Yeremia 16:17 - BAIBLO ALOO NGMAMI KLƆUKLƆU Ɔ

¹⁷ Nɔ́ tsuaa nɔ́ nɛ a ngɛ pee ɔ, i ngɛ hyɛe. Nɔ́ ko nɔ́ ko be nɛ a ngɛ pee nɛ i nɛ; a ní yayami ɔmɛ fɔɔ si ngɛ ye hɛ mi.

Yeremia 16:17 ပူးပေါင်းရင်းမြစ်များ

Abɛ Womi 15:3

Yawɛ hɛngmɛ ngɛ he tsuaa he; e naa kpakpa peeli, kɛ yayami peeli tsuo.

Yeremia 23:24

Anɛ nɔ ko ma nyɛ maa laa e he ngɛ he ko nɛ i be lɛ nae lo? Anɛ nyɛ li kaa i ngɛ he tsuaa he lo? I ngɛ hiɔwe kɛ zugba tsuo.

Abɛ Womi 5:21

Nɔ́ tsuaa nɔ́ nɛ o ngɛ pee ɔ fɔɔ si paa ngɛ Yawɛ hɛ mi. He tsuaa he nɛ o gu ɔ, e ngɛ mo hyɛe.

La 90:8

O ngɔ wa he yayami ɔmɛ ngɔ pue o hɛ mi; wa diblii mi yayami ɔmɛ tsuo ngɛ o hɛ mi paa.

Hebribi 4:13

Nɔ́ ko nɔ́ ko be nɛ a kɛ laa Mawu. Nɔ́ tsuaa nɔ́ ngɛ je nɛ ɔ mi fɔɔ si paa ngɛ Mawu hɛ mi. Nɛ nɔ tsuaa nɔ maa bu lɛ nitsɛ e we akɔtaa ngɛ e hɛ mi.

1 Korintobi 4:5

Lɔ ɔ he ɔ, nyɛ ko kojo nɔ ko loko be ɔ nɛ su. Nyɛɛ mlɛ kɛ yaa si Nyɔmtsɛ ɔ maa ba. Ke e ba a, e ma je diblii mi níhi, kɛ tsui mi ní yayahi nɛ a kɛ laa a tsuo kpo. Jamɛ a be ɔ, nɔ tsuaa nɔ ma na yi jemi nɛ sa lɛ ɔ kɛ je Mawu dɛ mi.

Yeremia 32:19

O toɔ nile gahi, nɛ o peeɔ ní nguanguahi. O naa níhi tsuo nɛ nimli adesahi peeɔ, nɛ o woɔ mɛ hiɔ bɔ pɛ nɛ sa mɛ.

Kronika II, 16:9

Yawɛ hɛngmɛ ngɛ je ɔ tsuo he; nihi nɛ yeɔ lɛ anɔkuale ɔ, e woɔ mɛ he wami. O je kuasia. Lɔ ɔ he ɔ, kɛ je mwɔnɛ ɔ kɛ yaa a, ta maa nyɛɛ o se daa nɛ.”

Ezekiel 9:9

Mawu he nɔ ke, “Israel kɛ Yuda bi ɔmɛ pee yayami agbo; fɔ nɛ a ye ɔ kle tsɔ. Zugba a nɔ tsuo hyi tɔ kɛ muɔ si puemi; nɛ Yerusalem ma a mi hu a yi dami sane. A ngɛ dee ke imi Yawɛ, i kua zugba a, nɛ i nɛ mɛ.

Yesaya 29:15

Musu tloo nihi nɛ hlaa kaa a maa ngɔ ga nɛ a to ngɛ a yi mi ɔ kɛ laa Yawɛ. A toɔ a ga amɛ ngɛ laami mi, nɛ a susuu kaa nɔ ko nɔ ko be mɛ nae, nɛ nɔ́ nɛ a ngɛ pee ɔ hu nɔ ko nɔ ko be lee.

La 139:3

Ke i ma blɔ ɔ, o le nɛ ke i hwɔ si hu o le; ee, ye ní peemi níhi tsuo o le.

Ezekiel 8:12

Mawu bi mi ke, “Nɔmlɔ adesa, tse o na nɔ́ nɛ Israel ma nimeli ɔmɛ ngɛ pee ngɛ diblii mi! Tse o na nɔ́ nɛ nɔ tsuaa nɔ ngɛ tsue ngɛ lɛ nitsɛ e we amaga jami he. Se nɔ́ nɛ a ngɛ dee ji, ‘Yawɛ nɛ wɔ! Yawɛ si e zugba a ngɔ fɔ si.’ ”

La 51:9

Koo hyɛ ye yayami ɔmɛ, se mohu tsu mɛ tsuo pɛpɛɛpɛ.

La 109:15

Yawɛ nɛ kai a he yayami ɔmɛ daa nɛ, se mɛ nitsɛmɛ lɛɛ a ko kai mɛ gblegbleegble ngɛ zugba a nɔ.

Yeremia 2:22

Ke o du o he kɛ jale nɛ nya wa tete po, ma na o tɔmi ɔmɛ kaa so ko nɛ mɛtɛ o he.

Yeremia 29:23

Nɔ́ nɛ maa ba a nɔ ji nɛ ɔ nɛ, ejakaa a pee ní yayamihi ngɛ Israel; a puɛ gba, nɛ a tu lakpa munyuhi ngɛ Yawɛ biɛ mi, pohu e fa we mɛ ke a tu jamɛ a munyu ko. Pi Yawɛ suɔmi nya ní ji nɛ ɔ; nɔ́ tsuaa nɔ́ nɛ a pee ɔ, e na, nɛ e ma nyɛ maa ye he odase. Yawɛ lɛ de.”

Zefania 1:12

“Jamɛ a ligbi ɔ, ma su kane kɛ kpa Yerusalem. Nɛ nihi nɛ hii si ngɛ a he yayami mi, nɛ nɔ́ ko pue we a tsui nɔ ɔ, ma ya hla a se blɔ, nɛ ma gbla a tue. Nimli nɛ ɔmɛ deɔ a he ke, ‘Oo, Yawɛ tsa be wɔ nɔ́ ko pee.’

Zakaria 4:10

Amlɔ nɛ ɔ nɛ ní tsumi ɔ yɛ nɔ kpakpa ko ɔ, nɛ ni ɔmɛ pee kaa nɔ́ nɛ a kɔni mi jɔ̃. Se ke a na Zerubabel nɛ ngɛ Mawu we ɔ mae ekohu ɔ, a bua maa jɔ.”

Hiob 10:14

Ke i pee yayami ko ɔ, kɛkɛ o ngma kɛ to, nɛ o kɛ be mi pae kɔkɔɔkɔ.

Hiob 31:4

Mawu le nɔ́ tsuaa nɔ́ nɛ i peeɔ; e le ye blɔ ɔmɛ tsuo.

La 33:15

Lɛ nɛ haa nɛ nɔ tsuaa nɔ susuɔ e yi mi; e le nɔ́ nɛ nɔ tsuaa nɔ ngɛ pee.

Yesaya 66:18

I le níhi nɛ a ngɛ susue, kɛ níhi nɛ a ngɛ pee. Be ma nɛ ma bua je ma amɛ tsuo, kɛ gbi slɔɔtoslɔɔto ɔmɛ tsuo a nya. Ke a ba a, a ma ba na ye hɛ mi nyami ɔ.

Yeremia 7:11

E peeɔ nyɛ kaa ye we ɔ, juli a laami he, pi ja? Nyɛ na nɛ nyɛɛ le kaa níhi nɛ nyɛ ngɛ pee ɔ, i na kɛ ye hɛngmɛ. Imi, Yawɛ lɛ i de.