Yeremia 15:9 - BAIBLO ALOO NGMAMI KLƆUKLƆU Ɔ

⁹ Bimɛ kpaago a nyɛ ɔ hɛli; nɔ́ nɔ e nɔ, ejakaa e bimɛ ɔmɛ tsuo a yi ta. Piani be mi ɔ, lɛɛ e pu ɔ nɔ si momo, nɛ diblii kpatu wo; a pue e hɛ mi si, nɛ a bɔ lɛ ahlua. Ma ha nɛ nyɛ he nyɛli ɔmɛ maa gbe nyɛ ni nɛmɛ nɛ nyɛ hɛ ngɛ kɛ mwɔɔ ɔ. Imi, Yawɛ lɛ i de.”

Yeremia 15:9 ပူးပေါင်းရင်းမြစ်များ

Yesaya 47:9

Se tlukaa, ligbi kake mi ɔ, nɔ́ enyɔ nɛ ɔmɛ maa ba o nɔ; o maa ye kunya, nɛ o maa fi kablɛ babauu, se o huno, kɛ o bimɛ tsuo maa laa mo.

Yeremia 19:7

Ma ha nɛ yi mi nɛ Yuda ma a, kɛ Yerusalem ma mi bi ɔmɛ to ɔ maa pee yaka ngɛ hiɛmɛ nɛ ɔ. Ma ha a he nyɛli maa ye a nɔ ngɛ ta mi, nɛ a maa gbe mɛ; nɛ ma ngɔ a gbogboe ɔmɛ kɛ ha lohwe pɛlitsɛmɛ, kɛ pu mi lohwehi nɛ a ye.

Yeremia 21:7

Se mo, Yuda matsɛ, Zedekia! Mo, kɛ o tsɔli ɔmɛ, kɛ nihi tsuo nɛ a yi ma na wami ngɛ ta, kɛ hwɔ, kɛ gbenɔ hiɔ ɔ se ɔ, nyɛɛ lɛɛ ma ngɔ nyɛ kɛ wo Babilonia matsɛ, Nebukadnezar, kɛ nyɛ he nyɛli ɔmɛ nɛ ngɛ nyɛ hlae nɛ a gbe ɔ a dɛ mi. Nebukadnezar ma kpata nyɛ tsuo pɛpɛɛpɛ nyɛ hɛ mi. E be nyɛ ti nɔ ko nɔ ko he ngmɛɛe, nɛ e be nɔ ko nɔ ko mɔbɔ nae. Imi, Yawɛ lɛ i de.”

Yeremia 44:27

Ma hyɛ, nɛ nɔ́ ko nɔ́ ko be hie ha nyɛ. Nyɛ Israel bi tsuo nɛ nyɛ ngɛ Egipt zugba a nɔ ɔ, nyɛ tsuo nyɛ hɛ mi ma kpata, nɛ nɔ kake ngmelu po he be mi jee. Nyɛ ti ni komɛ ma gbo ngɛ ta mi, nɛ hwɔ maa gbe ni komɛ.

Yeremia 50:12

Se nyɛ nitsɛmɛ nyɛ ma nguaa a hɛ mi ma ba pue si, nɛ ahlua maa bɔ lɛ. Babilon ma ba pee ma nɛ a bui ngɛ je ma amɛ a kpɛti pe kulaa; e ma ba pee ma doku, kɛ nga kplanaa nɛ nyu be nɔ.

Yeremia 6:4

A ma de ke, “Nyɛɛ mia, nɛ nyɛ gba ta kɛ wo Yerusalem he! Nyɛ dla nyɛ he! Wa ma ya tua ma a piani!” Se jamɛ a be ɔ nɔuu ɔ, a ma de ke, “Akuanyɛ! Wa yi ta pɛ! Mamoo je jɔ wɔ. Nyɛɛ hyɛ bɔ nɛ pu ɔ ha nɛ nini ɔmɛ ka gagaa ha!

Yeremia 7:19

Se anɛ imi ye mi mi la a ngɛ woe ɔ lo? Dɛbi! Mɛ nitsɛmɛ a he lɛ a ngɛ pee; a kɛ ma kpata mɛ nitsɛmɛ a hɛ mi.

Kɔmɔ Yemi 1:1

Yerusalem, ma nɛ sa be ko ɔ, nihi babauu ngɛ mi ɔ, hyɛ bɔ nɛ e mi je gu kɛ fɔɔ si ha! Be ko nɛ be ɔ, je ma amɛ buu lɛ ma nguaa, se jehanɛ lɛɛ e ngɛ kaa yalɔyo. Ma nɛ ngɛ kaa matsɛ biyo ngɛ je ma amɛ tsuo a kpɛti ɔ ba plɛ pee je ma amɛ a nyɔguɛ.

Kɔmɔ Yemi 4:10

Ye ma a hɛ mi kpatami ɔ ngɛ gbeye. Binyɛmɛ nɛ suɔ a bimɛ kaa nɔ́ ko po, hoo mɛ nitsɛmɛ a bimɛ kaa niye ní nɛ a ye.

Ezekiel 5:12

Gbenɔ hiɔ, kɛ hwɔ maa gbe ma mi bi ɔmɛ a mi dlami etɛ mi kake; mi dlami etɛ mi kake maa nɔ ngɛ klaate nya kɛ maa bɔle ma a kɛ kpe, nɛ mi dlami etɛ mi kake ɔ hu, ma gbɛ mɛ ngɔ fĩa je ɔ mi tsuo; nɛ ma hia ta kɛ nyɛɛ a se.

Ezekiel 5:13

“Ma gbla nyɛ tue wawɛɛ kɛ yaa si be nɛ ye mi mi la a se maa po, nɛ́ ye bua maa jɔ. Ke e ba mi ja a, kɛkɛ nyɛ maa le kaa imi Yawɛ, i kɛ nyɛ tu munyu kikɛ nɛ ɔ, ejakaa nyɛ yi mi anɔkuale, nɛ lɔ ɔ nɛ wo ye mi mi la a nɛ.

Samuel I, 2:5

Ni nɛmɛ nɛ tɔ hyɛ ɔ, a bɔni apaa yemi nɛ a kɛ na a nya mi ngma; ni nɛmɛ nɛ hwɔ ye mɛ ɔ, a hwɔ ɔ se po. Yosa a ba fɔ bimɛ kpaago, nɛ bimɛ a nyɛ ɔ ba pee kaa yo nɛ fɔ we hyɛ.