Yeremia 17:21 - BAIBLO ALOO NGMAMI KLƆUKLƆU Ɔ

²¹ De mɛ ke, ke a suɔ nɛ a yi nɛ na wami ɔ, lɛɛ a ko tloo tlomi ko Hejɔɔmi ligbi ɔ; a ko tloo nɔ́ ko kɛ gu Yerusalem agbo ɔmɛ a mi kɛ ba ma a mi.

Yeremia 17:21 ပူးပေါင်းရင်းမြစ်များ

Mose V, 11:16

Nyɛɛ hyɛ nɛ hi kɛkɛ, konɛ a ko mlɔɔ nyɛ kɛ je Yawɛ he kɛ ya ja mawu kpahi, nɛ nyɛ sɔmɔ mɛ.

Mose V, 4:23

Nyɛɛ hyɛ nɛ hi, konɛ nyɛ hɛ ko je somi nɛ Yawɛ, nyɛ Mawu ɔ kɛ nyɛ so ɔ nɔ. Mlaa nɛ e wo nyɛ ke nyɛ ko pee amaga ko ɔ, nyɛɛ ye nɔ.

Mose V, 4:15

“Benɛ Yawɛ kɛ nyɛ tu munyu kɛ je la a mi ngɛ Sinai yo ɔ nɔ ɔ, nyɛ nɛ́ su ko su ko. Lɔ ɔ he ɔ, nyɛɛ hyɛ nyɛ he nɔ saminya,

Mose V, 4:9

Nyɛɛ hyɛ saminya! Nyɛ hɛ nɛ hi nyɛ he nɔ ngɛ níhi nɛ nyɛ na kɛ nyɛ nitsɛmɛ nyɛ hɛngmɛ ɔ a he. Nyɛ hɛ ko je nɔ ligbi ko ligbi ko nyɛ wami be tsuo. Nyɛɛ tsɔɔ nyɛ bimɛ, kɛ nyɛ bibimɛ nɛ a le,

Luka 8:18

“Lɔ ɔ he ɔ, nyɛɛ bu tue saminya; ejakaa nɔ tsuaa nɔ nɛ nɔ́ ko ngɛ e dɛ ɔ, a ma ha lɛ fuu kɛ piɛ he. Se nɔ nɛ be nɔ́ ko ɔ, bɔɔ nɛ e susu kaa e ngɛ ɔ tete po a ma he ngɛ e dɛ.”

Marko 4:24

E de mɛ hu ke, “Nyɛ susu nɔ́ nɛ nyɛ ngɛ nue nɛ ɔ he saminya! Mlaahi nɛ nyɛ kɛ kojoɔ ni kpahi ɔ, lɔ ɔ Mawu kɛ maa kojo nyɛ; nɛ nyɛ kojomi ɔ nya maa wa wawɛɛ.

Abɛ Womi 4:23

Susu o yi mi saminya loko o pee nɔ́ ko, ejakaa lɔ ɔ nɔ o wami daa si ngɛ.

Yoshua 23:11

Lɔ ɔ he ɔ, nyɛɛ hyɛ saminya, nɛ nyɛɛ suɔ Yawɛ, nyɛ Mawu ɔ.

Ni Tsumi 20:28

Lɔ ɔ he ɔ, nyɛɛ hyɛ nyɛ nitsɛmɛ nyɛ he nɔ saminya. Asafo ɔ tsuo nɛ Mumi Klɔuklɔu ɔ tu ngɔ wo nyɛ dɛ mi ɔ, nyɛɛ hyɛ nɔ bɔ nɛ sa. Mawu ngɔ e Bi ɔ kɛ sã bɔ, nɛ e kɛ dani asafo ɔ kɛ pee lɛ nitsɛ e nɔ, lɔ ɔ he ɔ, nyɛɛ hyɛ nɔ saminya.

Yesaya 56:2

Nihi nɛ baa a je mi saminya, nɛ a pee we yayami, se mohu a yeɔ Hejɔɔmi ligbi ɔ pɛpɛɛpɛ, nɛ a ble we lɛ ɔ, ma gbaa mɛ.”

Yesaya 58:13

Bɔ nɛ Yawɛ ngɛ dee ji nɛ ɔ nɛ: “Ke nyɛ maa ye Hejɔɔmi ligbi ɔ kaa ligbi klɔuklɔu, nɛ nyɛ be nyɛ nitsɛmɛ nyɛ suɔmi nya ní pee jamɛ a ligbi ɔ, ke nyɛ maa bu ye ligbi klɔuklɔu ɔ, nɛ nyɛ be blɔ hiae, nyɛ be ní tsue, nɛ nyɛ be yakayaka munyu tue ligbi nɛ ɔ,

Mose II, 20:8

“Mo kai Hejɔɔmi ligbi ɔ, nɛ o ye lɛ ngɛ mumi mi he tsɔmi mi.