Yeremia 15:18 - BAIBLO ALOO NGMAMI KLƆUKLƆU Ɔ

¹⁸ Mɛni he je i ngɛ nɔ́ nae kɛ mwɔɔ? Mɛni he je ye pa amɛ be tsa ba a? Mɛni he je a gbo we ɔ? Anɛ o ngɛ hlae nɛ o sisi mi kaa pa nɛ gbli latsa be mi lo?”

Yeremia 15:18 ပူးပေါင်းရင်းမြစ်များ

Hiob 14:11

Kaa bɔ nɛ taku mi nyu taa, nɛ pa mi nyu miiɔ nɛ e gbliɔ ɔ,

Hiob 34:6

E ke e pee we nɔ́ ko nɛ dɛ blɔ, se a bu lɛ lakpatsɛ. E ngɛ mi kaa a plaa lɛ yeyee mohu, se e le kaa e pee we yayami ko.

La 6:3

nɛ imi nɔmlɔ ɔ tsuo i hao. Yawɛ, mɛni be o maa mlɛ kɛ yaa si loko o ma ba he mi?

Yeremia 14:19

Yawɛ, anɛ o kua Yuda kulaa lo? Anɛ o ngɛ Zion bi ɔmɛ hiee lo? Mɛni he je mɔ lɛ o plaa wɔ kikɛ nɛ ɔ nɛ e hi tsami ɔ? Wa hyɛ blɔ kaa tue mi jɔmi maa ba, se nɔ́ kpakpa ko ji mi kɛ bɛ; wa hyɛ blɔ kaa be maa ba nɛ a ma tsa wɔ, se haomi kɛ gbeye sɔuu lɛ bɔle wɔ.

Yeremia 14:3

Odehe ɔmɛ tsɔɔ ke a ya yɛ nyu kɛ ba, se ke tsɔli ɔmɛ ya su vu ɔmɛ a he ɔ, a nɛ nyu, nɛ a kpaleɔ buɛ mi gu kɛ baa. Ke a hɛ mi pue si kikɛ nɛ ɔ, a kɛ nɔ́ haa a hɛ mi kɛ tsiɔ zo.

Yeremia 20:18

Mɛni he je a fɔ mi kulaa? Pe a fɔ mi nɛ ma ba na nɔ́, nɛ ma hao, nɛ zo nɛ gbe mi ye wami ligbi tsuo lo?

Yeremia 20:7

Yawɛ, o sisi mi pɛ nɛ ye yi mi plɛ. O he wa pe mi nɛ o ye ye nɔ. Nɔ tsuaa nɔ ngɛ ye he fɛu yee; daa ligbi ɔ, muɔ kɛkɛ a ngɛ mi muɔe.

Yeremia 30:12

Bɔ nɛ Yawɛ ngɛ e ma a dee ji nɛ ɔ nɛ: “Nyɛ plaa wawɛɛ nitsɛ; nyɛ pa a be tsa ba.

Yeremia 30:15

Nyɛ ko tu nyɛ plaami ɔmɛ a he munyu hu; tsa ba ko be ha nyɛ. I gbla nyɛ tue kikɛ nɛ ɔ, ejakaa nyɛ pee yayami nguanguahi babauu.

Mika 1:14

Lɔ ɔ he ɔ, Yuda bi, nyɛɛ kɛ Moreshet Gat ma a nɛ ye sɛ. Israel matsɛmɛ ɔmɛ be yemi kɛ buami ko nae kɛ je Akzib ma a dɛ mi.

Mika 1:9

Samaria ma mi bi ɔmɛ a he pa a be tsa ba; Yuda hu miɔ nɛ e maa sɛ jamɛ a haomi ɔ nɔuu mi. Lɔ ɔ ji kaa hɛ mi kpatami su ye ma, Yerusalem agbo ɔ nya.”