejɛ ɔ nɛ e he mi maa po, nɛ e maa ye gbeye.

Kɔmɔ Yemi 1:12

Kɔmɔ nɛ ma a ngɛ yee kɛ ngmlaa boboobo kɛ ngɛ nihi nɛ bee ɔ tsɔɔe ji, “Nyɛ nihi tsuo nɛ nyɛ bee, anɛ nɔ́ nɛ ɔ pee we nyɛ mɔbɔ lo? Nyɛɛ hyɛ mi ha kaa nɔ ko ye aywilɛho hyɛ kaa ye nɔ́ nɛ ɔ lo? Benɛ Yawɛ mi mi fu wawɛɛ ɔ, nɛ e ngɔ kikɛmɛ a haomi nɛ ɔ kɛ ba ye nɔ.”

Ezekiel 27:36

Sawale nu jua yeli nɛ ngɛ je ɔ mi ɔ tsuo; a ngɛ gbeye yee kaa mɛ hu a hɛ mi ma kpata ja nɔuu; o laa kɛ yaa neneene.”

Ezekiel 36:3

“Jehanɛ, gbaa nɛ o de mɛ nɔ́ nɛ imi Nyɔmtsɛ Yawɛ, i ngɛ dee ɔ. Benɛ je ma amɛ nɛ bɔle Israel ɔ ba tua lɛ, nɛ a ha e níhi ngɛ yo ɔmɛ a nɔ ɔ, je ma amɛ tsuo pue e hɛ mi si.

Kronika II, 29:8

Enɛ ɔ he je ɔ, Yawɛ mi mi fu Yuda kɛ Yerusalem, nɛ nɔ́ nɛ e pee mɛ ɔ ha nɛ nɔ tsuaa nɔ he mi po, nɛ a ye gbeye. Nyɛ nitsɛmɛ nyɛ na nɔ́ nɛ ɔ kɛ nyɛ hɛngmɛ.

Yeremia 29:18

I kɛ ta, hwɔ, kɛ gbenɔ hiɔ maa nyɛɛ a se; nɛ nɔ́ nɛ ɔ ma ha nɛ je ma amɛ tsuo maa nu sawale. A maa ye a he fɛu, nɛ a maa bɔ mɛ ahlua ngɛ he tsuaa he nɛ ma fie mɛ kɛ ya.

Yeremia 51:37

Ma ha nɛ Babilon maa pee ma doku; e maa pee nga mi gbehi a hi he, nɛ nɔ ko nɔ ko be lejɛ ɔ hie hu. Nihi nɛ ma ba be ngɛ lejɛ ɔ, a nya maa kpɛ a he, nɛ a maa ye gbeye.

Yeremia 51:43

Babilon ma amɛ plɛ pee níhi nɛ a hiee; zugba a pee kaa nga kplanaa nɛ nyu be nɔ. Nɔ ko nɔ ko be lejɛ ɔ, nɛ nɔ ko hu ba bi ngɛ lejɛ ɔ.