Yeremia 15:8 - BAIBLO ALOO NGMAMI KLƆUKLƆU Ɔ

⁸ I ha nɛ yalɔyihi a he hiɛ babauu ngɛ nyɛ zugba a nɔ pe wo nya zia. I gbe nyɛ nihewi ɔmɛ ngɛ a nihe mi, nɛ i ha nɛ a nyɛmɛ ɔmɛ na nɔ́. I ha nɛ haomi nɛ nya wa, kɛ ní gbeyegbeyehi ba a nɔ tlukaa.

Yeremia 15:8 ပူးပေါင်းရင်းမြစ်များ

Yesaya 3:25

A kɛ klaate maa gbe ma a mi nyumu ɔmɛ; a ti nihi nɛ ji katsɛmɛ tete po maa nɔ ngɛ ta mi.

Luka 21:35

kaa klama; ejakaa e maa ba nihi tsuo a nɔ ngɛ je nɛ ɔ mi he tsuaa he.

Yeremia 5:6

Enɛ ɔ he je ɔ, jata maa je pu mi kɛ ba gbe mɛ; ogbetee maa je nga nɔ kɛ ba tsɔtslɔɔ a mi dukuduku, nɛ ngatsɛ ma ba wo ka ngɛ a ma amɛ a mi. Nɔ tsuaa nɔ nɛ maa je kpo ɔ, a ma tsɔtslɔɔ lɛ; ejakaa a pee yayamihi fuu, nɛ a tsɔ Mawu hɛ mi atuã si abɔ.

Yeremia 4:16

A ma nɛ a ba ha nɛ je ma amɛ nɛ a le, nɛ Yerusalem hu nɛ e nu kaa he nyɛli komɛ je ma se tsitsaa kɛ ma nɛ a ba sá ma a yi. He nyɛli nɛ ɔmɛ ma he ose kɛ wo Yuda ma amɛ a he.

Yesaya 3:26

Ma a agbo ɔmɛ a nya maa pee mɔbɔmɔbɔ kɛ ya; nɛ ma a nitsɛ lɛɛ e maa pee kaa yo nɛ hɛɛ e he gu kɛ hii si ngɛ zugba.

Yesaya 4:1

Jamɛ a be ɔ, yihi kpaago ma ya nu nyumu kake nɛ a ma de lɛ ke, “Wa kpa mo pɛɛ, wɔ nitsɛmɛ wa maa lɛ wa he, nɛ wɔ nitsɛmɛ wa maa bɔ wa heha ní he mɔde, se ngmɛɛ wɔ blɔ nɛ wa tsɛ mo ke wa huno kɛkɛ, konɛ a ko ba bɔ wɔ ahlua hu.”

Yeremia 16:3

Bimɛ nɛ a fɔ ngɛ zugba nɛ ɔ nɔ, kɛ a fɔli nɛ fɔ mɛ ɔ, nɔ́ nɛ maa ba a nɔ ji nɛ ɔ nɛ.

Yeremia 18:21

Se Yawɛ, jehanɛ lɛɛ, ha nɛ a bimɛ ɔmɛ nɛ a gbo kɛ hwɔ; ha nɛ a gbe mɛ ngɛ ta mi. Ha nɛ nyɛmɛ ɔmɛ nɛ a pee yalɔyihi kɛ yosahi; ha nɛ gbenɔ hiɔ nɛ gbe tsɛmɛ ɔmɛ, konɛ nihewi ɔmɛ lɛɛ a gbe mɛ ngɛ ta nga nɔ.

Yeremia 22:7

Ma tsɔ nihi nɛ a ma ya puɛ lejɛ ɔ pɛsɛpɛsɛ. Nɔ tsuaa nɔ maa hɛɛ gbiɛ. A maa poo seda titima kpakpa amɛ, nɛ a ma sake kɛ wo la mi.

Kɔmɔ Yemi 5:3

Wa pee awusa bimɛ; wa tsɛmɛ be je mi, nɛ wa nyɛmɛ pee yalɔyihi.

Ezekiel 22:25

Nyɛ ganɔ ɔmɛ ya so, nɛ a pee a he kaa jata nɛ ngɛ huãe nɛ ngɛ lohwe nɛ e gbe mi tsɔtslɔɔe. A gbee nihi, nɛ a ngɔɔ a sika, kɛ a weto ní tsuo ngɛ a dɛ. Nyumuhi babauu nɛ a gbe ɔ ha yalɔyihi hu a he ba hiɛ ngɛ ma a mi.

Hosea 4:5

Nyɛ ma tɛ si nyɔ kɛ pia; nyɛɛ kɛ gbali ɔmɛ tsuo ma tɛ si, nɛ ma kpata nyɛ nyɛ Israel ɔ hɛ mi.

Yeremia 6:26

Yawɛ de e ma a ke, “Nyɛ bu kpekpe ya bo, nɛ nyɛɛ ngɔ nyɛ he kɛ wuwlua si ngɛ la zu mi. Nyɛɛ wo yana nɛ nyɛɛ ye kɔmɔ kaa a yeɔ kɔmɔ kɛ haa bi kake too nɛ gbo, ejakaa ta a nɛ ma nyɛ hɛ mi kpatami ɔ ma ba tua nyɛ tlukaa.