Yeremia 16:4 - BAIBLO ALOO NGMAMI KLƆUKLƆU Ɔ

⁴ Hiɔ yaya maa gbe mɛ. Nɔ ko be kɔmɔ yee ha mɛ, nɛ nɔ ko be mɛ pue hulɔ; a gbogboe ɔmɛ maa pee kaa kuku ngɛ zugba. Ni komɛ maa nɔ ta, nɛ hwɔ hu maa gbe ni komɛ, nɛ a nɔmlɔ tso ɔmɛ ma plɛ pee niye ní ha lohwe pɛlitsɛmɛ, kɛ pu mi lohwehi.

Yeremia 16:4 ပူးပေါင်းရင်းမြစ်များ

Matsɛmɛ II, 9:10

Yezebel lɛɛ nɔ ko be lɛ pue; gbehi maa ye lɛ ngɛ Yezreel zugba a nɔ.’ ” Kɛkɛ nɛ gbalɔ niheyo ɔ bli sinya a, nɛ e tu fo kɛ je.

La 78:64

Osɔfo ɔmɛ gbo ngɛ klaate nya, nɛ a yalɔyi ɔmɛ yi kɔmɔ ha mɛ.

La 83:10

O kpata a hɛ mi ngɛ Endor, nɛ a gbogboe ɔmɛ sa ngɛ zugba.

Yesaya 18:6

Ta buli nɛ maa nɔ ngɛ ta mi ɔ, a ma si a gbogboe ɔmɛ kɛ ha hiɔwe lohwe pɛlitsɛmɛ, kɛ nga mi lohwehi. Latsa be ɔ, lohwe pɛlitsɛmɛ maa ye, nɛ fĩɛ be ɔ, nga mi lohwehi hu maa ye.”

Yesaya 5:25

Yawɛ mi mi fu e ma a, nɛ e wo e nine nɔ, konɛ e gbla a tue. Yo ɔmɛ ma mimiɛ, nɛ ni gbogboehi ma pue si ngɛ blɔ ɔmɛ a nɔ kaa dwɔmi. Ke e ba ja po, Yawɛ mi mi fumi ɔ se be poe, se e nine nɛ e wo nɔ ɔ, ja e kɛ gbla a tue kokooko.

Yeremia 19:7

Ma ha nɛ yi mi nɛ Yuda ma a, kɛ Yerusalem ma mi bi ɔmɛ to ɔ maa pee yaka ngɛ hiɛmɛ nɛ ɔ. Ma ha a he nyɛli maa ye a nɔ ngɛ ta mi, nɛ a maa gbe mɛ; nɛ ma ngɔ a gbogboe ɔmɛ kɛ ha lohwe pɛlitsɛmɛ, kɛ pu mi lohwehi nɛ a ye.

Yeremia 21:6

Ma kpata nɔ tsuaa nɔ hɛ mi ngɛ ma nɛ ɔ mi; hiɔ nɛ nya wa maa gbe nimli, kɛ lohwehi tsuo.

Yeremia 25:33

Jamɛ a ligbi ɔ, nihi nɛ Yawɛ maa gbe ɔ, a ma sake mɛ kɛ fɔ he kɛ maa je je ɔ nyagbe he kake kɛ maa ya nyagbe he kake. Nɔ ko nɔ ko be kɔmɔ yee ha mɛ, nɛ a be mɛ ngɔe kɛ ho nɛ a ya pu hulɔ; a ma plɛ pee kuku ngɛ zugba a nɔ.

Yeremia 34:17

Enɛ ɔ he je ɔ, imi Yawɛ, i ngɛ nyɛ dee ke nyɛ gbo tue; nyɛ ha we nɛ nyɛ nyɛmimɛ, Israel fɔfɔɛ ɔmɛ nɛ a ye a he. Saminya! Imi lɛɛ ma ha nɛ nyɛɛ lɛɛ nyɛ maa ye nyɛ he mɔ! Ma ngmɛɛ nyɛ he kɛ wo gbenɔ dɛ mi, nɛ ta, hiɔ, kɛ hwɔ maa gbe nyɛ. Nɛ ma ha nɛ a gbɛ nyɛ ngɔ fĩa je ma amɛ tsuo a mi.

Yeremia 34:20

Ma je mɛ kɛ wo a he nyɛli, kɛ ni nɛmɛ nɛ ngɛ mɛ hlae nɛ a gbe ɔ, a dɛ mi. A gbogboe ɔmɛ maa pee lohwe pɛlitsɛmɛ, kɛ pu mi lohwehi a niye ní.

Yeremia 36:30

Lɔ ɔ he ɔ, bɔ nɛ imi Yawɛ, i ngɛ mo, Yuda matsɛ, Yehoyakim dee ji nɛ ɔ nɛ: ‘O nina ko nina ko be Matsɛ David sɛ ɔ nɔ hie gblegbleegble. Ke o gbo ɔ, a ma sake o gbogboe ɔ kɛ fɔ he; piani ɔ, pu maa tsoo lɛ, nɛ nyɔ mi ɔ, kɔɔhiɔ nɛ mi jɔ yluduu maa fia lɛ.

Yeremia 44:12

Yuda bi nɛ piɛ, nɛ a to a yi mi kaa a maa ya Egipt nɛ a ya hi lejɛ ɔ, ma hyɛ nɛ a kpata mɛ tsuo a hɛ mi. Mɛ tsuo a ma gbo ngɛ Egipt zugba a nɔ, nimli wawi, kɛ nimli nguahi tsuo. Ni komɛ ma gbo ngɛ ta mi, nɛ hwɔ maa gbe ni komɛ. Nihi maa hie mɛ; a maa bɔ mɛ ahlua, nɛ a kɛ a biɛ maa gbiɛ nɔ.

Yeremia 44:27

Ma hyɛ, nɛ nɔ́ ko nɔ́ ko be hie ha nyɛ. Nyɛ Israel bi tsuo nɛ nyɛ ngɛ Egipt zugba a nɔ ɔ, nyɛ tsuo nyɛ hɛ mi ma kpata, nɛ nɔ kake ngmelu po he be mi jee. Nyɛ ti ni komɛ ma gbo ngɛ ta mi, nɛ hwɔ maa gbe ni komɛ.

Yeremia 7:33

Ni gbogboe ɔmɛ maa pee lohwe pɛlitsɛmɛ, kɛ nga mi lohwehi a niye ní, nɛ nɔ ko nɔ ko be mɛ fiee.

Yeremia 9:22

A sake ni gbogboehi ngɔ pue he tsuaa he glekugleku kaa kuku ngɛ ngmɔ nɔ, loo blɛfo nɛ ní kpali poo pue si nɛ a je he, blɛfo nɛ nɔ ko bua we nya.” Sɛ gbi nɛ Yawɛ ngɔ ha mi ke ma de ji nɛ ɔ nɛ.

Kɔmɔ Yemi 4:9

Nihi nɛ a kɛ klaate gbe mɛ ɔ, a nɔ́ hi kulaa pe nihi nɛ hwɔ gbe mɛ ɔ; sekpɛtsɛmɛ ɔmɛ lɛɛ hwɔ ye mɛ bluu kɛ ya si hwɔ ɔ gbe mɛ kakaaka.

Ezekiel 24:21

ma ngɔ sɛ gbi nɛ ɔ kɛ ha Israel ma a, nɛ ma de mɛ ke, bɔ nɛ imi Nyɔmtsɛ Yawɛ, i de ji nɛ ɔ nɛ: Ma ble ye he klɔuklɔu ɔ, he nɛ nyɛ fĩaa ngɔ fɔɔ nɔ ke nyɛ naa he wami kɛ jeɔ ɔ. We ɔ peeɔ nyɛ fɛu saminya, nɛ nyɛ suɔ kɛ nyɛ tsui tsuo kaa nyɛ maa ya lejɛ ɔ. Ma ha nyɛ bimɛ, yi ɔmɛ kɛ nyumu ɔmɛ tsuo nɛ nyɛ si ngɛ Yerusalem ɔ maa nɔ ngɛ klaate nya.

Ezekiel 5:12

Gbenɔ hiɔ, kɛ hwɔ maa gbe ma mi bi ɔmɛ a mi dlami etɛ mi kake; mi dlami etɛ mi kake maa nɔ ngɛ klaate nya kɛ maa bɔle ma a kɛ kpe, nɛ mi dlami etɛ mi kake ɔ hu, ma gbɛ mɛ ngɔ fĩa je ɔ mi tsuo; nɛ ma hia ta kɛ nyɛɛ a se.

Zefania 1:17

Yawɛ ke, “Jamɛ a ligbi ɔ, i kɛ haomi nɛ nya wa maa ba nimli adesahi a nɔ, nɛ a maa hi si tataae kɛ hi bee kaa hɛ yuyuili. A pee yayami kɛ si imi Yawɛ, lɔ ɔ he ɔ, a ma kpa a muɔ ngɔ pue si kaa nyu, nɛ a gbogboe ɔmɛ maa sa ngɛ zugba.”

Mose V, 28:22

Yawɛ ma ha hiɔ nɛ sãã nɔ kaa gugue hiɔ maa ba; e ma ha nɛ aslã kɛ fuumi hiɔ maa ba. Jehanɛ, nyu hwɔ maa ye, pu maa tso, nɛ je mi maa dɔ la wawɛɛ; kɛkɛ ɔ, nyɛ ngmɔ mi níhi a hɛ mi ma kpata. Haomi nɛ ɔmɛ be tae kɛ yaa si nyɛ gbenɔ be.

Mose V, 28:26

Ke nyɛ gbo ɔ, lohwe pɛlitsɛmɛ ma ba ye nyɛ, nɛ a be nɔ ko nae nɛ maa fie mɛ ngɛ nyɛ gbogboe ɔ he.