Yeremia 16:7 - BAIBLO ALOO NGMAMI KLƆUKLƆU Ɔ

⁷ Ke nɔ ko suɔlɔ gbo ɔ, nɔ ko nɔ ko kɛ lɛ be ní yee, nɛ nɔ ko nɔ ko kɛ lɛ be ní nue kɛ wo lɛ bua. Ke nɔ ko tsɛ, loo e nyɛ tete po gbo ɔ, nɔ ko nɔ ko be kɔmɔ yee ha lɛ.

Yeremia 16:7 ပူးပေါင်းရင်းမြစ်များ

Hosea 9:4

Israel bi be nyɛe maa ngɔ dã ba ha Yawɛ, nɛ ní nɛ a maa ye ɔ ma ble mɛ kaa ya sisi niye ní. A ma nyɛ maa ye kɛ gbe hwɔ kɛkɛ, pi kaa a maa ngɔ kɛ ya sã bɔ ngɛ Yawɛ we ɔ.

Ezekiel 24:17

A ko nu o huu fami he; se fi o yi duku, nɛ o wo tokota. Koo ngɔ nɔ́ kɛ ha o nya nɔ, nɛ koo ye ya nɔ niye ní kɛ tsɔɔ kaa o ngɛ ya nyɛe.”

Mose V, 26:14

Benɛ i ngɛ kɔmɔ yee ɔ, i yi mi dlami nyɔngma mi kake ɔ eko; benɛ ye he tsɔ we ɔ, i ngɔɛ eko kɛ ji ye we ɔ mi; jehanɛ hu, i kɛ eko sɛ̃ bɔ ha gbogboe ko. Niinɛ, Yawɛ, ye Mawu, i bu mo tue. Mlaahi tsuo nɛ o wo mi nɛ kɔɔ mi dlami nyɔngma mi kake ɔ he ɔ, i ye nɔ.

Hiob 42:11

Hiob nyɛminyumuhi, e nyɛmiyihi, kɛ nihi nɛ le lɛ sa a tsuo ba slaa lɛ nɛ a kɛ lɛ ba ye ní ngɛ e we ɔ mi. A ye lɛ kɔmɔ nɛ a jɔɔ e bua ngɛ haomihi tsuo nɛ Yawɛ kɛ ba e nɔ ɔ a he. A ti nɔ tsuaa nɔ ke lɛ sika, kɛ sika tsu ga.

Fiɛlɔ 4:1

Jehanɛ se hu, i na kaa yi mi sɔuu lɛ a ngɛ wae ngɛ je ɔ mi. Nɔ́ nali ngɛ ya foe, nɛ nɔ ko be nɛ maa jɔɔ a bua. Bua wolɔ ko be mɛ, ejakaa nihi nɛ ngɛ mɛ yi mi wae ɔ, he wami ngɛ a dɛ.

Yeremia 22:10

Yuda ma, nyɛ ko fo ya ha Matsɛ Yosia; nyɛ ko ye e gbenɔ ɔ he kɔmɔ. Nyɛɛ wo yana kɛ ha e binyumu Yoahaz mohu; ejakaa nɛ a ngɔ lɛ kɛ yaa nɛ ɔ, e be kpalee kɛ ba hu gblegbleegble; zugba nɛ a fɔ lɛ ngɛ nɔ ɔ, e be nae hu.

Kɔmɔ Yemi 1:9

Yerusalem he yayami ɔ ngɛ fu jee gbɛɛ; se lɛ nitsɛ lɛɛ nɔ́ nɛ ma e nɔ ɔ pee we lɛ kɔmɔ ko kulaa. E si nɔmi ɔ nya wa; nɔ ko nɔ ko be nɛ maa wo lɛ bua. E jé ngmlaa ke, “Ao! Yawɛ, moo hyɛ nɛ o na mi mɔbɔ, ejakaa ye he nyɛli ɔmɛ ye kunimi!”