Yeremia 16:18 - BAIBLO ALOO NGMAMI KLƆUKLƆU Ɔ

¹⁸ Ma gbla a tue si enyɔ ngɛ a yayami ɔmɛ, kɛ a yi wu tso ní ɔmɛ a he. A ngɔ amagahi nɛ ngɛ kaa ni gbogboehi nɛ wami ko be a mi ɔ kɛ ble ye zugba a; nɛ zugba a hyi tɔ kɛ a níhi nɛ a hiee ɔ.”

Yeremia 16:18 ပူးပေါင်းရင်းမြစ်များ

Yesaya 40:2

Nyɛɛ wo Yerusalem ma a bua. Nyɛ de nɛ a nu kaa jehanɛ lɛɛ a nɔ́ nami babauu ɔ se po, nɛ a ngɔ a he yayami ɔmɛ ngɔ pa mɛ. I gbla a tue saminya ngɛ a tɔmi ɔmɛ tsuo a he.”

Kpojemi 18:6

Bɔ nɛ e pee mo ɔ, pee lɛ ja nɔuu ngɔ to nane mi. Níhi nɛ e pee ɔ, pee lɛ ja totoe enyɔ ngɔ to nane mi. Dã nɛ e futu ha mo ɔ, mo futu dã nɛ nya wa kaa ja totoe enyɔ ngɔ wo e kplu ɔ mi ha lɛ.

Ezekiel 11:21

Se nihi nɛ suɔ ní hiemi níhi, kɛ musu níhi, nɛ lɔ ɔmɛ a ngɛ pee kpamisa a, mɛɛ lɛɛ ma gbla a tue ngɛ a yayami ɔmɛ a he.” Nyɔmtsɛ Yawɛ lɛ de.

Yeremia 17:18

Ni nɛmɛ nɛ ngɛ mi yi mi wae ɔ, ha nɛ zo nɛ gbe mɛ; se imi lɛɛ ha nɛ ma ye ye he. Ha nɛ sawale nɛ nu mɛ, se imi lɛɛ koo wo ye he gbeye. Ngɔɔ haomi kɛ ba a nɔ, nɛ o kpata a hɛ mi pɛsɛpɛsɛ.

Yeremia 2:7

I ngɔ mɛ kɛ ba zugba nɛ baa ní nɔ, konɛ a ba ye zugba a nɔ yiblii kɛ ní kpakpahi. Se benɛ a ba a, a ba ble zugba a, nɛ a ngɔ ye weto ní ngɔ pee nɔ́ nɛ a hiee.

Ezekiel 11:18

Ke a ba lejɛ ɔ, a ma je ní hiemi níhi, kɛ musu ní ɔmɛ ngɔ pue he.

Yeremia 3:9

E kɛ yahomi ble zugba a, nɛ nɔ́ nɛ ɔ si we lɛ kpu. E juɛmi ji ke e ya ja tso kɛ tɛ ɔ, tsa pi nɔ́ ko kulaa ji lɔ ɔ.

Yesaya 61:7

Zo nɛ gbe nyɛ, kɛ nyɛ hɛ mi nɛ pue si ɔ, lɛ tsuo nya maa be. Nyɛ maa hi nyɛ nitsɛmɛ nyɛ zugba nɔ jehanɛ; nyɛ ma na ní babauu nitsɛ pe sa a, nɛ nyɛ bua maa jɔ kɛ maa ya neneene.

Mika 2:10

Nyɛɛ je hiɛ ɔ nɛ nyɛɛ ho; he jɔɔmi he ko be hiɛ ɔ ha nyɛ. Yayamihi gbegbeegbe nɛ nyɛ pee ngɛ hiɛmɛ nɛ ɔ a he je ɔ, a ma kpata ma nɛ ɔ hɛ mi.

Yesaya 24:5

Ni ɔmɛ ble zugba a; nɛ a kɛ nɔ́ nɛ ɔ peemi tɔ Mawu mlaa amɛ a nɔ. A tsake blɔ nya tomi ɔmɛ, nɛ somi nɛ ngɛ daa a hu a yi nɔ.

La 106:38

A pue nihi nɛ pee we yayami a muɔ si; mɛ nitsɛmɛ a binyumuhi, kɛ a biyihi po a ngɔ mɛ kɛ sã bɔ ha Kanaan wɔhi; nɛ a kɛ muɔ ble zugba a.

Mose III, 26:30

Ma puɛ nyɛ jami he ɔmɛ ngɛ yo ɔmɛ a nɔ, nɛ ma ywia nyɛ tsopa kɛ e he via bɔ sami la tɛ ɔmɛ; ma ngɔ nyɛ gbogboe ɔmɛ ngɔ pue nyɛ we amaga amɛ nɛ i ywia a a nɔ. Nyɛ maa pee nɔ́ nɛ a hiee ha mi.

Yesaya 65:6

“I pee ye yi mi momo, nɛ i ngma ngɔ fɔ si ke i be ye nya mae hu; ma gbla a tue wawɛɛ kɛ to nane mi sisiisi

Yeremia 7:30

“Yuda bi ɔmɛ pee yayami. A ngɔ a we amagahi nɛ i hiee ɔ ba to ye we ɔ nɛ a kɛ ble we ɔ.

Yeremia 44:4

Daa nɛ ɔ, i tsɔɔ ye tsɔli gbali ɔmɛ kɛ baa nyɛ ngɔ, nɛ a ba deɔ nyɛ ke nyɛ ko pee nɔ́ nɛ ɔ, ejakaa i hie.

Ezekiel 5:11

“Lɔ ɔ he ɔ, be a bɔ nɛ imi Nyɔmtsɛ Yawɛ, i ngɛ nɛ ɔ, akɛnɛ o ngɔ tai níhi, kɛ níhi nɛ a hiee tsuo kɛ ble ye he klɔuklɔu ɔ, imi Yawɛ hu, i be mo mɔbɔ nae, nɛ i be o yi bae; mohu ma kpata o hɛ mi pɛsɛpɛsɛ.

Hosea 9:7

Be nɛ a maa gbla Israel ma a tue ɔ su. Be ɔ su nɛ a maa wo mɛ hiɔ. Kɛkɛ ɔ, nɔ tsuaa nɔ maa hɛli si! Nyɛ deɔ ke, “Gbalɔ nɛ ɔ biɛ lo! Nyumu ɔ nɛ na mumi ɔ nu godo!” Nyɛ deɔ enɛ ɔ, ejakaa nyɛ he yayami hiɛ babauu; nɛ nyɛ sume mi saasaa.

Yesaya 65:7

ngɛ mɛ nitsɛmɛ, kɛ a nɛmɛ ɔmɛ a he yayami ɔmɛ tsuo a he. Ejakaa a ya sãã tsopa kɛ e he via ngɛ yo ɔmɛ a nɔ. A tuɔ munyu hu kɛ siɔ mi ngɛ yoku ɔmɛ a nɔ. Enɛ ɔmɛ tsuo a he ɔ, ma gbla a tue sisiisi bɔ nɛ sa.”

Ezekiel 36:18

I gbla a tue wawɛɛ, ejakaa ye mi mi wo la ngɛ muɔ si nɛ a pue ngɛ zugba a nɔ, kɛ amagahi nɛ a kɛ ble lɛ ɔ a he.