Yeremia 16:20 - BAIBLO ALOO NGMAMI KLƆUKLƆU Ɔ

²⁰ Anɛ nɔmlɔ ma nyɛ maa pee mawuhi ha lɛ nitsɛ e he lo? Dɛbi! Ke e bɔ mɔde kaa mɛni po, mawu nitsɛnitsɛhi lɛɛ e be nyɛe maa pee.”

Yeremia 16:20 ပူးပေါင်းရင်းမြစ်များ

Yesaya 37:19

nɛ a sã a mawu ɔmɛ. A kpata a hɛ mi, ejakaa tsa pi mawu nitsɛnitsɛhi ji mɛ; nimli a nine nya ní tsumihi, kɛ tsohi, kɛ tɛhi kɛkɛ ji mɛ.

Galatabi 4:8

Sa a nɛ nyɛ li Mawu ɔ, nibɔ níhi nɛ pi mawuhi ji mɛ ngɛ a bɔmi su nya a ye nyɛ nyɔguɛ.

Yeremia 2:11

Anɛ je ma ko tsake e mawuhi hyɛ lo? Je ma amɛ a mawu ɔmɛ po tsa pi mawu nitsɛnitsɛhi ji mɛ. Se ye ma a lɛɛ a ngɔ imi, a hɛ mi nyami ɔ kɛ tsake mawuhi nɛ a he be se nami.

Galatabi 1:8

Se ke e maa ba mi kaa wɔ, loo hiɔwe bɔfo ko po ma ba fiɛ sane kpakpa muno ko ha nyɛ ngɛ nɔ́ nɛ wa fiɛ momo ɔ se ɔ, musu tloo lɛ!

Ni Tsumi 19:26

Jehanɛ ɔ, nyɛ nitsɛmɛ nyɛ nu, nɛ nyɛ na níhi nɛ kikɛmɛ a Paulo nɛ ɔ ngɛ pee. E deɔ ke mawuhi nɛ nɔmlɔ adesa kɛ e nine pee ɔ pi mawu. Amlɔ nɛ ɔ, e plɛ nihi babauu a yi mi ngɛ Efeso hiɛmɛ nɛ ɔ, kɛ Asia kpokpa tsuo nɔ.

Yesaya 36:19

Jije Hamat, kɛ Arpad mawu ɔmɛ ngɛ? Nɛ jije Sefarvaim mawu ɔmɛ ngɛ. Anɛ a nyɛ kpɔ Samaria kɛ je ye dɛ mi lo?

Yeremia 5:7

Yawɛ bi ke, “Mɛni he je lɛ ma ngɔ ye ma a he yayami ɔmɛ kɛ pa mɛ ɔ? Ye ma a kua mi nɛ a ya ja yaka mawuhi. I lɛ ye ma a kɛ ya si a tɔ saminya, se ajuama bɔmi mohu ji nɔ́ nɛ a suɔ, nɛ yaholi a wehi a mi a naa mɛ ngɛ.

Daniel 3:1

Be ko ɔ, Matsɛ Nebukadnezar ha nɛ a pee sika tsu amaga ko; amaga a hiɔwe yami ji gugue nyɔngma kɛ enuɔ, nɛ e blimi ji gugue kake kɛ fa. Nebukadnezar ha nɛ a kɛ amaga a ya ma Dura nga kplanaa a nɔ, ngɛ Babilon kpokpa a nɔ.

Matsɛmɛ II, 19:18

nɛ a sã a mawu ɔmɛ. A kpata a hɛ mi, ejakaa tsa pi mawu nitsɛnitsɛhi ji mɛ; nimlihi a nine nya ní tsumihi, kɛ tsohi kɛ tɛhi kɛkɛ ji mɛ.