Yeremia 15:3 - BAIBLO ALOO NGMAMI KLƆUKLƆU Ɔ

³ Imi Yawɛ, i to kaa haomihi nɛ a nya wa eywiɛ maa ba a nɔ; ni komɛ ma gbo ngɛ ta mi; gbehi ma tsɔtslɔɔ ni komɛ; lohwe pɛlitsɛmɛ maa ye ni komɛ, nɛ ni komɛ lɛɛ pu mi lohwehi maa ye mɛ.

Yeremia 15:3 ပူးပေါင်းရင်းမြစ်များ

Mose V, 28:26

Ke nyɛ gbo ɔ, lohwe pɛlitsɛmɛ ma ba ye nyɛ, nɛ a be nɔ ko nae nɛ maa fie mɛ ngɛ nyɛ gbogboe ɔ he.

Mose III, 26:22

Ma ngmɛɛ pu mi lohwe dikali a he ngɔ pue nyɛ nɔ, nɛ a maa gbe nyɛ bimɛ; a ma kpata nyɛ we mi lohwehi a hɛ mi, nɛ ma ha nyɛ nɔ ma gbɔ, nɛ nimli be hiɛe ngɛ blɔ ɔmɛ a nɔ hu.

Mose III, 26:16

lɛɛ ma ngɔ amanehlu gbeyegbeye nɛ ɔmɛ kɛ gbla nyɛ tue: hiɔ nɛ be tsa ba, kɛ asla nɛ puɛɔ nɔ hɛngmɛ, nɛ haa nɔ peeɔ hiɔtsɛ kulaa. Nyɛ ma du ní, se nɔ́ kpakpa ko be mi jee; ejakaa nyɛ he nyɛli maa ye nyɛ nɔ, nɛ mɛ mohu a ma ba ye ní ɔmɛ nɛ nyɛ du ɔ.

Ezekiel 14:21

Bɔ nɛ Nyɔmtsɛ Yawɛ ngɛ dee ji nɛ ɔ nɛ: “Ma ha tue gblami nɛ nya wa eywiɛ nɛ ɔmɛ maa ba Yerusalem nɔ: ta, hwɔ, lohwe awi yeli, kɛ gbenɔ hiɔ. Nimlihi, kɛ lohwehi tsuo a hɛ mi ma kpata ngɛ lejɛ ɔ.

Mose III, 26:25

Ma ha ta ma ba tua nyɛ; ma ngɔ ta a kɛ gbla nyɛ tue. Ke nyɛ bua nyɛ he nya kɛ laa nyɛ he ngɛ ma amɛ a mi ɔ, ma ha hiɔ nɛ be tsa ba maa sɛ nyɛ kpɛti; ma ngɔ nyɛ ngɔ wo nyɛ he nyɛli ɔmɛ a dɛ mi.

Yeremia 7:33

Ni gbogboe ɔmɛ maa pee lohwe pɛlitsɛmɛ, kɛ nga mi lohwehi a niye ní, nɛ nɔ ko nɔ ko be mɛ fiee.

Yesaya 18:6

Ta buli nɛ maa nɔ ngɛ ta mi ɔ, a ma si a gbogboe ɔmɛ kɛ ha hiɔwe lohwe pɛlitsɛmɛ, kɛ nga mi lohwehi. Latsa be ɔ, lohwe pɛlitsɛmɛ maa ye, nɛ fĩɛ be ɔ, nga mi lohwehi hu maa ye.”

La 68:23

konɛ o nane nɛ naa muɔ mi kɛ be, nɛ o gbe ɔmɛ hu a lilɛ nɛ na o he nyɛli ɔmɛ a he nɔ́ ko nɛ a lɔ.”

Yeremia 12:9

Ma nɛ i je blɔ hla a, a ngɛ kaa lohwe pɛlitsɛmɛ nɛ kayohi ba tua kɛ je he slɔɔtohi. Nyɛ yá kpee pu mi lohwehi tsuo kɛ ba, nɛ a kɛ mɛ ba tsɔtslɔɔ e mi.

Yeremia 14:16

Ni nɛmɛ nɛ a gba ní nɛ ɔmɛ ha a hu a hɛ mi ma kpata kikɛ nɛ ɔ nɔuu. A ma sake a gbogboe ɔmɛ ngɔ pue Yerusalem gbɛjegbɛ ɔmɛ a nɔ, nɛ a be nɔ ko nɔ ko nae nɛ maa pu mɛ. Nɔ́ nɛ ɔ maa ba mɛ nitsɛmɛ kɛ a yi ɔmɛ, a binyumu ɔmɛ, kɛ a biyi ɔmɛ tsuo a nɔ. Ma wo mɛ hiɔ ngɛ a ní yayami ɔmɛ a he.”

Yeremia 16:4

Hiɔ yaya maa gbe mɛ. Nɔ ko be kɔmɔ yee ha mɛ, nɛ nɔ ko be mɛ pue hulɔ; a gbogboe ɔmɛ maa pee kaa kuku ngɛ zugba. Ni komɛ maa nɔ ta, nɛ hwɔ hu maa gbe ni komɛ, nɛ a nɔmlɔ tso ɔmɛ ma plɛ pee niye ní ha lohwe pɛlitsɛmɛ, kɛ pu mi lohwehi.

Kɔmɔ Yemi 3:11

E ha nɛ i tla blɔ, nɛ e tsɔtslɔɔ ye mi; e pee mi posoposo.

Ezekiel 33:27

“De mɛ ke imi Nyɔmtsɛ Yawɛ, i ngɛ ye he kita kae ke bɔ tsuaa bɔ nɛ pee ɔ, nihi nɛ ngɛ ma doku ɔmɛ a mi ɔ, a ma kpata mɛ tsuo a hɛ mi. Nihi nɛ ngɛ nga a nɔ ɔ, nga mi lohwe awi yeli maa ye mɛ. Nɛ nihi nɛ ya laa a he ngɛ yo ɔmɛ a nɔ, kɛ tɛ muɔhi a mi ɔ, gbenɔ hiɔ maa gbe mɛ.

Amos 5:19

Jamɛ a ligbi ɔ, nyɛ sane maa pee kaa nyumu ko nɛ tu fo kɛ je jata nya mi, nɛ e kɛ osisiblisi ya kpe! Aloo nyumu ko nɛ je pu mi kɛ ba we mi kɛ pɔtɔ. Benɛ e kpasa gbogbo nɛ́ e jɔɔ e he ɔ, kɛkɛ sinɔ kɔ lɛ.

Mose V, 32:24

Hwɔ kɛ aslã maa gbe mɛ, nɛ hiɔhi nɛ ngɛ gbeyegbeye ma kpata a hɛ mi. Ma ha nga mi lohwe awi yeli ma ba tua mɛ, nɛ sinɔ duɔtsɛmɛ maa kɔɔ mɛ.

Yeremia 14:12

Ke a ha hwɔ tete po, i be a kue fami ɔ tue bue; nɛ ke a sã sami bɔ, kɛ niye ní bɔ ha mi hu, i be hee. Se mohu ɔ, níhi nɛ i kɛ ma kpata a hɛ mi ji ta, hwɔ, kɛ gbenɔ hiɔ.”