Yeremia 16:15 - BAIBLO ALOO NGMAMI KLƆUKLƆU Ɔ

¹⁵ Mohu ɔ, a kɛ ye biɛ ma ka kita kaa Mawu hɛ kalɔ ɔ nɛ kpale Israel bi ɔmɛ nɛ a gbɛ fĩa a kɛ je omleyi je zugba kpahi a nɔ kɛ ba we ekohu. Lejɛ ɔmɛ ji hehi nɛ i fie mɛ kɛ ho ɔ nɛ. Ma ngɔ mɛ kɛ ba mɛ nitsɛmɛ a zugba a nɛ i ha a nɛmɛ ɔmɛ ɔ nɔ ekohu. Imi, Yawɛ le i de.”

Yeremia 16:15 ပူးပေါင်းရင်းမြစ်များ

Yeremia 32:37

Ma bua ma a nya kɛ je zugbahi a nɔ hehi nɛ i fie mɛ kɛ ho, benɛ ye mi mi fu mɛ ɔ, nɛ ma ngɔ mɛ kɛ ba hiɛmɛ nɛ ɔ ekohu nɛ a ba hi si ngɛ he jɔmi mi.

Yeremia 24:6

Ma bu a he, nɛ ma kpale mɛ kɛ ba zugba nɛ ɔ nɔ ekohu. I be hae nɛ a na nɔ, se mohu ma piɛ a he. I be a hɛ mi kpatae, se mohu ma to mɛ si kaa bɔ nɛ a duɔ tso ɔ.

Yeremia 3:18

Jamɛ a be ɔ mi ɔ, Israel bi, kɛ Yuda bi maa ye a he kɛ je nyɔguɛ si himi mi ngɛ omleyi je zugba a nɔ, nɛ a ma tsa bo nya kɛ kpale kɛ ba zugba a nɛ i ngɔ kɛ ha nyɛ nɛmɛ ɔmɛ kaa a weto ni ɔ nɔ ekohu.”

Amos 9:14

Ma kpale nyɛ, ye ma a kɛ ba nyɛ zugba a nɔ ekohu. Nyɛ ma ba dla nyɛ ma doku ɔmɛ, nɛ nyɛ maa hi a mi. Nyɛ ma du wai yiblii, nɛ nyɛ ma na wai maa nu. Nyɛ ma hu ngmɔ, nɛ nyɛ maa ye e mi ní.

Ezekiel 39:28

Kɛkɛ ɔ, ye ma a maa le kaa imi ji Yawɛ, a Mawu ɔ nɛ. A maa le enɛ ɔ; ejakaa imi nitsɛ lɛ i ha a ngɔ mɛ kɛ ho ma se ya kaa nyɔguɛhi ɔ nɛ. Se jehanɛ lɛɛ i bua a nya, nɛ i kpale mɛ kɛ ba mɛ nitsɛmɛ a zugba nɔ, nɛ e píɛ a ti nɔ ko nɔ ko ngɛ ma se.

Ezekiel 36:24

Ma je nyɛ kɛ je je ma amɛ a kpɛti. Ma bua nyɛ nya kɛ je he tsuaa he kɛ ba nyɛ nitsɛmɛ nyɛ zugba a nɔ ekohu.

La 106:47

Yawɛ wa Mawu! Mo kpɔ wɔ kɛ je je ma amɛ a dɛ mi, nɛ o kpale wɔ kɛ ba ekohu, konɛ waa na mo si, nɛ wa je o biɛ klɔuklɔu ɔ yi.

Yeremia 31:8

Ma ya ngɔ mɛ kɛ je omleyi je zugba a nɔ, ma ya bua a nya kɛ je zugba a nyagbe he tɔɔ. Hɛ yuyuili, akpaketsɛmɛ, yihɔyihi, kɛ ni nɛmɛ nɛ miɔ nɛ a ma fɔ po maa piɛ a he kɛ ba. Nihi babauu nitsɛ maa kpale kɛ ba hiɛ ɔ ekohu.

Yeremia 30:10

“Ye ma, nyɛ ko ye gbeye; Israel ma, nyɛ tsui nɛ ko po. Ma kpɔ nyɛ kɛ je zugba nɔ, he nɛ a nuu nyɛ kɛ ho ngɛ tsitsaa lokoo ɔ. Nyɛ maa kpale kɛ ba we, nɛ nyɛ ma ba hi si ngɛ tue mi jɔmi mi; nyɛ he mi maa jɔ nyɛ, nɛ nɔ ko nɔ ko be nyɛ he gbeye woe.

Yeremia 30:3

ejakaa be ma nɛ ma pee ye ma Israel, kɛ Yuda saminya ekohu. Zugba a nɛ i ngɔ kɛ ha a nɛmɛ ɔmɛ ɔ, ma kpale mɛ kɛ ba jamɛ a zugba a nɔ ekohu, nɛ e ma ba pee a weto ní. Imi, Yawɛ lɛ i de.”

Yesaya 14:1

Yawɛ maa na e ma Israel mɔbɔ ekohu, nɛ e ma ná a he tsui kaa lɛ nitsɛ e ma. E maa to mɛ si ngɛ mɛ nitsɛmɛ a zugba nɔ. Nibwɔhi ma ba to mɛ, nɛ a kɛ mɛ maa hi si.

Yeremia 50:19

Ma kpale Israel bi ɔmɛ kɛ ba mɛ nitsɛmɛ a zugba a nɔ ekohu. A maa ye niye ní nɛ baa ngɛ Karmel yo ɔ nɔ, kɛ Bashan zugba a nɔ ɔ. A ma na ní maa ye bɔ nɛ a suɔ ngɛ Efraim kɛ Gilead zugba a nɔ.

Yeremia 23:8

Mohu ɔ, a kɛ ye biɛ ma ka kita kaa Mawu hɛ kalɔ nɛ jé Israel nina a kɛ je ma se zugbahi a nɔ, omleyi je zugba a, kɛ hehi tsuo nɛ i fie mɛ kɛ ho ɔ kɛ ba. Nɛ a ma ba hi mɛ nitsɛmɛ a zugba a nɔ.”

Yeremia 23:7

Yawɛ ke, “Be ma nɛ nihi be kita kae ngɛ ye biɛ mi hu kaa Mawu hɛ kalɔ ɔ nɛ jé Israel bi ɔmɛ kɛ je Egipt zugba a nɔ ɔ.

Yeremia 29:14

nyɛ maa na mi, nɛ ma ngɔ nyɛ kɛ ba nyɛ zugba a nɔ ekohu. Je mahi, kɛ hehi tsuo nɛ i fie nyɛ kɛ ho ɔ, ma bua nyɛ nya kɛ je lejɛ ɔmɛ, nɛ ma kpale nyɛ kɛ ba hiɛmɛ nɛ ɔ nɛ i ha nɛ a nuu nyɛ kɛ je ɔ ekohu. Imi, Yawɛ lɛ i de.’

Yoel 3:1

Yawɛ ke, “Jamɛ a be ɔ mi ɔ, ma ha Yuda ma a kɛ Yerusalem bi ɔmɛ ma na ní kpɔtɔɔ ekohu.

Mose I, 28:15

I kɛ mo maa hi si. He tsuaa he nɛ o yaa a, ma bu o he, nɛ ma kpale mo kɛ ba zugba nɛ ɔ nɔ ekohu. I be o he jee; ma pee níhi nɛ i wo mo a he si ɔ ha mo kokooko.”

Yeremia 12:15

Se ke i ngɔ mɛ kɛ ho se ɔ, ma na mɛ mɔbɔ ekohu, nɛ ma kpale je ma tsuaa je ma kɛ ba mɛ nitsɛmɛ a zugba nɔ, kɛ mɛ nitsɛmɛ a ma mi ekohu.

Yeremia 23:3

Ye ma nɛ piɛ ɔ, ma bua a nya kɛ maa je zugbahi a nɔ hehi nɛ i fie mɛ kɛ ho ɔ, nɛ i kɛ mɛ maa ba mɛ nitsɛmɛ a zugba a nɔ ekohu. A ma fɔ, nɛ a he maa hiɛ babauu.

Amos 9:15

Ma to nyɛ si ngɛ zugba a nɛ i ngɔ kɛ ha nyɛ ɔ nɔ. Nɛ i be hae nɛ nɔ ko ba je nyɛ kɛ je lejɛ ɔ hu.” Yawɛ, nyɛ Mawu ɔ lɛ de.