Yeremia 16:13 - BAIBLO ALOO NGMAMI KLƆUKLƆU Ɔ

¹³ Enɛ ɔ he je ɔ, ma fie nyɛ kɛ je zugba nɛ ɔ nɔ kɛ ya zugba nɛ nyɛ, loo nyɛ nɛmɛ ɔmɛ po li nɔ. Nyɛ ma ya sɔmɔ mawu kpahi ngɛ lejɛ ɔ nyɔ kɛ pia, nɛ i be nyɛ mɔbɔ nae.’ ”

Yeremia 16:13 ပူးပေါင်းရင်းမြစ်များ

Mose V, 28:36

“Yawɛ maa ngɔ nyɛ, kɛ nyɛ matsɛ ɔ kɛ ya ma se he nɛ nyɛ li, he nɛ nyɛ nɛmɛ tete hí hyɛ; nyɛ ma ya sɔmɔ mawuhi nɛ a kɛ tso kɛ tɛ pee ngɛ lejɛ ɔ.

Yeremia 15:14

Ma ha nɛ a ma sɔmɔ a he nyɛli ɔmɛ ngɛ zugba ko nɛ a li nɔ; ejakaa ye mi mi fumi ɔ ngɛ kaa la nɛ a slɛ, nɛ maa tso daa nɛ.”

Yeremia 17:4

Zugba a nɛ i ha nyɛ ɔ maa je nyɛ dɛ, nɛ ma ha nɛ nyɛ ma sɔmɔ nyɛ he nyɛli ngɛ zugba nɛ nyɛ li nɔ. Ejakaa ye mi mi nɛ fu ɔ ngɛ kaa la nɛ a slɛ nɛ maa hi tsoe daa.”

Kronika II, 7:20

lɛɛ ma je ye ma, Israel kɛ maa je zugba a nɛ i ha mɛ ɔ nɔ. We nɛ ɔ nɛ i pee lɛ klɔuklɔu nɛ a ja mi ngɛ mi ɔ, ma je ye nine ngɛ he. Je ma amɛ tsuo pɛpɛɛpɛ maa ye e he fɛu, nɛ a maa hie lɛ.

Yeremia 22:28

I bi ke, “Anɛ Matsɛ Yehoyakin ba pee kaa buɛ nɛ ywia nɛ a sake ngɔ fɔ he nɛ nɔ ko sume hu lo? Anɛ lɔ ɔ he nɛ a nuu lɛ kɛ e bimɛ ɔmɛ kɛ ho zugba nɛ a ti nɔ ko nɔ ko li ɔ nɔ ya lo?”

Yeremia 15:4

Nɔ́ nɛ Yuda matsɛ, Manase, Hezekia bi ɔ pee benɛ e ngɛ tsɛ yee ngɛ Yerusalem he je ɔ, ma gbla a tue wawɛɛ nitsɛ, nɛ nɔ́ nɛ ɔ ma ha nɛ je ma amɛ tsuo maa ye gbeye.”

Yeremia 14:8

Mo pɛ o nɔ Israel ngɔɔ e hɛ ngɔ fɔɔ; mo lɛ o jeɔ wɔ kɛ jeɔ amanehlu mi. Mɛni he je o pee kaa nubwɔ ngɛ zugba a nɔ, kaa blɔ nyɛɛlɔ nɛ gba ba to nubwɔ ligbi kake kɛkɛ?

Yeremia 6:15

Anɛ zo gbe mɛ benɛ a tsu musu ní nɛ ɔmɛ lo? Dɛbi, zo gbi mɛ fɛɛ; nɔ́ nɛ a tsɛɛ zo po a li. Enɛ ɔ he je ɔ, mɛ hu a ma gbo kɛ piɛ ni nɛmɛ nɛ a maa gbe ɔ a he. Ke i gbla a tue kɛkɛ a nyagbe ji lɔ ɔ nɛ. Imi, Yawɛ lɛ i de.”

Yeremia 5:19

Yeremia, ke a bi mo ke mɛni he je lɛ imi Yawɛ, a Mawu ɔ kɛ mɛ ye sane yaya kaa kikɛ nɛ ɔ, de mɛ ke, kaa bɔ nɛ a je ye se nɛ a ya sɔmɔ ma se mawuhi ngɛ mɛ nitsɛmɛ a zugba nɔ ɔ, jã nɔuu kɛ̃ lɛ a ma ya sɔmɔ nibwɔhi ngɛ ma se zugba nɔ.”

La 81:12

Enɛ ɔ he je ɔ, i ngmɛɛ a je mi he ngɔ ha mɛ, konɛ a pee nɔ́ nɛ mɛ nitsɛmɛ a tsui suɔ.

Mose V, 29:28

Yawɛ mi mi wo la wawɛɛ nitsɛ, nɛ e kɛ mi mi la nɛ nya wa nɛ ɔ hia mɛ kɛ je a zugba a nɔ, nɛ e sake mɛ ngɔ pue ma se zugba ko nɔ, nɛ lejɛ ɔ a ngɛ kɛ mwɔɔ.’

Yeremia 15:1

Kɛkɛ nɛ Yawɛ de mi ke, “Ke Mose kɛ Samuel ba da ye hɛ mi nɛ a fa kue ha mi tete po, i be nimli nɛ ɔmɛ mɔbɔ nae. Fie mɛ kɛ je ye hɛ mi hiɛmɛ nɛ ɔ nɛ a ho.

Yeremia 22:26

Ma ha nɛ a maa nuu o kɛ o nyɛ nɛ fɔ mo ɔ nyɔguɛ kɛ ya ma ko mi nɛ pi lejɛ ɔ nɛ a fɔ nyɛ ngɛ. Nɛ lejɛ ɔ nyɛ ni enyɔ ɔmɛ tsuo nyɛ ma ya gbo ngɛ.

Matsɛmɛ II, 25:21

Babilonia matsɛ ɔ fia mɛ ní nɛ e gbe ngɛ Ribla, ngɛ Hamat zugba a nɔ. Bɔ nɛ a pee kɛ ngɔ Yuda bi ɔmɛ nyɔguɛ kɛ je a zugba a nɔ ji nɛ ɔ nɛ.

Yeremia 10:18

Yawɛ ke, “Jehanɛ lɛɛ ma sake nimli ɔmɛ nɛ ngɛ zugba nɛ ɔ nɔ ɔ ngɔ fɔ he kaa bɔ nɛ a fɔɔ tɛ ɔ. Ma hao mɛ kɛ yaa si a maa nu he.”

Yeremia 16:5

“We nɛ ya ngɛ mi ɔ, koo ya lejɛ ɔ. Ko ya ye kɔmɔ ha nɔ ko. I be ye ma a tue mi jɔmi hae hu; ye suɔmi kɛ mɔbɔ nami ɔ hu se po.