Yeremia 15:10 - BAIBLO ALOO NGMAMI KLƆUKLƆU Ɔ

¹⁰ Akuanyɛ! Imi nɔmlɔ ɔ, i be bua jɔmi ko bua jɔmi ko kulaa! Mɛni he je ye nyɛ fɔ mi kɛ ba je nɛ ɔ mi kulaa? Nɔ tsuaa nɔ kɛ mi ngɛ nya sãe, nɛ nɔ tsuaa nɔ kɛ mi ngɛ pɛe ngɛ zugba a nɔ. I pɛ sika ha we nɔ ko, nɛ i pɛ sika ngɛ nɔ ko dɛ hulɔ; se kɛ̃ ɔ, nɔ tsuaa nɔ ngɛ mi gbiɛe.

Yeremia 15:10 ပူးပေါင်းရင်းမြစ်များ

Luka 6:22

“Ke nimli nyɛ nyɛ, loo a kua nyɛ, loo a jɛ nyɛ, loo a puɛ nyɛ biɛ ke nimli yayamihi ji nyɛ, ngɛ imi Nɔmlɔ Bi ɔ, ye he ɔ, á gbaa nyɛ!

Mose II, 22:25

“Ke o pa sika ha ye ma mi bi ɔmɛ a ti ohiatsɛ ko nɛ kɛ mo ngɛ ɔ, mo ko he lɛ hekpa kaa sika palɔ peeɔ.

Luka 2:34

Simeon gbaa mɛ, nɛ e de bimwɔyo ɔ nyɛ Maria ke, “Mawu hla jokuɛ nɛ ɔ kɛ ha nihi babauu a hɛ mi kpatami, kɛ nihi babauu hu a yi wami hemi ngɛ Israel. E maa pee okadi ko nɛ je Mawu ngɔ, nɛ́ nimli babauu maa tu munyu kɛ si;

Mateo 24:9

“Jamɛ a be ɔ mi ɔ, a maa nuu nyɛ; nɛ a maa ngɔ nyɛ ngɔ ha nɛ a wa nyɛ yi mi nɛ a gbe nyɛ. Nɛ ye he ɔ, je ma amɛ tsuo maa nyɛ nyɛ.

Mateo 5:44

Se imi lɛɛ i ngɛ nyɛ dee ke nyɛɛ suɔ nyɛ he nyɛli, nɛ nyɛɛ sɔle ha nihi nɛ waa nyɛ yi mi,

Yeremia 15:20

Ma ha nɛ o maa pee kaa akɔblee gbogbo nɛ he wa ngɛ a hɛ mi; a kɛ mo maa hwu ta, se a be mo nyɛe. I kɛ mo maa hi si; ma bu o he, nɛ ma he o yi wami.

Abɛ Womi 26:2

Gbiɛmi nɛ a gbiɛɛ nɔ yaka gu ɔ, e tsu we nɔ́ ko; e ngɛ kaa otoklii, aloo ngmlebitɛɛnyɛ nɛ ngɛ tee kɛ ngɛ yae kɛ ngɛ bae kɛkɛ nɛ si mami be mi.

La 109:28

Ye he nyɛli ɔmɛ nɛ a gbiɛ mi faa; moo lɛɛ o maa gbaa mi sa. Nihi nɛ te si kɛ wo mi ɔ, zo nɛ gbe mɛ, konɛ imi, o tsɔlɔ ɔ, ma na bua jɔmi.

La 15:5

Nɔ nɛ ke e pa sika ha nihi ɔ, e he we hekpa. Nɔ nɛ he we nyɔ mi ní nɛ e kɛ ye odase ngɔ si nihi nɛ yi fɔ. Nɔ nɛ peeɔ ní nɛ ɔmɛ ɔ, nɔ́ ko nɔ́ ko be e he sae.

Matsɛmɛ I, 22:8

Ahab he nɔ ke, “Nɔ kake ngɛ; lɛ ji Imla binyumu Mikaya. Se i sume lɛ, ejakaa e gbɛ manye nɔ́ ko ha we mi hyɛ gblee, ja nɔ́ yayami pɛ.” Yehoshafat de lɛ ke, “Mo ko de ja!”

Matsɛmɛ I, 21:20

Benɛ Ahab na Eliya a, e bi lɛ ke, “Ye he nyɛlɔ, pe o nuu mi nɛ ɔ?” Eliya he nɔ ke, “Ee, i nuu mo. O ngɔ o he ngɔ ha yayami peemi, nɛ o pee nɔ́ nɛ dɛ ngɛ Yawɛ hɛ mi.

Mose III, 25:36

Ke o pa nɔ́ ko ha o nyɛmi ɔ, ko he nɔ́ ko kɛ bɔ he; ye o Mawu ɔ gbeye, konɛ o ha nɛ o nyɛmi ɔ nɛ hi o kasa nya.

Ni Tsumi 28:22

Se wa suɔ kaa wa maa bu mo tue nɛ waa le o juɛmi; ejakaa kuu nɛ o ngɛ mi nɛ ɔ, wa le kaa ngɛ he tsuaa he ɔ, a tuɔ e he munyu yaya.”

Mose III, 25:37

Ke o pa lɛ sika a, ko he hekpa. Ke niye ní nɛ o jua ha lɛ ɔ, jua a nɛ ko pe niye ní ɔ jua.

La 69:4

Nihi nɛ ye he ngɛ mɛ tsɛ̃e yaka gu ɔ, a he hiɛ babauu pe ye yi bwɔmi. Ye he nyɛli lakpatsɛmɛ nɛ ngɛ ye hɛ mi hlae nɛ a kpata a, yiwutsotsɛmɛ kpanakuhi ji mɛ. Anɛ níhi nɛ pi ojo nɛ i ye kɛ na a, lɔ ɔmɛ hu ma ngɔ kɛ ha lo?

Habakuk 1:3

Mɛni he je o ha i ngɛ yayami kɛ haomi hyɛe kikɛ nɛ ɔ? Kɛ pee kɛɛ nɛ o ngɛ nɔ́ nɛ dɛ nɛ ɔ hyɛe, nɛ o pui mi ɔ? Hɛ mi kpatami kɛ yi wu tso níhi bɔle mi kɛ kpe; pɛ kɛ kunɔ ngɛ he tsuaa he.