Yeremia 17:22 - BAIBLO ALOO NGMAMI KLƆUKLƆU Ɔ

²² Jehanɛ se hu, a ko tloo nɔ́ ko kɛ je a we ɔmɛ a mi kɛ je kpo Hejɔɔmi ligbi ɔ, nɛ a ko tsu nɔ́ ko hulɔ. Se mohu ɔ, a ye Hejɔɔmi ligbi ɔ kaa ligbi klɔuklɔu kaa bɔ nɛ i wo a nɛmɛ ɔmɛ mlaa ke a pee ɔ.

Yeremia 17:22 ပူးပေါင်းရင်းမြစ်များ

Ezekiel 20:12

Lɔ ɔ se hu, i ngɔ ye Hejɔɔmi ligbi ɔmɛ ngɔ ha mɛ nɛ a ye mɛ klɔuklɔu, konɛ e pee somi nɛ ngɛ i kɛ mɛ wa kpɛti ɔ he okadi; nɛ a le kaa imi ji Yawɛ nɛ peeɔ mɛ klɔuklɔu ɔ nɛ.

Yesaya 58:13

Bɔ nɛ Yawɛ ngɛ dee ji nɛ ɔ nɛ: “Ke nyɛ maa ye Hejɔɔmi ligbi ɔ kaa ligbi klɔuklɔu, nɛ nyɛ be nyɛ nitsɛmɛ nyɛ suɔmi nya ní pee jamɛ a ligbi ɔ, ke nyɛ maa bu ye ligbi klɔuklɔu ɔ, nɛ nyɛ be blɔ hiae, nyɛ be ní tsue, nɛ nyɛ be yakayaka munyu tue ligbi nɛ ɔ,

Mose II, 23:12

“Ligbi ekpa o kɛ tsu ní ngɛ otsi mi, se ligbi nɛ ji kpaago ɔ lɛɛ mo ko tsu nɔ́ ko, bɔ nɛ pee nɛ o na amɛ, o teji ɔmɛ, o nyɔguɛ ɔmɛ, kɛ o nibwɔ ɔmɛ nɛ tsuɔ ní ha mo ɔ nɛ a jɔɔ a he.

Kpojemi 1:10

Nyɔmtsɛ ɔ ligbi ɔ, mumi ɔ ba ye nɔ, nɛ i nu gbi ko nɛ ngɛ pɛe wawɛɛ kaa titimati ngɛ ye se.

Luka 23:56

A kpale a se kɛ ho we mi ya ya hla tsopa kɛ e he via, kɛ nu via ngɔ to. Hejɔɔmi ligbi ɔ, a jɔɔ a he kaa bɔ nɛ mlaa a tsɔɔ kaa a pee ɔ.

Luka 6:5

Yesu de kɛ gbe nya ke, “Mawu Bi ɔ, Hejɔɔmi ligbi ɔ tete Nyɔmtsɛ ji lɛ.”

Ezekiel 22:8

O gbeɔ ye ní klɔuklɔu ɔmɛ a he guɛ, nɛ o bleɔ ye Hejɔɔmi ligbi ɔmɛ.

Mose III, 23:3

Nyɛ tsu ní ligbi ekpa, se ligbi kpaagone ɔ ji Hejɔɔmi ligbi. Jamɛ a ligbi ɔ, nyɛ maa jɔɔ nyɛ he. Nyɛ ma bua nyɛ he nya, nɛ nyɛ ma ja Mawu. Nɔ ko nɛ ko tsu ní jamɛ a ligbi ɔ; ejakaa e ji he jɔɔmi ligbi ha Yawɛ ngɛ nyɛ sihi he ɔmɛ tsuo kulaa.

Mose III, 19:3

Nyɛ ti nɔ tsuaa nɔ nɛ bu e nyɛ kɛ e tsɛ; nɛ e ye Hejɔɔmi ligbi ɔ kaa bɔ nɛ i fa nyɛ ɔ. Imi ji Yawɛ, nyɛ Mawu ɔ nɛ.

Nehemia 13:15

Jamɛ a be ɔ, i na ni komɛ ngɛ Yuda nɛ a ngɛ wai yiblii ngae ngɛ Hejɔɔmi ligbi ɔ nɔ. Ni komɛ hu ngɛ tlomi fie kɛ ngɛ a tejihi a nɔ woe kɛ yaa Yerusalem. Tlomi ɔmɛ ji nɛ ɔmɛ nɛ: blɛfo, wai, wai yiblii, ngmɔkɔ, kɛ ní kpa komɛ. I bɔ mɛ kɔkɔ ke Hejɔɔmi ligbi ɔ, a ko jua ní.

Yeremia 17:24

“De nimli nɛ ɔmɛ ke a ye imi Yawɛ, ye mlaa amɛ tsuo a nɔ. A ko tloo tlomi ko kɛ gu agbo ɔmɛ a mi ngɛ ma nɛ ɔ mi Hejɔɔmi ligbi ɔ. A ye Hejɔɔmi ligbi ɔ kaa ligbi klɔuklɔu, nɛ a ko tsu nɔ́ ko nɔ́ ko jamɛ a ligbi ɔ.

Zakaria 1:4

Nyɛ ko pee kaa nyɛ nɛmɛ ɔmɛ. Blema lokoo nɛ gbali ɔmɛ ngɔ ye sɛ gbi ngɔ ha mɛ ke a kpa yayami peemi, nɛ́ a ba a je mi bɔ nɛ sa; se a bui mi tue fɛɛ, nɛ a yi ye munyu ɔmɛ a nɔ hulɔ.