Yeremia 15:6 - BAIBLO ALOO NGMAMI KLƆUKLƆU Ɔ

⁶ Nyɛ kua mi; nyɛ plɛ nyɛ se kɛ wo mi. Enɛ ɔ he je ɔ, imi hu i wo ye nine nɔ ngɛ nyɛ nɔ, nɛ i kpata nyɛ hɛ mi. Ejakaa bɔ nɛ i ngɔɔ nyɛ he kɛ kee nyɛ daa nɛ ɔ, pɔ ba tɔ mi jehanɛ.

Yeremia 15:6 ပူးပေါင်းရင်းမြစ်များ

Yeremia 7:24

Se nɔ́ nɛ i de mɛ ɔ, a bui tue fɛɛ; nɔ́ nɛ i ke a pee ɔ hu a pee we. Mohu, nɔ́ tsuaa nɔ́ nɛ a juɛmi de mɛ ke a pee ɔ, lɔ ɔ a kpliiɔ a tsui nɛ hyi kɛ yayami ɔ nɛ a peeɔ. Enɛ ɔ he je ɔ, a ya se, se pi hɛ mi.

Zefania 1:4

“Ma gbla nihi nɛ ngɛ Yerusalem ma a mi, kɛ Yuda zugba a nɔ tsuo a tue. Baal jali nɛ piɛ ɔ, ma kpata mɛ tsuo a hɛ mi, nɛ nɔ ko nɔ ko be Baal wɔnɔ ɔmɛ kaie hu.

Zakaria 7:11

“Se ye ma a bui mi tue fɛɛ; a si a konɔ wo mi, nɛ a tsi a tue, konɛ a ko nu nɔ́ nɛ i ngɛ mɛ dee ɔ.

Hosea 11:7

Ye ma a fia pɛɛ si kaa a ma kua mi; enɛ ɔ he je ɔ, ma gbla a tue, nɛ nɔ ko nɔ ko be nyɛe maa je ngmlaa ha mɛ.

Yesaya 1:4

Musu tloo nyɛ, nyɛ ma nɛ yayami sɔuu nyɛ peeɔ; nyɛ puɛ kulaa kɛ yayami peemi! Nyɛ he yayami ɔmɛ pee tlomi ha nyɛ! Nyɛ kua Yawɛ, Israel Mawu klɔuklɔu ɔ, nɛ nyɛ je e he kɛ ho se ya.

Hosea 13:14

Anɛ ma kpɔ mɛ kɛ je gbeje lo? Anɛ ma he mɛ kɛ je gbenɔ dɛ mi lo? Gbenɔ, jije o hiɔ nɛ gbee nɔ ɔ ngɛ? Gbeje, jije nɔ́ nɛ a kɛ kpataa nɔ hɛ mi ɔ ngɛ? I be ma nɛ ɔ mɔbɔ nae hu.

Ezekiel 25:7

Lɔ ɔ he ɔ, i kɛ mo ná; ma ngɔ mo ngɔ ha je ma amɛ nɛ a ha o níhi. A ma je mo ngɔ hɛ ngɔ fɔ, nɛ o hɛ mi ma kpata pɛsɛpɛsɛ kɛ maa je je ɔ mi. Kɛkɛ ɔ, o maa le kaa imi ji Yawɛ.”

Yeremia 6:19

Je ɔ, bu tue! Ma ngɔ haomi kɛ ba ma nɛ ɔ nɔ kaa yayamihi nɛ mɛ nitsɛmɛ a pee ɔ he tue gblami. Ejakaa a bui ye munyu ɔmɛ tue, nɛ ye mlaa a hu a yi nɔ.

Yeremia 6:11

Yawɛ, enɛ ɔmɛ a he je ɔ, ye mi mi fu mɛ wawɛɛ nitsɛ kaa bɔ nɛ mo hu o mi mi fu mɛ ɔ pɛ; jehanɛ lɛɛ i be nyɛe tsui tomi hu.” Kɛkɛ nɛ Yawɛ de mi ke, “Ngɔɔ ye mi mi fumi ɔ kɛ kple jokuɛwi a nɔ ngɛ gbɛjegbɛ ɔ nɔ; ngɔɔ kɛ kple nihewi a nɔ ngɛ a he nya buami he ɔmɛ. A maa nuu nyumuhi kɛ a yihi kɛ je, nɛ nihi nɛ bwɔ kotokoto po be a he yee.

Yeremia 2:17

Israel, mɛnɔ kɛ nɔ́ nɛ ɔ ba o nɔ? Anɛ pi mo nitsɛ nɛ o pee lo? Benɛ imi, Yawɛ o Mawu ɔ, i kpaka mo kɛ ma a, anɛ o tsɔ we ye hɛ mi atuã lo?

Yeremia 1:16

Ma gbla ye ma a tue, ejakaa a pee yayami: a kua mi, a sã bɔ kɛ ha mawu kpahi, nɛ a ja mɛ nitsɛmɛ a nine nya níhi nɛ a pee.

Hosea 4:16

Israel ma a tue mi ti kaa bɔ nɛ teji okpɔngɔ tue mi ti ɔ. Kɛ ma pee kɛɛ nɛ ma lɛ mɛ ngɛ nga nɔ kaa bɔ nɛ a lɛɛ to ɔ?

Ezekiel 14:9

“Se ke a mlɔɔ gbalɔ ko nɛ e de nɔ́ ko ɔ, lɛɛ imi Yawɛ lɛ i mlɔɔ jamɛ a gbalɔ ɔ nɛ. Ma gbla e tue; ma kpata e hɛ mi; ma je lɛ kɛ je ye ma Israel ɔ a kpɛti.

Yeremia 20:9

Se ke i de ke, “I be Yawɛ biɛ ta woe hu, nɛ i be fiɛe ngɛ e biɛ mi hu” ɔ, o sɛ gbi ɔ peeɔ kaa la nɛ ngɛ tsoe ngɛ ye tsui mi, kɛ ye wuhi a mi. I bɔɔ mɔde saminya kaa ma tsi nya, se jehanɛ lɛɛ, i pa nyɛ we hu.

Yeremia 8:5

Ye ma! Mɛni he je mɔ lɛ nyɛ je ye se, nɛ nyɛ sume kaa nyɛ maa kpale kɛ ba a? Mɛni he je nyɛɛ kɛ nyɛ he ha sisimi ní hi kikɛ nɛ ɔ, nɛ nyɛ sume kaa nyɛ maa kpale kɛ ba ye ngɔ ɔ?

Yeremia 2:19

Mo nitsɛ o ní yayami ɔmɛ maa gbla o tue; o se yami ɔ ma ka o hɛ mi. O ma ba na paa kaa kuami nɛ o kua imi, Yawɛ o Mawu ɔ, kɛ ye hɛ mi atuã nɛ o tsɔ ɔ ji nɔ́ ko nɛ hí kulaa; e ngɛ kaa nɔ́ ko nɛ dooɔ kaa agba. Imi, Nyɔmtsɛ Yawɛ Tabohiatsɛ ɔ lɛ i de.”

Yeremia 2:13

Ejakaa yayami enyɔ lɛ ye ma a pee: imi, wami nyu vu ɔ, a kua mi, nɛ a ya kpɛ́ tɛ muɔhi ngɔ ha a he; pohu tɛ muɔ nɛ ɔmɛ ywia, nɛ nyu be a mi dae.

Yesaya 28:13

Lɔ ɔ he je nɛ Yawɛ nitsɛ maa tsɔɔ nyɛ ní nyaa kikɛ nɛ ɔ nɛ: ngmami okadi kakaaka, zã kakaaka, kɛ munyu tso ɔ hu kakaaka; kɛkɛ ɔ, nane tsuaa nane nɛ nyɛ maa hia a, nyɛ ma tɛ nɔ́ nɛ nyɛ maa nɔ si. A maa plaa nyɛ; nyɛ maa du klama, nɛ a maa nuu nyɛ kɛ ho.

Yesaya 31:3

Egipt bi ɔmɛ ɔ, nimli adesahi kɛkɛ ji mɛ; tsa pi Mawu ji mɛ. A we okpɔngɔ ɔmɛ ɔ, lohwehi kɛkɛ ji mɛ, tsa pi Mawu mumi nɛ ngɛ a mi. Ke Yawɛ gba ta a, je ma ko je ma ko be nya nyɛe maa da; je ma nɛ he wa jio, je ma nɛ a ya je ngmlaa ha lɛ jio, mɛ tsuo a hɛ mi ma kpata.

Yeremia 6:12

A wehi, a zugbahi, kɛ a yihi ma plɛ pee ni kpahi a níhi, ejakaa ma gbla zugba nɛ ɔ nɔ bi ɔmɛ a tue.

Yeremia 7:16

Yawɛ de mi ke, “Yeremia, koo fa kue ha ma nɛ ɔ. Ko kpa mi pɛɛ ha mɛ; koo da mi ha mɛ, ejakaa i be mo tue bue.

Yeremia 8:9

Zo gbe nyɛ ní leli ɔmɛ; bibi gbe mɛ, nɛ a pa li nɔ́ nɛ nɔ nɛ a ngɛ hu. A kua ye munyu ɔ, lɛɛ mɛni ji ní ɔ nɛ a le ɔ mɔ?

Ezekiel 35:3

De lɛ ke bɔ nɛ imi Nyɔmtsɛ Yawɛ, i ngɛ dee ji, Edom, i kɛ mo ná! Ma pee mo pasaa.

Yeremia 13:14

Lɔ ɔ se ɔ, ma nuu tsɛmɛ kɛ bimɛ ngɔ fia a sibi, nɛ a ma gbo ngɔ pue si kaa tɔ nɛ ywia. Ma kpata a hɛ mi; ye tsui mi be mi sãe ngɛ a he, nɛ i be mɛ mɔbɔ nae.”

Yeremia 44:22

Mwɔnɛ ligbi nɛ ɔ, nyɛ zugba a hɛ mi kpata, nɛ nɔ ko nɔ ko be nɔ. Nyɛ zugba a plɛ pee nɔ́ ko nɛ a hiee, nɛ nihi kɛ e biɛ gbiɛɛ nɔ; ejakaa nyɛ yi wu tso ní peemi ɔmɛ, kɛ nyɛ yayami ɔmɛ ba ti Yawɛ.