Yeremia 16:19 - BAIBLO ALOO NGMAMI KLƆUKLƆU Ɔ

¹⁹ Yawɛ mo ji ye he bulɔ; mo lɛ o haa mi he wami. Ke haomi ba ye nɔ hu, mo ji nɔ nɛ piɛɔ ye he. Je mahi maa je je mi nyagbe he ɔmɛ kɛ ba o ngɔ, nɛ a ma ba de mo ke, “Gbosi ní nɛ wa nɛmɛ ɔmɛ na pɛ ji lakpa mawuhi, kɛ amagahi nɛ se nami ko be a he.

Yeremia 16:19 ပူးပေါင်းရင်းမြစ်များ

Matsɛmɛ I, 20:23

Siria matsɛ, Benhadad tsɔli ɔmɛ de lɛ ke, “Israel bi ɔmɛ a mawu ɔmɛ ɔ, mawuhi nɛ hii yokuhi a nɔ ji mɛ; nɛ lɔ ɔ he je nɛ Israel bi ɔmɛ ye wa nɔ kunimi ɔ nɛ. Se ke waa kɛ mɛ hwu ngɛ nga nɔ ɔ, bɔ tsuaa bɔ nɛ pee ɔ, wa maa ye a nɔ.

La 18:3

Ma tsɛ Yawɛ, nɛ e ma je mi kɛ maa je ye he nyɛli a dɛ mi. A je Yawɛ yi!

La 19:14

Yawɛ, ye wesa he, kɛ ye kpɔlɔ! Ha nɛ ye nya mi munyu, kɛ ye tsui mi susumi nɛ sa o hɛ mi.

La 27:5

Haomi be mi ɔ, e maa ngɔ mi kɛ laa ngɛ laami he ɔ, ngɛ e we ɔ; e maa ngɔ mi kɛ da tɛ sa nɔ.

La 46:1

Mawu ji wa wesa he, kɛ wa he wami. Wa fimi behi tsuo a mi ɔ, e ngɛ wa kasa nya.

La 46:11

Yawɛ Tabohiatsɛ ɔ kɛ wɔ ngɛ; Yakob Mawu ɔ ji wa wesa he.

La 46:7

Yawɛ, Tabohiatsɛ ɔ kɛ wɔ ngɛ; Yakob Mawu ɔ ji wa wesa he.

La 62:2

Lɛ pɛ ji ye wesa he, ye yi wami helɔ, kɛ ye he bulɔ, nɛ nɔ ko nɔ ko be mi nyɛe.

La 62:7

Mawu pɛ ji nɔ nɛ he ye yi wami. Lɛ pɛ lɛ e maa wo ye hɛ mi nyami. Mawu ji ye he wami kpetekpleenyɛ. Lɛ ji ye wesa he.

La 65:3

nɛ a ba bu akɔtaa ngɛ a yayami ɔmɛ a he. Ke wa he yayami ɔmɛ ngɛ wɔ haoe ɔ, mo lɛ o kɛ paa wɔ.

La 68:31

Ha nɛ a ngɔ akɔblee kɛ je Egipt kɛ ba, nɛ Sudan bi a he nɛ sɔ kɛ wo a nine nɔ kɛ ha mo Mawu.

La 86:9

Nyɔmtsɛ, je ma amɛ tsuo nɛ o bɔ ɔ ma ba kpla si ngɛ o hɛ mi, nɛ a ma je o he wami kpetekpleenyɛ ɔ yi.

Abɛ Womi 18:10

Yawɛ ngɛ kaa mɔ nguaa, he nɛ nimli kpakpahi tuu fo kɛ ya saa we ngɛ nɛ a yi naa wami.

Yesaya 25:4

O ngɛ kaa mɔ kɛ ha ohiatsɛmɛ. O ngɛ kaa mɔ kɛ ha nɔ́ nali. Mo ji a wesa he ngɛ kɔɔhiɔ nɛ nya wa mi, kɛ hɔ̃ ngɛ pu ngmangmaangma nya. Yiwutsotsɛmɛ nɛ a yi mi wa kaa ahumi ngɛ fĩɛ be mi po, o jeɔ mɛ kɛ jeɔ a dɛ mi.

Yesaya 32:2

Nɔ tsuaa nɔ maa pee kaa wesa he ngɛ kɔɔhiɔ kɛ ahumi nya, kaa pa nɛ ywia nga ngɛ zugba kpataa nɔ, aloo kaa zugba kplanaa nɔ tɛ sa sisi hɔ̃.

Yesaya 44:10

Mɛnɔ lɛ puɛɔ amaga nɛ he be se nami, nɛ e jaa lɛ?

Yesaya 44:20

E ní pee mɔbɔ kaa nɔ nɛ ngɛ la zu yee; a mlɔɔ lɛ, nɛ e laa blɔ; lɔ ɔ he ɔ, e be nyɛe ma he lɛ nitsɛ e yi wami, loo nɛ e ma de ke, “Anɛ pi yaka nɔ́ nɔ nɛ i ngɔ ye hɛ ngɔ fɔ nɛ ɔ?”

Yesaya 45:14

Yawɛ de Israel ke, “Egipt juetli, kɛ Sudan nijua ní ma ba pee o nɔ́, nɛ Seba bi, nimli gagahi ma ba pee o nyɔguɛhi; a maa bɔ mɛ pã kɛ ba o ngɔ; a ma ba kpla si ha mo, nɛ a ma kpa mo pɛɛ ngɛ he si bami mi ke, ‘Niinɛ, Mawu nɛ kɛ mo ngɛ ɔ, lɛ nɔ kake too ji Mawu; ekpa ko be hu.

Yesaya 49:6

Yawɛ de mi ke, “Ye tsɔlɔ, i ngɛ ní tsumi agbo ko ha mo; pi kaa o ma bua Israel bi nɛ a yi na wami ɔ a nya kɛ pee ma ekohu kaa sa a kɛkɛ, se mohu kaa o maa pee la kɛ ha je ma amɛ, bɔ nɛ pee nɛ a he je ɔ tsuo yi wami.”

Yesaya 62:2

Yerusalem, je ma amɛ maa na kaa o ye kunimi, nɛ matsɛmɛ ɔmɛ tsuo maa na o hɛ mi nyami ɔ. A maa wo mo biɛ he. Biɛ nɛ Yawɛ nitsɛ maa wo mo ɔ, lɔ ɔ a kɛ ma tsɛ mo.

Yeremia 10:3

Je ma amɛ a kusumi ɔmɛ ɔ, lakpa sɔuu. A ya poɔ tso ngɛ pu mi, nɛ tso kpɛ́lɔ kɛ dade tsuɔ he ní,

Yeremia 10:5

Amaga amɛ ngɛ kaa lohwehi a he gbeye womi níhi nɛ maa si ngɛ jamatlɛ ngmɔ mi; a tu we munyu. A nyɛɛ we hulɔ; pe a woɔ a nɔ kɛ jeɔ he kake kɛ yaa he kake. Nyɛ ko ye mɛ gbeye, ejakaa a be nyɛe maa pee nyɛ yayami ko; kpakpa ko hu a be nyɛe maa pee ha nyɛ.”

Yeremia 12:16

Je ma nɛ ɔmɛ tsɔɔ ye ma a, nɛ a kɛ Baal biɛ kaa kita. Ke a ma kpa a yi mi, nɛ a maa ngɔ mi kɛ pee a Mawu ngɛ Baal nane mi, nɛ a kɛ ye biɛ ma ka kita ja a, lɛɛ a maa bu mɛ ngɔ si ye ma mi bi ɔmɛ a nɔ.

Yeremia 14:8

Mo pɛ o nɔ Israel ngɔɔ e hɛ ngɔ fɔɔ; mo lɛ o jeɔ wɔ kɛ jeɔ amanehlu mi. Mɛni he je o pee kaa nubwɔ ngɛ zugba a nɔ, kaa blɔ nyɛɛlɔ nɛ gba ba to nubwɔ ligbi kake kɛkɛ?

Yeremia 17:17

Yawɛ, koo wo ye he gbeye; mo pɛ ji ye wesa he ngɛ amanehlu be mi.

Yeremia 2:11

Anɛ je ma ko tsake e mawuhi hyɛ lo? Je ma amɛ a mawu ɔmɛ po tsa pi mawu nitsɛnitsɛhi ji mɛ. Se ye ma a lɛɛ a ngɔ imi, a hɛ mi nyami ɔ kɛ tsake mawuhi nɛ a he be se nami.

Yeremia 2:8

Osɔfo ɔmɛ bi we ke, ‘Jije Yawɛ ngɛ?’ Imi nitsɛ ye we osɔfohi po li mi. Nɔ yeli ɔmɛ te si kɛ wo mi; gbali ɔmɛ gba ngɛ Baal biɛ mi, nɛ a ya nyɛɛ níhi nɛ a he be se nami a se.

Yeremia 3:23

Niinɛ, wɔhi nɛ wa ngɛ jae ngɛ yoku ɔmɛ a nɔ kɛ huhui bami nɛ ɔ, wa na we a he se ko. Yawɛ, wa Mawu ɔ pɛ ji Israel he piɛlɔ, kɛ yi wami helɔ.

Yeremia 33:9

Yerusalem ma ha nɛ ma na biɛ, yi jemi, kɛ hɛ mi nyami ngɛ je ma amɛ tsuo a kpɛti, ke je ma amɛ nu ní kpakpahi tsuo nɛ i pee ha ma a. Ke je ma amɛ nu ní nɛ ɔmɛ a he, nɛ a na bɔ nɛ kplɔkɔtɔ, kɛ he jɔmi ba ma a mi ɔ, a tsui maa po nɛ a he maa do blibliibli.”

Yeremia 4:2

nɛ nyɛ ma ka kita ngɛ ye biɛ mi anɔkuale mi, nɛ nyɛ maa ye dami sane, nɛ nyɛ maa pee nɔ́ nɛ da a, lɛɛ je ma amɛ tsuo ma ba je ye yi, nɛ a ma de mi ke ma gbaa mɛ.”

Ezekiel 11:16

“Jehanɛ, de o nyɛmimɛ ɔmɛ ke, nɔ́ nɛ imi Nyɔmtsɛ Yawɛ, i ngɛ dee ji, imi nitsɛ nɛ i ha a ho je ma amɛ a zugba amɛ a nɔ ya a nɛ; i gbɛ mɛ ngɔ fĩa je ɔ mi tsuo lɛɛ, se ma bu a he be bɔɔ ko ngɛ hehi nɛ a ho ɔ tsuo.

Yoel 3:16

Yawɛ wo gbi kɛ je Zion yo ɔ nɔ; e gbi ɔ ké kɛ je Yerusalem. Kɛkɛ nɛ hiɔwe kɛ zugba mimiɛ. se Yawɛ ji wesa he kɛ ha e ma Israel ɔ.

Amos 2:4

Yawɛ ke, “Yuda ma mi bi ɔmɛ pee yayamihi nɔtonɔto babauu. A yi imi Yawɛ, ye mlaa amɛ a nɔ fɛɛ. Yaka mawuhi nɛ a nɛmɛ ɔmɛ sɔmɔ ɔ, jamɛ a mawu ɔmɛ nɔuu a se lɛ a ya nyɛɛ. Enɛ ɔ he je ɔ, ja i gbla a tue kokooko.

Nahum 1:7

Yawɛ mi mi hi; e ngɛ kaa mɔ nɛ he wa ha nihi nɛ ngɛ haomi mi; nɛ nihi nɛ ba saa we ngɛ e ngɔ ɔ, e baa a yi.

Habakuk 3:19

Nyɔmtsɛ Yawɛ lɛ haa mi he wami. Lɛ nɛ haa ye nane maa si saminya kaa bayelɔ nɔ́; nɛ i naa tue mi jɔmi ngɛ yo ɔmɛ a nɔ.”

Zakaria 2:11

Jamɛ a be ɔ, je mahi babauu maa ngɔ a he kɛ ba mɛtɛ Yawɛ he. E kɛ mɛ maa hi si, nɛ nyɛ maa le kaa lɛ nɛ e tsɔ mi nyɛ ngɔ.

Malaki 1:11

Je ma amɛ tsuo, kɛ je pu site he kɛ ya si pu sinɔ he ɔ, woɔ ye hɛ mi nyami. A sãã tsopa kɛ e he via kɛ haa mi ngɛ he tsuaa he, nɛ a kɛ nike ní nɛ he tsɔ hu baa. Mɛ tsuo pɛpɛɛpɛ a woɔ ye hɛ mi nyami.

Romabi 1:25

Anɔkuale ɔ nɛ a le ngɛ Mawu he ɔ, a he we yi; lakpa níhi mohu a heɔ yeɔ. Níhi nɛ Mawu bɔ ɔ, lɔ ɔmɛ mohu a jaa, nɛ a sɔmɔɔ. Bɔlɔ ɔ nɛ sa kaa a je e yi kɛ ya neneene ɔ, a ja we lɛ, nɛ a sɔmɔ we lɛ hulɔ. Amen!

1 Petro 1:18

Ejakaa yakayaka si himi nɛ nyɛ nɛmɛ ɔmɛ si ha nyɛ ɔ, nyɛ le hĩɔ nɛ Mawu wo loko e kɛ kpɔ nyɛ kɛ je mi nɛ nyɛ ye nyɛ he. Pi nɔ́ ko nɛ puɛɔ kaa sika hiɔ, loo sika tsu nɛ Mawu ngɔ kɛ tsu kikɛmɛ a ní nɛ ɔ,

Kpojemi 11:15

Jehanɛ ɔ, bɔfo kpaagone ɔ kpa e titimati ɔ, nɛ i nu gbihi nɛ ngɛ pɛe wawɛɛ ngɛ hiɔwe ke, “Amlɔ nɛ ɔ, wa Nyɔmtsɛ ɔ kɛ e Kristo ɔ nɛ a ngɛ je ɔ nɔ yee. Nɛ a maa ye matsɛ kɛ maa ya neneene!”