Yeremia 16:11 - BAIBLO ALOO NGMAMI KLƆUKLƆU Ɔ

¹¹ Ke a bi mo ja a, de mɛ ke, Yawɛ ke, ‘Nyɛ nɛmɛ ɔmɛ je ye se nɛ a ya ja mawu kpahi, nɛ a sɔmɔ mɛ. A kua mi, nɛ ye mlaa amɛ hu a yi nɔ.

Yeremia 16:11 ပူးပေါင်းရင်းမြစ်များ

1 Petro 4:3

Sa a, nyɛ puɛ be babauu kɛ pee níhi nɛ ma je li suɔ peemi, yahomi, akɔnɔ níhi a se dimi, dã demi, fiɛmi sakasaka, jiklɔɔ peemi, kɛ wɔ jami ní kpɔtɔkpɔtɔ peemi.

Ezekiel 11:21

Se nihi nɛ suɔ ní hiemi níhi, kɛ musu níhi, nɛ lɔ ɔmɛ a ngɛ pee kpamisa a, mɛɛ lɛɛ ma gbla a tue ngɛ a yayami ɔmɛ a he.” Nyɔmtsɛ Yawɛ lɛ de.

Yeremia 22:9

Kɛkɛ ɔ, a ma he nɔ ke i ye nyɛ sane nɛ ɔ, ejakaa somi nɛ imi, nyɛ Mawu ɔ, i kɛ nyɛ so ɔ, nyɛ yi nɔ; nyɛ ya nyɛɛ mawu kpahi mohu a se, nɛ nyɛ sɔmɔ mɛ.”

Yeremia 8:2

A be wu nɛ ɔmɛ a nya buae, nɛ a be mɛ pue hulɔ; wu ɔmɛ maa pee kaa kuku ngɛ zugba a nɔ. A ma ka wu ɔmɛ ngɔ ha pu kɛ nyɔhiɔ kɛ dodoehi. Ní nɛ ɔmɛ ji níhi nɛ ma a suɔ saminya; ma a sɔmɔ mɛ, nɛ a bi ní ngɛ a ngɔ, nɛ a ja mɛ hulɔ.

Matsɛmɛ I, 9:9

Nɛ nihi ma he nɔ ke, ‘Ejakaa a kua Yawɛ, a Mawu ɔ nɛ je mɛ kɛ je Egipt zugba a nɔ ɔ. A kɛ a he ya mɛtɛ mawu kpahi a he; a ja mɛ, nɛ a sɔmɔ mɛ. Enɛ ɔ he je nɛ Yawɛ kɛ haomi nɛ ɔ ba a nɔ ɔ nɛ.’ ”

Yeremia 9:14

A wa tue, nɛ a ya pee mɛ nitsɛmɛ a suɔmi nya níhi mohu. A ya ja Baal amaga amɛ kaa bɔ nɛ a nɛmɛ ɔmɛ tsɔɔ mɛ ke a pee ɔ.

Yeremia 2:8

Osɔfo ɔmɛ bi we ke, ‘Jije Yawɛ ngɛ?’ Imi nitsɛ ye we osɔfohi po li mi. Nɔ yeli ɔmɛ te si kɛ wo mi; gbali ɔmɛ gba ngɛ Baal biɛ mi, nɛ a ya nyɛɛ níhi nɛ a he be se nami a se.

Kronika II, 7:22

Nɛ nihi ma he nɔ ke, ‘Ejakaa Israel ma a kua Yawɛ, a Mawu ɔ nɛ je mɛ kɛ je Egipt zugba a nɔ ɔ. A ngɔ a he ya mɛtɛ mawu kpahi a he; a ja mɛ, nɛ a sɔmɔ mɛ. Enɛ ɔ he je nɛ Yawɛ kɛ haomi nɛ ɔ ba a nɔ ɔ nɛ.’ ”

Amos 2:4

Yawɛ ke, “Yuda ma mi bi ɔmɛ pee yayamihi nɔtonɔto babauu. A yi imi Yawɛ, ye mlaa amɛ a nɔ fɛɛ. Yaka mawuhi nɛ a nɛmɛ ɔmɛ sɔmɔ ɔ, jamɛ a mawu ɔmɛ nɔuu a se lɛ a ya nyɛɛ. Enɛ ɔ he je ɔ, ja i gbla a tue kokooko.

Malaki 3:7

Kaa bɔ nɛ nyɛ nɛmɛ ɔmɛ pee ɔ, nyɛ hu nyɛ ngmɛɛ ye mlaa amɛ a he kɛ fɔ si, nɛ nyɛ yi ye mlaa amɛ a nɔ. Nyɛɛ kpale kɛ ba ye ngɔ, nɛ i kɛ nyɛ he yayami ɔmɛ maa pa nyɛ. Se nyɛ biɔ ke, ‘Kɛ wa maa pee kɛ kpale kɛ ba o ngɔ kɛɛ?’

Manyadali 2:11

Israel bi ɔmɛ pee yayami kɛ si Yawɛ nɛ a ya sɔmɔ Baalhi.

Yeremia 13:22

Ke o bi o he ke, “Mɛni he je ní nɛ ɔmɛ tsuo ba ye nɔ” ɔ, heto ɔ ji, o he yayami babauu ɔ he je nɛ he nyɛli ba pee mo kikɛ nɛ ɔ kaa yo nɛ nyumu kpa e he bo, nɛ e bɔ lɛ ahlua a nɛ.

Yeremia 44:3

ejakaa ma amɛ a mi bi ɔmɛ pee yayami, nɛ a wo ye mi mi la. A sã bɔhi nɛ a kɛ sɔmɔ mawu kpahi nɛ mɛ nitsɛmɛ, loo nyɛ, loo nyɛ nɛmɛ ɔmɛ po li gblee.

Kɔmɔ Yemi 5:7

Wa nɛmɛ ɔmɛ pee yayami, se amlɔ nɛ ɔ, a be je mi, nɛ wa ba ngɛ nɔ́ nae ngɛ a yayami ɔmɛ a he.