Yeremia 15:5 - BAIBLO ALOO NGMAMI KLƆUKLƆU Ɔ

⁵ Yawɛ ke, “Yerusalem bi, mɛnɔ maa na nyɛ mɔbɔ, aloo mɛnɔ maa ye nyɛ kɔmɔ? Mɛnɔ ma gba nɛ e ba bi si ke kɛ nyɛ ngɛ kɛɛ lo?

Yeremia 15:5 ပူးပေါင်းရင်းမြစ်များ

Yesaya 51:19

Haomi enyɔ nɛ ɔmɛ ba o nɔ; ta ba kpata o zugba a hɛ mi, nɛ hwɔ nɛ nya wa ngɛ ni ɔmɛ yee. Mɛnɔ maa jɔɔ o bua?

Nahum 3:7

Nɔ tsuaa nɔ nɛ maa na mo ɔ he mi maa po. E ma de ke, ‘Akuanyɛ! Nineve hɛ mi kpata pɛ! Mɛnɔ ma ba ye lɛ kɔmɔ? Mɛnɔ ma ba wo lɛ bua?’ ”

Yeremia 21:7

Se mo, Yuda matsɛ, Zedekia! Mo, kɛ o tsɔli ɔmɛ, kɛ nihi tsuo nɛ a yi ma na wami ngɛ ta, kɛ hwɔ, kɛ gbenɔ hiɔ ɔ se ɔ, nyɛɛ lɛɛ ma ngɔ nyɛ kɛ wo Babilonia matsɛ, Nebukadnezar, kɛ nyɛ he nyɛli ɔmɛ nɛ ngɛ nyɛ hlae nɛ a gbe ɔ a dɛ mi. Nebukadnezar ma kpata nyɛ tsuo pɛpɛɛpɛ nyɛ hɛ mi. E be nyɛ ti nɔ ko nɔ ko he ngmɛɛe, nɛ e be nɔ ko nɔ ko mɔbɔ nae. Imi, Yawɛ lɛ i de.”

La 69:20

Ahlua nɛ a bɔ mi ɔ ha i ye ye tsui kɛ be nɔ, nɛ ye kɔni mi jɔ. I nɛ́ nɔ ko nɔ ko nɛ maa na mi mɔbɔ, loo nɛ e maa jɔɔ ye bua; i hyɛ blɔ yaka gu.

Yeremia 16:5

“We nɛ ya ngɛ mi ɔ, koo ya lejɛ ɔ. Ko ya ye kɔmɔ ha nɔ ko. I be ye ma a tue mi jɔmi hae hu; ye suɔmi kɛ mɔbɔ nami ɔ hu se po.

Yeremia 13:14

Lɔ ɔ se ɔ, ma nuu tsɛmɛ kɛ bimɛ ngɔ fia a sibi, nɛ a ma gbo ngɔ pue si kaa tɔ nɛ ywia. Ma kpata a hɛ mi; ye tsui mi be mi sãe ngɛ a he, nɛ i be mɛ mɔbɔ nae.”

Hiob 19:21

Nyɛɛ na mi mɔbɔ; ye huɛmɛ nyɛɛ na mi mɔbɔ, ejakaa Mawu nine sa ye he.

Samuel I, 25:5

Lɔ ɔ he ɔ, e tsɔ nihewi nyɔngma ke a ya Nabal ngɔ ngɛ Karmel nɛ a kɛ e biɛ ya fɔ lɛ,

Samuel I, 17:22

David si ní ɔmɛ ha tlomi nɔ hyɛlɔ ɔ, nɛ e gbɔ fo kɛ ho ta a nya ya ya fɔ e nyɛmimɛ ɔmɛ, nɛ́ e kɛ hyɛ a hwɔhwɔɛ.

Samuel I, 10:4

Ke nyɛɛ kɛ mɛ kpe ɔ, a ma fɔ mo, nɛ a ma ha mo abolo bɔbɔɛ enyɔ. Ke a ha mo ɔ, he ngɛ a dɛ.

Manyadali 18:15

Kɛkɛ nɛ a gba Mika we ɔ mi, he nɛ Levi no niheyo ɔ ngɛ ɔ, nɛ a ya fɔ lɛ.

Mose II, 18:7

Mose je kpo nɛ e kɛ e ngatsɛ ɔ ya kpe; e ba e he si nɛ e fua lɛ atuu. Nɛ benɛ a nga a he ta a, a sɛ bo tsu ɔ mi.

Kɔmɔ Yemi 1:17

“Imi Zion, i wo ye nine nɔ, konɛ a ye bua mi, se balɔ ko ba ji ngmlaa ha mi. Yawɛ ha nɛ mahi nɛ bɔle imi Yakob, ba pee ye he nyɛli. Yerusalem ba pee nɔ́ nɛ a hiee.