Yeremia 14:4 - BAIBLO ALOO NGMAMI KLƆUKLƆU Ɔ

⁴ Akɛnɛ hiɔmi nɛ́, nɛ zugba a gbli keketee he je ɔ, ngmɔ huli ɔmɛ kɛ nɔ́ haa a hɛ mi kɛ tsiɔ zo.

Yeremia 14:4 ပူးပေါင်းရင်းမြစ်များ

Yeremia 2:37

O kɛ o nine ma kpla o yi, nɛ o maa kpale kɛ je Egipt kɛ ba kɛ zo. Nihi nɛ o ngɔ o hɛ ngɔ fɔ a nɔ ɔ, imi Yawɛ i kua mɛ; o be nɔ́ ko nɔ́ ko nae kɛ je a dɛ.”

Yeremia 3:3

Enɛ ɔmɛ a he je lɛ a tsi hiɔmi nɛmi nya, nɛ gbo hiɔmi po nɛ ɔ nɛ. O ngɛ kaa yo yaholɔ nɛ e zo tɔ ywia pɛ.

Yoel 1:11

Nyɛ ngmɔ huli, nyɛɛ ye kɔmɔ; nyɛ nihi nɛ nyɛ hyɛɛ wai ngmɔhi a nɔ, nyɛ nya awe; ejakaa ngma, akoko, kɛ ngmɔ nɔ ní tsuo hɛ mi kpata.

Yoel 1:17

Níhi nɛ a du ɔ tsuo gbo ngɛ zu mi. A na we ngma a eko kulaa nɛ a kɛ maa to. Lɔ ɔ he ɔ, blɛfo gba amɛ a mi je gu, nɛ a ku kɛ pueɔ si.

Mose III, 26:18

“Ke ní nɛ ɔmɛ tsuo na ba mi, se nyɛ bui ye munyu ɔ kɛ sa a, ma gbla nyɛ tue kɛ bɔ he si kpaago ngɛ nyɛ yayami ɔmɛ a he.

Amos 4:8

Benɛ kuma miɔ nɛ e maa gbe nyɛ ɔ, nihi je ma enyɔ kɛ etɛ a mi kɛ ya ma ko mi, he nɛ a susu kaa a ma na nyu ngɛ nɛ a nu; se nyu ɔ sui mɛ. Loloolo ɔ, nyɛ kpale we kɛ bɛ ye ngɔ.” Yawɛ lɛ de.

Mose V, 29:23

La zu, kɛ ngo maa ha ngmɔ ɔmɛ tsuo a nɔ. Nɔ́ ko nɔ́ ko be hie dumi ngɛ nɔ hu, nɛ nga po be puɛe ngɛ nɔ. Nyɛ zugba a maa pee kaa Sodom kɛ Gomora, kɛ Adma kɛ Zeboiim nɛ Yawɛ kpata a hɛ mi benɛ e mi mi fu wawɛɛ ɔ.