Yeremia 16:16 - BAIBLO ALOO NGMAMI KLƆUKLƆU Ɔ

¹⁶ Yawɛ ke “Ma tsɔ hɛli babauu kɛ ba nɛ a ba hɛ nimli nɛ ɔmɛ kaa a hɛɛ lo. Lɔ ɔ se ɔ, ma tsɔ de dali babauu kɛ ba nɛ a ba da mɛ kaa a daa lohwe de ngɛ yo tsuaa yo, kɛ yoku tsuaa yoku nɔ, kɛ tɛ puɔ tsuaa tɛ puɔ mi ngɛ tɛ sa amɛ a nɔ.

Yeremia 16:16 ပူးပေါင်းရင်းမြစ်များ

Mose I, 10:9

Yawɛ gbaa lɛ nɛ e ba pee detsɛ ngua. Enɛ ɔ he je ɔ, a kɛ e biɛ buu abɛ ke, “Yawɛ nɛ ha nɛ o ba pee detsɛ ngua kaa Nimrod!”

Yesaya 2:21

Ke Yawɛ ba nɛ e ba mimiɛ je ɔ, nimli maa laa a he ngɛ tɛ puɔhi kɛ muɔhi a mi ngɛ yo ɔmɛ a nɔ kɛ je e abofu nɛ he wa a, kɛ e hɛ mi nyami ɔ nya.

Yesaya 7:19

A ma ba pue si ngɛ kɔ̃ voovoo ɔmɛ, kɛ tɛ puɔ ɔmɛ a mi, nɛ a maa ha si ngɛ mio tso ɔmɛ a sisi, kɛ lohwe lɛmi he ɔmɛ tsuo.

Yeremia 25:9

‘Ma tsɔ nɛ a ya kpee omleyi je ma amɛ tsuo, kɛ Babilonia matsɛ Nebukadnezar, ye tsɔlɔ ɔ kɛ ba. Ma ngɔ mɛ kɛ ba, nɛ a kɛ Yuda zugba a, kɛ ma mi bi ɔmɛ, kɛ je mahi tsuo nɛ bɔle mɛ ɔ ma ba hwu ta. Ma kpata zugba nɛ ɔ, kɛ mahi nɛ bɔle lɛ ɔ a hɛ mi pɛsɛpɛsɛ; a ma plɛ pee gbeye nɔ́, muɔ nɔ́, kɛ he fɛu yemi nɔ́ kɛ ya neneene. Imi, Yawɛ lɛ i de.

Yeremia 4:29

Ke ma a nu okpɔngɔ ɔmɛ, kɛ kɛ̃ɛ̃ tsɛ̃li ɔmɛ a he ɔ, nɔ tsuaa nɔ maa tu fo kɛ je. Ni komɛ ma ya sɛ pu mi, nɛ ni komɛ ma ya kuɔ tɛ sahi. A ma si ma amɛ tsuo ngɔ fɔ si, nɛ nɔ ko nɔ ko be a mi hie hu.

Yeremia 49:5

Imi Nyɔmtsɛ Yawɛ Tabohiatsɛ ɔ, ma ngɔ haomi kɛ ba nyɛ nɔ. Mahi nɛ bɔle nyɛ ɔ tsuo maa fie nyɛ kɛ fo kpatakpata kɛ je nyɛ zugba a nɔ, nɛ nɔ ko be nɛ ma bua nyɛ nya ekohu.

Yeremia 6:9

Yawɛ Tabohiatsɛ ɔ de mi ke, “Haomi maa ba Israel bi ɔmɛ a nɔ nɔtonɔto kɛ yaa si a ma tsake. Ke wai nya bualɔ kplɔ wai ta tso mi ɔ, e ngɔɔ e nine kɛ kplaa tso ɔ mi kɛ hyɛɛ kaa wai ɔmɛ tsuo ta lo. Lɔ ɔ he ɔ, he ni nɛmɛ nɛ piɛ ɔ a yi wami loko be yayami ɔ nɛ ba.”

Kɔmɔ Yemi 4:18

He nyɛlɔ ɔ ngɛ wa nane hiɔe, lɔ ɔ he ɔ, wa nyɛ we nɛ waa nyɛɛ kɛ be ngɛ wa gbɛjegbɛ ɔmɛ a nɔ tete po. Wa nyagbe ɔ su jehanɛ; wa ligbi ɔmɛ a nya ta; wa hɛ mi kpata.

Kɔmɔ Yemi 4:19

He nyɛli ɔmɛ nyɛɛ wa se kɛ fo. A he sɔɔ pe kɔlehi ngɛ kɔɔhiɔ mi. A nyɛɛ wa se kɛ gu yo ɔmɛ a nɔ, nɛ a wo wɔ ka ngɛ nga kplanaa a nɔ.

Hosea 10:10

Ma tua ma yayami peeli nɛ ɔmɛ, nɛ ma gbla a tue. Je mahi maa pee kake kɛ wo mɛ, nɛ a maa gbla a tue ngɛ a yayami babauu ɔ he.

Amos 4:2

Nyɔmtsɛ Mawu ka e he kita ke, ‘Be ma, nɛ e be kɛe kulaa, nɛ a kɛ gbowe maa gbla nyɛ kɛ ho; nyɛ ti nɔ tsuaa nɔ maa pee kaa lo ngɛ gbowe nya.

Amos 5:19

Jamɛ a ligbi ɔ, nyɛ sane maa pee kaa nyumu ko nɛ tu fo kɛ je jata nya mi, nɛ e kɛ osisiblisi ya kpe! Aloo nyumu ko nɛ je pu mi kɛ ba we mi kɛ pɔtɔ. Benɛ e kpasa gbogbo nɛ́ e jɔɔ e he ɔ, kɛkɛ sinɔ kɔ lɛ.

Mika 7:2

Anɔkualetsɛmɛ ta zugba a nɔ; dalɔ kake ngmelu po be. Nɔ tsuaa nɔ ngɛ blɔ ko hlae nɛ e kɛ pue muɔ si; nɔ tsuaa nɔ ngɛ lɛ nitsɛ e nyɛmi klama tsɔe.

Zefania 1:12

“Jamɛ a ligbi ɔ, ma su kane kɛ kpa Yerusalem. Nɛ nihi nɛ hii si ngɛ a he yayami mi, nɛ nɔ́ ko pue we a tsui nɔ ɔ, ma ya hla a se blɔ, nɛ ma gbla a tue. Nimli nɛ ɔmɛ deɔ a he ke, ‘Oo, Yawɛ tsa be wɔ nɔ́ ko pee.’

Samuel I, 24:11

Jehanɛ tsaatsɛ hyɛ, o bo ɔ nya nɛ ngɛ ye dɛ mi nɛ ɔ nɛ. Kaa i nyɛ po o bo ɔ nya, se i gbi mo ɔ, nɔ́ nɛ ɔ maa tsɔɔ mo kaa nɔ́ yayami, loo atuã tsɔmi ko be ye mi.

Samuel I, 26:20

Mo ko ha nɛ ma gbo nɛ ye muɔ nɛ pue si ngɛ zugba kpa nɔ kɛ je Yawɛ hɛ mi. Mɛni he je Israel matsɛ hia ta kɛ ma mi tuami, imi nɛ i ngɛ kaa malɛɛ kɛkɛ ɔ? Mɛni he je e ngɛ mi dae kaa a daa hɔne ngɛ yoku nɔ ɔ?”