Yeremia 17:4 - BAIBLO ALOO NGMAMI KLƆUKLƆU Ɔ

⁴ Zugba a nɛ i ha nyɛ ɔ maa je nyɛ dɛ, nɛ ma ha nɛ nyɛ ma sɔmɔ nyɛ he nyɛli ngɛ zugba nɛ nyɛ li nɔ. Ejakaa ye mi mi nɛ fu ɔ ngɛ kaa la nɛ a slɛ nɛ maa hi tsoe daa.”

Yeremia 17:4 ပူးပေါင်းရင်းမြစ်များ

Matsɛmɛ I, 9:7

lɛɛ ma je ye ma, Israel kɛ je zugba a nɛ i ha mɛ ɔ nɔ. We nɛ ɔ hu nɛ i pee klɔuklɔu nɛ a ja mi ngɛ mi ɔ, ma je ye nine ngɛ he. Je ma amɛ tsuo pɛpɛɛpɛ maa wo Israel la, nɛ a maa ye e he fɛu.

Matsɛmɛ II, 25:21

Babilonia matsɛ ɔ fia mɛ ní nɛ e gbe ngɛ Ribla, ngɛ Hamat zugba a nɔ. Bɔ nɛ a pee kɛ ngɔ Yuda bi ɔmɛ nyɔguɛ kɛ je a zugba a nɔ ji nɛ ɔ nɛ.

Nehemia 9:28

Benɛ a na tue mi jɔmi ɔ, a pee yayami ekohu; kɛkɛ nɛ o je a se, nɛ a he nyɛli ɔmɛ ba ye a nɔ ekohu. Se benɛ a tsake a tsui, nɛ a fa kue kɛ tsɛ mo ekohu ɔ, o bu mɛ tue kɛ je hiɔwe; nɛ o na mɛ mɔbɔ, nɛ o kpɔ mɛ si abɔ.

Yesaya 14:3

Be ma nɛ aywilɛho, haomi, kɛ ní tsumi kpakpataa nɛ a nyɛ o nɔ nɛ o tsu ɔ, Yawɛ ma ha lɛ tsuo se maa po.

Yesaya 30:33

Blema lokoo ɔ, a tsua muɔ ko nɛ a maa sã Asiria matsɛ ɔ ngɛ mi. Muɔ ɔ mi kuɔ, nɛ e bli, nɛ a to lɛ́ babauu kɛ wo mi. Yawɛ mumi ɔ nɛ ngɛ kaa la nɛ ngɛ tsoe plamplam ɔ maa sã lɛ.

Yesaya 5:25

Yawɛ mi mi fu e ma a, nɛ e wo e nine nɔ, konɛ e gbla a tue. Yo ɔmɛ ma mimiɛ, nɛ ni gbogboehi ma pue si ngɛ blɔ ɔmɛ a nɔ kaa dwɔmi. Ke e ba ja po, Yawɛ mi mi fumi ɔ se be poe, se e nine nɛ e wo nɔ ɔ, ja e kɛ gbla a tue kokooko.

Yesaya 50:11

Nyɛ nihi tsuo nɛ nyɛ peeɔ kpe kɛ soɔ nihi a yi nɔ, konɛ nyɛ kpata a hɛ mi, nyɛ yi mi tomi yaya amɛ ma kpata nyɛ nitsɛmɛ nyɛ hɛ mi. Yawɛ nitsɛ ma ha nɔ́ nɛ ɔ maa ba mi; nyɛ nyagbe maa pee mɔbɔ.

Yesaya 66:24

“Ke a je hiɛ ɔ, a ma ya na nihi nɛ kua mi ɔ a gbogboehi nɛ pueɔ si. Gɔgɔ nɛ gbogboe ɔmɛ wo ɔ be gboe gblegbleegble, nɛ la nɛ ngɛ mɛ sããe ɔ hu a be nyɛe maa gbe; a maa pee he mi nyɛɛmi nɔ́ ha nimli adesahi tsuo.”

Yeremia 12:7

Yawɛ ke, “I ngmɛɛ Israel he; ye ma nɛ i je blɔ hla a, i kua mɛ. I ngɔ nimli nɛ i suɔ mɛ saminya a kɛ wo a he nyɛli a dɛ mi.

Yeremia 15:14

Ma ha nɛ a ma sɔmɔ a he nyɛli ɔmɛ ngɛ zugba ko nɛ a li nɔ; ejakaa ye mi mi fumi ɔ ngɛ kaa la nɛ a slɛ, nɛ maa tso daa nɛ.”

Yeremia 16:13

Enɛ ɔ he je ɔ, ma fie nyɛ kɛ je zugba nɛ ɔ nɔ kɛ ya zugba nɛ nyɛ, loo nyɛ nɛmɛ ɔmɛ po li nɔ. Nyɛ ma ya sɔmɔ mawu kpahi ngɛ lejɛ ɔ nyɔ kɛ pia, nɛ i be nyɛ mɔbɔ nae.’ ”

Yeremia 18:23

Se mo Yawɛ! Gahi tsuo nɛ a ngɛ toe kɛ ngɛ ye he woe konɛ a kɛ gbe mi ɔ, o le. Koo ngɔ a he kɛ ke mɛ, nɛ ko je o hɛ ngɛ a ní yayami ɔmɛ a he. Ha nɛ a nɔɔ si ngɛ o hɛ mi, nɛ o kɛ mɛ nɛ ye, be mi nɛ o mi mi fu.”

Yeremia 2:14

“Israel ɔ nɛɛ, nyɔguɛ ji lɛ lo? Anɛ nyɔguɛ si himi mi a fɔ lɛ ngɔ wo lo? Mɛni he je mɔ nɛ e he nyɛli ɔmɛ ngɛ e se nyɛɛe, nɛ a ngɛ lɛ dae kikɛ nɛ ɔ?

Yeremia 22:28

I bi ke, “Anɛ Matsɛ Yehoyakin ba pee kaa buɛ nɛ ywia nɛ a sake ngɔ fɔ he nɛ nɔ ko sume hu lo? Anɛ lɔ ɔ he nɛ a nuu lɛ kɛ e bimɛ ɔmɛ kɛ ho zugba nɛ a ti nɔ ko nɔ ko li ɔ nɔ ya lo?”

Yeremia 5:19

Yeremia, ke a bi mo ke mɛni he je lɛ imi Yawɛ, a Mawu ɔ kɛ mɛ ye sane yaya kaa kikɛ nɛ ɔ, de mɛ ke, kaa bɔ nɛ a je ye se nɛ a ya sɔmɔ ma se mawuhi ngɛ mɛ nitsɛmɛ a zugba nɔ ɔ, jã nɔuu kɛ̃ lɛ a ma ya sɔmɔ nibwɔhi ngɛ ma se zugba nɔ.”

Yeremia 5:29

“Anɛ e sɛ kaa i gblaa a tue ngɛ ní nɛ ɔmɛ a he lo? Ma nɛ ngɛ kaa kikɛ nɛ ɔ, e sɛ kaa i gblaa a tue lo?

Yeremia 7:20

Lɔ ɔ he ɔ, imi Nyɔmtsɛ Yawɛ, ma plɛ ye mi mi fumi nɛ nya wa kaa la nɛ ngɛ tsoe plamplam nɛ hí gbemi ɔ kɛ pue we nɛ ɔ nɔ. Ye mi mi ma fu nimli, lohwehi, tsohi, kɛ ngmɔ niba ní tsuo.

Kɔmɔ Yemi 1:12

Kɔmɔ nɛ ma a ngɛ yee kɛ ngmlaa boboobo kɛ ngɛ nihi nɛ bee ɔ tsɔɔe ji, “Nyɛ nihi tsuo nɛ nyɛ bee, anɛ nɔ́ nɛ ɔ pee we nyɛ mɔbɔ lo? Nyɛɛ hyɛ mi ha kaa nɔ ko ye aywilɛho hyɛ kaa ye nɔ́ nɛ ɔ lo? Benɛ Yawɛ mi mi fu wawɛɛ ɔ, nɛ e ngɔ kikɛmɛ a haomi nɛ ɔ kɛ ba ye nɔ.”

Kɔmɔ Yemi 5:2

Wa weto ní plɛ pee nibwɔhi a nɔ́. Wa we ɔmɛ hu ma se li lɛ ngɛ a mi.

Ezekiel 21:31

Nyɛ maa nu ye abofu nɛ nya wa a he, be mi nɛ ma gli kɛ wo nyɛ kaa la nɛ ngɛ tsoe plamplam. Ma ngɔ nyɛ kɛ wo dikali nɛ le ga nɛ a kɛ kpataa nɔ hɛ mi a dɛ mi.

Ezekiel 7:24

Ma ha je mahi nɛ a yi mi wa wawɛɛ ɔ maa ba, nɛ a ma ba ngɔ nyɛ we ɔmɛ. Kã peeli nɛ ngɛ nyɛ kpɛti ɔ maa je fɔ̃, nɛ he nyɛli ɔmɛ ma ba ble nyɛ he klɔuklɔu ɔmɛ.

Mose V, 28:25

“Yawɛ ma ha nyɛ he nyɛli ɔmɛ maa ye nyɛ nɔ. Nyɛ maa gu he kake kɛ ya tua mɛ, se a maa gbɛ nyɛ ngɔ fĩa basaa, nɛ zugba a nɔ matsɛ yemi ɔmɛ tsuo maa ye gbeye ngɛ nɔ́ nɛ ba nyɛ nɔ ɔ he.