Yeremia 17:11 - BAIBLO ALOO NGMAMI KLƆUKLƆU Ɔ

¹¹ Nɔ nɛ náá ní ngɛ blɔ nɛ dɛ nɔ ɔ, e ngɛ kaa bebee nɛ ya bu hlui nɔ nɛ e pɛ bi, nɛ pohu pi lɛ nɛ ngmɛ hlui ɔ. E nihe mi ɔ, e dɛ mi ma ba ta; nɛ e nyagbe be mi ɔ, e ma ba pee kuasia.

Yeremia 17:11 ပူးပေါင်းရင်းမြစ်များ

Abɛ Womi 28:20

Nɔ nɛ yeɔ anɔkuale ɔ, a maa gbaa lɛ babauu. Se nɔ nɛ he sɔɔ kɛ naa ní ɔ, nyagbe ɔ, ja a gbla e tue kɛ̃.

Abɛ Womi 21:6

Ní nɛ o gu sisimi blɔ nɔ kɛ na a, e se kɛ we kulaa; kaa bɔ nɛ la muɔ se poɔ be kuku kɛkɛ ɔ, gbenɔ lɛ nyɛɛɔ se.

Yeremia 22:17

Se moo lɛɛ o susumi pɛ ji bɔ nɛ o maa pee kɛ sisi nihi nɛ o kpɔ a níhi yaka. O pueɔ nihi nɛ pee we nɔ́ ko a muɔ si; o yeɔ o ma a amimi, nɛ o waa mɛ yi mi. Yawɛ lɛ de.

Yeremia 22:13

Nɔmlɔ nɛ guu blɔ nɛ dɛ nɔ nɛ e kɛ poo we, nɔ nɛ kɛ nɔ sisimi maa mɔ, nɔ nɛ haa nɛ e nyɛmi sɔmɔɔ lɛ yaka nɛ e wui lɛ hiɔ ɔ, musu tloo lɛ!

Abɛ Womi 28:8

Nɔ nɛ paa sika ha nɔ nɛ e heɔ hekpa babauu ɔ, pe e ngɛ e juetli ɔ nya buae kɛ ha nɔ nɛ naa ohiatsɛmɛ mɔbɔ.

Abɛ Womi 15:27

Nɔ nɛ peeɔ jiklɔɔ konɛ e na se yaka a, haomi mohu nya e ngɛ buae ha e weku li. Nɔ nɛ he we nyɔ mi ní ɔ, e se kɛɔ ngɛ je mi.

2 Petro 2:14

A hɛngmɛ hyɛ we nɔ́ kpa ko kaa ja yihi yaholi pɛ. Pɔ tɔɛ mɛ kɛ yayami peemi. A sisiɔ nihi nɛ gbɔjɔ, nɛ a naa a he blɔ. A kase jiklɔɔ peemi, nɛ a le saminya. Mawu gbiɛ mɛ pɛ!

Tito 1:11

E hia kaa a ku nɔ́ nɛ ɔ nya la, ejakaa nimli nɛ ɔmɛ kɛ a tsɔɔmi ɔ ngɛ wehi fuu a nane kpatae. A ngɛ níhi nɛ dɛ blɔ tsɔɔe. Blɔɔ zo blɔ nɔ nɛ a gu kɛ ngɛ sika pee ji nɛ ɔ nɛ.

Zefania 1:9

Nihi nɛ tuɔ kɛ haneɔ kpoku, kaa bɔ nɛ wɔ jali peeɔ, ni nɛmɛ nɛ juɔ, kɛ ni nɛmɛ nɛ gbeɔ nihi nɛ a kpɔɔ níhi ngɛ a dɛ kɛ ba woɔ a mawu jami he ɔ, ma gbla mɛ tsuo kulaa a tue.

Abɛ Womi 28:22

Nɔmlɔ nɛ hɛ mi sãã lɛ hlaa kaa e he maa sɔ kɛ na ní. Se e li tete kaa hwɔɔ se ɔ, e ma ba ye ohia.

Abɛ Womi 13:11

Ní nɛ a naa esɔesɔ ɔ, e taa mla. Nɔ nɛ buaa nɔ́ nya bɔɔbɔɔbɔɔ ɔ, e naa babauu.

La 55:23

Se mo Mawu, o ma sake mɛ kɛ fɔ muɔ voo ɔ mi; muɔ si pueli, kɛ lakpatsɛmɛ be a wami be ɔ fa tete po yee ngɛ je mi. Se imi lɛɛ ma ngɔ ye hɛ kɛ fɔ o nɔ.

Luka 12:20

Se Mawu de lɛ ke, ‘Kuasia! Nyɔ nɛ ɔ mi nɔuu i ngɛ o wami ɔ hee ngɛ o dɛ. Lɛɛ níhi nɛ o bua nya ngɔ to ɔ, mɛnɔ níhi nɛ a maa pee?’ ”

2 Petro 2:3

Kikɛmɛ a lakpa tsɔɔli nɛ ɔmɛ maa tu nyɛ munyuhi nɛ a po de, konɛ a kɛ sisi nyɛ nɛ a ná nyɛ he se. Se Mawu bu mɛ fɔ momo be saii ji nɛ, nɛ a hɛ mi kpatami be ɔ hu su ta.

1 Timoteo 6:9

Nihi nɛ hlaa kaa a na ní ɔ, a sɛɛ ka mi. A ya dii kuasia níhi, kɛ akɔnɔ yayami se. Enɛ ɔ haa nɛ a hemi kɛ yemi taa, nɛ a hɛ mi kpataa.

Mateo 23:13

“Nyɛ mlaa tsɔɔli, kɛ Farisi bi, musu tloo nyɛ! Osatotsɛmɛ! Nyɛ ngaa hiɔwe matsɛ yemi ɔ nya ngɔ woɔ nihi, se nyɛ nitsɛmɛ lɛɛ nyɛ sɛ́ mi. Ni nɛmɛ nɛ a hlaa kaa a maa sɛ mi ɔ hu nyɛ ngmɛ́ mɛ blɔ! [

Malaki 3:5

Yawɛ Tabohiatsɛ ɔ ke, “Ma ba nyɛ ngɔ nɛ ma ba kojo, nɛ ma gbla nimli nɛ ɔmɛ a tue amlɔ: kunya yeli, gba puɛli, lakpa odase yeli, nihi nɛ sisiɔ ní tsuli nɛ a wui mɛ hiɔ susui, kɛ ni nɛmɛ nɛ waa yalɔyihi, awusahi, kɛ nibwɔhi yi mi. Ee, ma gbla nɔ tsuaa nɔ nɛ bui mi ɔ tue.” Yawɛ Tabohiatsɛ ɔ lɛ de.

Zakaria 5:4

Yawɛ Tabohiatsɛ ɔ ke e ma ha gbiɛmi nɛ ɔmɛ maa ba zugba a tsuo nɔ, nɛ we mi he nɛ nɔ ko maa ju ngɛ ɔ, a ma kpata we ɔ hɛ mi; nɛ we tsuaa we nɛ nɔ ko ma kã lakpa kita ngɛ mi ɔ, a ma kpata we ɔ hɛ mi kɛ e mi tso kɛ tɛ tsuo.”

Mika 7:3

Mɛ tsuo pɛpɛɛpɛ a he sɔɔ kɛ yayami peemi. Ma ní tsuli kɛ kojoli heɔ nyɔ mi ní. Niatsɛmɛ ɔmɛ heɔ mɛ kɛ sika. A tsɔɔ mɛ yi wu tso níhi nɛ a suɔ kaa a pee ha mɛ, nɛ a peeɔ kɛ haa mɛ.

Mika 2:9

Nyɛ fie yi ɔmɛ ngɛ ye ma a mi kɛ je a we kpakpa amɛ a mi, nɛ a bimɛ ɔmɛ lɛɛ nyɛ kpɔ ye gbaami ɔmɛ tsuo ngɛ a dɛ.

Amos 3:10

Yawɛ ke, “Nimli nɛ ɔmɛ a mɔ ɔmɛ hyi tɔ kɛ níhi nɛ a gu ju kɛ yi mi wami blɔhi a nɔ kpɔ ngɛ nihi a dɛ. Bɔ nɛ a yeɔ anɔkuale po, a li.

Abɛ Womi 28:16

Nɔ yelɔ nɛ be juɛmi ɔ, yiwutsotsɛ kpanaku ji lɛ. Se nɔ nɛ sume níhi nɛ a naa kɛ guu sisimi blɔ nɔ ɔ, lɛɛ e se maa kɛ ngɛ sɛ ɔ nɔ.

Abɛ Womi 23:5

Hɛngmɛfia pɛ sika a ma nyɛ laa mo; e maa pee kɔɔhiɔ nɛ e maa laa tlukaa kaa kɔle tee kɛ yaa hiɔwe.

La 49:13

Nihi nɛ ngɔɔ a hɛ kɛ fɔɔ mɛ nitsɛmɛ a he nɔ, kɛ ni nɛmɛ nɛ ní nami se pɛ a dii ɔ, bɔ nɛ a nyagbe maa ba ji nɛ ɔ nɛ:

Yeremia 6:13

Kɛ je nimli wawihi a nɔ kɛ ya si nimli nguahi a nɔ ɔ, nɔ tsuaa nɔ hɛ dɔ kɛ ngɛ nɔ sisie nɛ e kɛ na ní. Gbali kɛ osɔfohi po ngɛ nɔ sisie.

Yeremia 8:10

Lɔ ɔ he ɔ, ma ngɔ a ngmɔ ɔmɛ kɛ ha ni nɛmɛ nɛ ma ba ye a nɔ ɔ; a yi ɔmɛ hu i kɛ ma ha nyumu kpahi. Kɛ je nimli wawihi a nɔ kɛ ya si nimli nguahi a nɔ ɔ, nɔ tsuaa nɔ hɛ dɔ kɛ ngɛ nɔ sisie nɛ e kɛ na ní. Gbali kɛ osɔfohi po ngɛ nɔ sisie.

Hiob 20:21

Ke e ye ní ɔ, eko kulaa píɛ ngɛ se. Enɛ ɔ he je ɔ, ní nami ɔ se maa po.