Yeremia 18:10 - BAIBLO ALOO NGMAMI KLƆUKLƆU Ɔ

¹⁰ se jamɛ a je ma a ya bui mi tue, nɛ a pee yayami kɛ si mi ɔ, ma kpale ye nya se; kpakpa nɛ i to ke ma pee mɛ ɔ, i be pee hu.

Yeremia 18:10 ပူးပေါင်းရင်းမြစ်များ

Ezekiel 33:18

Ke dalɔ kpale kɛ je e dami blɔ ɔ nɔ, nɛ e pee yayami ɔ, yayami ɔ he e ma gbo ngɛ.

Samuel I, 2:30

Imi Yawɛ, Israel Mawu ɔ, i wo si be ko ke o kɛ o weku li ma sɔmɔ mi kaa osɔfohi kɛ maa ya neneene. Se jehanɛ ɔ, i ngɛ dee ke i kpale ye nya se! Mohu ɔ, nihi nɛ woɔ ye hɛ mi nyami ɔ, ma wo a hɛ mi nyami; nɛ nihi nɛ hiee mi ɔ, imi hu ma hie mɛ.

Ezekiel 18:24

“Se ke nɔ nɛ peeɔ nɔ́ nɛ da jɔɔ kpakpa peemi, nɛ e bɔni ní hiemi níhi tsuo nɛ yayami peeli peeɔ peemi ɔ, anɛ e yi ma na wami lo? Dɛbi, kpakpa nɛ e pee sa a tsuo a be ekoeko kaie hu. E ma gbo ngɛ e tɔmi nɛ e tɔ, kɛ yayamihi nɛ e pee ɔ a he.

Samuel I, 13:13

Samuel de Saul ke, “O je kuasia; o yi Yawɛ, o Mawu ɔ mlaa nɛ e wo mo ɔ nɔ; kaa o ye nɔ jinɛ o matsɛ yemi ngɛ Israel ɔ, Yawɛ ma ha nɛ e da si kɛ ya neneene.

La 125:5

Nihi nɛ a blɔ ɔmɛ dɛ ɔ, Yawɛ maa gbla a kɛ yayami peeli tsuo a tue. He jɔmi nɛ hi Israel.

Samuel I, 15:11

“I pia ye he kaa i wo Saul matsɛ; ejakaa e je ye se nɛ e yi ye mlaa amɛ a nɔ.” Nɔ́ nɛ ɔ dɔ Samuel, nɛ e fa kue ha Yawɛ nyɔ ɔ mi tsuo.

Zefania 1:6

Jehanɛ, ma kpata nimli nɛ ɔmɛ hu a hɛ mi: ni nɛmɛ nɛ kpale kɛ je ye se, nɛ a nyɛɛ we ye se hu; ni nɛmɛ nɛ bɛ ye ngɔ, loo a ba bi we mi ga womi.”

Samuel I, 15:35

Samuel nɛ́ Saul hu kɛ ya si e gbenɔ ligbi; se daa nɛ ɔ, e yeɔ e he kɔmɔ. Nɛ Yawɛ pia e he kaa e wo Saul matsɛ ngɛ Israel.

Mose IV, 14:22

nihi tsuo nɛ na ye hɛ mi nyami, kɛ okadihi nɛ i pee ngɛ Egipt kɛ nga a nɔ, se kɛ̃ a ka mi si nyɔngma sɔuu, nɛ a bui ye gbi tue ɔ,

Ezekiel 45:20

Nyɔhiɔ ɔ we ligbi kpaago ɔ, pee jã kɛ̃ kɛ ha nɔ nɛ li e he be nɛ e tɔ̃, kɛ nɔ nɛ li kaa nɔ́ nɛ e pee ɔ peeɔ tɔmi ɔ. Blɔ nɔ nɛ o maa gu kɛ pee Yawɛ we ɔ klɔuklɔu ji nɛ ɔ nɛ.

Mose IV, 14:34

Nyɛ slaa zugba a ligbi nyingmi eywiɛ, se nyɛ ma na nyɛ yayami ɔmɛ a he tue gblami jeha nyingmi eywiɛ; ligbi kake ma plɛ pee jeha ha nyɛ. Nɛ nyɛ maa na kaa i je nyɛ se.

Mose IV, 14:23

nimli nɛ ɔmɛ a ti nɔ kake po be zugba a nɛ i ka kita ke ma ha a nɛmɛ ɔmɛ ɔ nae. Ni nɛmɛ nɛ kua mi ɔ, a ti nɔ ko nɔ ko be zugba a nae.

Ezekiel 33:12

“Nɔmlɔ adesa, jehanɛ de Israel ma a ke, ke dalɔ pee yayami ɔ, kpakpa nɛ e pee be ko ɔ be nyɛe ma he e yi wami. Ke yayami peelɔ kpa yayami peemi ɔ, a be e tue gblae; nɛ ke dalɔ bɔni yayami peemi ɔ, a be e yi wami hee.