Yeremia 16:2 - BAIBLO ALOO NGMAMI KLƆUKLƆU Ɔ

² “Koo ngɔ yo, nɛ ko fɔ binyumuhi loo biyihi ngɛ hiɛmɛ nɛ ɔ.

Yeremia 16:2 ပူးပေါင်းရင်းမြစ်များ

Luka 23:29

Ejakaa be ma nɛ a ma de ke, ‘Yosahi, kɛ yihi nɛ a mi mi wui ngma, kɛ ni nɛmɛ nɛ ha we nyɔ hyɛ ɔ, a he ngɛ ní pɛ!’

Luka 21:23

Yihi nɛ maa hɛɛ mi, kɛ ni nɛmɛ nɛ maa hi nyɔ hae jamɛ a be ɔ, kusiɛ ha mɛ! Fimi nɛ nya wa maa ba zugba a nɔ, nɛ Mawu mi mi ma fu kikɛmɛ a ma a.

Mose I, 19:14

Lot je kpo nɛ e ya de e ngatsɛmɛ ɔmɛ nɛ ba bi e biyi ɔmɛ a si ɔ ke, “Nyɛɛ pee esɔ nɛ nyɛɛ je hiɛ ɔ; Yawɛ yaa kpata ma a hɛ mi.” Se e pee e ngatsɛmɛ ɔmɛ kaa nɔ́ nɛ pe e kɛ mɛ ngɛ fiɛe.

Mateo 24:19

Jamɛ a be ɔ, yihi nɛ maa hɛɛ hɔ, kɛ ni nɛmɛ nɛ maa hi bi nyɔ hae ɔ, due ha mɛ!

Yeremia 16:1

Yawɛ kɛ mi tu munyu ekohu ke,

Yeremia 16:3

Bimɛ nɛ a fɔ ngɛ zugba nɛ ɔ nɔ, kɛ a fɔli nɛ fɔ mɛ ɔ, nɔ́ nɛ maa ba a nɔ ji nɛ ɔ nɛ.

Yeremia 29:6

Nyɛɛ ngɔ yihi nɛ nyɛ fɔ binyumuhi kɛ biyihi. Nyɛɛ ngɔ yihi ha nyɛ binyumu ɔmɛ, nɛ nyɛ ha nyɛ biyi ɔmɛ gba, konɛ mɛ hu a fɔ bimɛ. Nyɛɛ bɔ ngɛ lejɛ ɔ; nyɛ nɔ nɛ ko gbɔ.

Kɔmɔ Yemi 2:22

O kpee ye he nyɛli ɔmɛ kɛ ba nɛ a ba bɔle mi kaa nɔ́ nɛ a ngɛ nyami ligbi yee. Ligbi ɔ nɛ o mi mi wo la a, nɔ ko nɔ ko nyɛ we nɛ e ye e he. Ye bimɛ nɛ i lɛ, nɛ i suɔ mɛ ɔ, he nyɛli ɔmɛ gbe mɛ tsuo.