Yeremia 15:16 - BAIBLO ALOO NGMAMI KLƆUKLƆU Ɔ

¹⁶ O kɛ mi tu munyu, nɛ i nu nɔ́ tsuaa nɔ́ nɛ o de mi ɔ fitsofitso. Yawɛ Tabohiatsɛ Mawu, o nɔ́ ji mi, nɛ enɛ ɔ he je ɔ, o munyu ɔ ha nɛ i na bua jɔmi kɛ be nɔ.

Yeremia 15:16 ပူးပေါင်းရင်းမြစ်များ

Nehemia 8:12

Kɛkɛ nɛ ma a tsuo ho a we ɔmɛ a mi ya. A ya ngmɛ okplɔɔ nɛ a kɛ a sibi ye ní kɛ bua jɔmi, ejakaa a nu nɔ́ nɛ a kane ha mɛ ɔ sisi saminya.

Hiob 23:12

Nɔ́ nɛ Mawu fa mi ke ma pee ɔ, lɔ ɔ i peeɔ. I pee we imi nitsɛ ye suɔmi nya ní; Mawu suɔmi nya ní lɛ i peeɔ.

La 119:111

O mlaa amɛ ji ye weto ní kɛ yaa neneene. O mlaa amɛ haa ye tsui nɔɔ ye mi fuaa.

La 119:16

Ye bua jɔɔ o mlaa amɛ a he; ye hɛ be o munyu ɔmɛ a nɔ jee.

La 119:72

O mlaa a nɛ o ha mi ɔ hi ha mi pe je nɛ ɔ mi sika tsu, kɛ sika hiɔ babauu.

La 119:97

I suɔ o mlaa a kaa nɔ́ ko! Ke je na kikɛ nɛ ɔ, e he pɛ i susuɔ.

La 19:10

A he ngɛ akɔnɔ pe sika tsu ngmingmiingmi; a ngɔɔ pe hwo, hwo nɛ je hwo gbaku mi pue si.

Yeremia 14:9

Mɛni he je o pee kaa nyumu nɛ nɔ́ ko ti lɛ si tlukaa, loo katsɛ nɛ nyɛ we nɔ yi wami nɛ e he ɔ? Yawɛ, niinɛ o kɛ wɔ ngɛ! O ma ji wɔ; ko kua wɔ.’ ”

Ezekiel 2:8

“Se mo nɔmlɔ adesa, bu nɔ́ nɛ ma de mo ɔ tue; koo pee o he tue gbolɔ kaa mɛ. Pãã o nya mi, nɛ o ye nɔ́ nɛ ma ha mo nɛ ɔ.”

Mika 2:7

Anɛ o susu kaa a gbiɛ Israel ma a lo? Anɛ Yawɛ tsui si tomi ɔ ta lo? Anɛ e maa pee ní nɛ ɔmɛ niinɛ lo? Anɛ nihi nɛ peeɔ nɔ́ nɛ da a, e wui mɛ ga kpakpa lo?”