Yeremia 17:16 - BAIBLO ALOO NGMAMI KLƆUKLƆU Ɔ

¹⁶ Se Yawɛ, mo nitsɛ o le faii kaa tsa pi imi nɛ i nyɛ o nɔ ke o ha nɛ haomi nɛ ba ma nɛ ɔ nɔ. O le kaa pi imi nɛ i to kaa amanehlu be ko nɛ ba. Nɔ́ nɛ je ye nya nɛ i de ɔ, mo nitsɛ o le.

Yeremia 17:16 ပူးပေါင်းရင်းမြစ်များ

Ni Tsumi 20:27

Ejakaa i jaje Mawu yi mi tomi ɔ tsuo pɛpɛɛpɛ ngɔ tsɔɔ nyɛ nɛ i laa we nyɛ ba.

Ni Tsumi 20:20

Nyɛ le hu kaa níhi nɛ a he ngɛ se nami ha nyɛ ɔ, i laa we nyɛ ekoeko nɔ; se mohu i fiɛ, nɛ i tsɔɔ nyɛ ní faii ngɛ ma nɔ, kɛ nyɛ we ɔmɛ a mi tsuo.

Yakobo 3:1

Ye nyɛmimɛ, nyɛ ti nihi fuu kó pee nyɛ he tsɔɔli. Kaa bɔ nɛ nyɛ le ɔ, wɔ tsɔɔli ɔmɛ ɔ, wa tue gblami nya maa wa pe ni kpa amɛ.

Yakobo 1:19

Ye nyɛmimɛ nɛ i suɔ, nyɛ hɛ nɛ hi enɛ ɔ nɔ. Ke nɔ ko ngɛ munyu tue ɔ, nyɛɛ bu tue; nyɛ he ko sɔ kɛ tu munyu, nɛ nyɛ mi mi hu ko fu mla.

2 Korintobi 2:17

Wɔɔ lɛɛ wa be kaa ni kpa komɛ nɛ mɛɛ a ngɔ Mawu munyu ɔ ngɔ pee je juami nɔ́ nɛ a kɛ ngɛ si kpae ɔ. Se mohu kaa nihi nɛ le Kristo ɔ, wa tuɔ anɔkuale ɔ sisi kaa nihi nɛ a tsɔ mɛ kɛ je Mawu nitsɛ ngɔ.

2 Korintobi 1:12

Nɔ́ kake nɛ wa fĩaa ngɔ fɔɔ nɔ, nɛ wa he nile hu yeɔ he odase ji kaa wa baa wa je mi saminya ngɛ he tsuaa he, titli ngɛ waa kɛ nyɛ wa bɔmi mi kaa bɔ nɛ Mawu ngɛ hlae ɔ. Wa yeɔ anɔkuale nɛ mu ko mu ko be wa he. Pi wɔ nitsɛmɛ wa nile nɛ waa kɛ peeɔ enɛ ɔ, se mohu Mawu dloomi ɔ nya.

Yeremia 20:9

Se ke i de ke, “I be Yawɛ biɛ ta woe hu, nɛ i be fiɛe ngɛ e biɛ mi hu” ɔ, o sɛ gbi ɔ peeɔ kaa la nɛ ngɛ tsoe ngɛ ye tsui mi, kɛ ye wuhi a mi. I bɔɔ mɔde saminya kaa ma tsi nya, se jehanɛ lɛɛ, i pa nyɛ we hu.

Yeremia 18:20

Anɛ e sa kaa a kɛ yayami nɛ to kpakpa nane mi lo? Se mɛɛ lɛɛ a tsua muɔ ha mi nɛ ma nɔ mi. Kai kaa i ba o ngɔ nɛ i ba tu a he munyu kpakpa ha mo, bɔ nɛ pee nɛ o kɛ mɛ ko ye ngɛ o mi mi fumi ɔ nya.

Yeremia 13:17

Se ke nyɛ bui tue kɛ mwɔɔ ɔ, lɛɛ ma fo ya ngɛ laami mi ngɛ nyɛ he nɔ womi ɔ he. Ma fo ya hluu kɛ yaa si ye hɛngmɛ maa tɔ nyu, ejakaa a nuu Yawɛ ma mi bi ɔmɛ nyɔguɛ kɛ je.

Yeremia 9:1

I ná nɛ ye yi pee kaa vu kɛ e mi nyu, nɛ ye hɛngmɛhi plɛ pee nyu hɛngmɛ nɛ vo nyu ngɛ mi jee babaaba. Jinɛ i ko fo ya nyɔ kɛ pia kɛ ha ye ma mi bi ɔmɛ nɛ a gbe ɔ.

Yeremia 12:3

Se Yawɛ, imi lɛɛ o le mi saminya. O naa ye tsui mi níhi tsuo, nɛ juɛmi nɛ i ngɛ ngɛ o he hu o le. Moo gbla nimli yayami nɛ ɔmɛ kɛ ho kaa tohi nɛ a yaa gbe. Bu a he kɛ yaa si ligbi ɔ nɛ a maa gbe mɛ.

Amos 5:10

Nihi nɛ kaa nihi a hɛ mi ngɛ kojomi he, kɛ nihi nɛ tuɔ anɔkuale sisiisi ɔ, nyɛ nyɛɛ mɛ, nɛ nyɛ sume mɛ.

Yeremia 15:15

Kɛkɛ nɛ i de ke, “Yawɛ, o le kaa o he lɛ i ngɛ nɔ́ nae ngɛ. O le kaa o he lɛ a ngɛ mi jɛe ngɛ. Kai mi nɛ o piɛ ye he. Nihi nɛ ngɛ mi yi mi wae ɔ, gbla a tue ha mi. Koo to o tsui si ha mɛ nɛ a ba ná ye he blɔ nɛ a gbe mi.

Yeremia 20:7

Yawɛ, o sisi mi pɛ nɛ ye yi mi plɛ. O he wa pe mi nɛ o ye ye nɔ. Nɔ tsuaa nɔ ngɛ ye he fɛu yee; daa ligbi ɔ, muɔ kɛkɛ a ngɛ mi muɔe.