Yeremia 14:3 - BAIBLO ALOO NGMAMI KLƆUKLƆU Ɔ

³ Odehe ɔmɛ tsɔɔ ke a ya yɛ nyu kɛ ba, se ke tsɔli ɔmɛ ya su vu ɔmɛ a he ɔ, a nɛ nyu, nɛ a kpaleɔ buɛ mi gu kɛ baa. Ke a hɛ mi pue si kikɛ nɛ ɔ, a kɛ nɔ́ haa a hɛ mi kɛ tsiɔ zo.

Yeremia 14:3 ပူးပေါင်းရင်းမြစ်များ

Samuel II, 15:30

David ha e yi nɔ, nɛ e nyɛɛ nane gu kɛ ya kuɔ Oliv yo ɔ. Benɛ e yaa a tsuo e ngɛ ya foe. Nihi nɛ piɛ e he ɔ tsuo ha a yi nɔ; nɛ benɛ a ngɛ yo ɔ kuɔe ɔ, mɛ hu a wo yana.

Samuel II, 19:4

Matsɛ ɔ kɛ nɔ́ ha e hɛ mi, nɛ e fo ya boboobo, nɛ e de ke, “Ao ye bi ɔ! Ye bi Absalom! Ye bi Absalom!”

Matsɛmɛ I, 17:7

Be bɔɔ se ɔ, nyu ɔ ta pa a mi, ejakaa hiɔmi kpa nɛmi.

Matsɛmɛ II, 18:31

Nyɛ ko bu Hezekia tue. Asiria matsɛ ngua a ngɛ nyɛ dee ke nyɛɛ kɛ lɛ ba kpata. Kɛkɛ ɔ, nyɛ maa ye nyɛ he, nɛ nɔ tsuaa nɔ maa ye lɛ nitsɛ e wai kɛ ngmɔkɔ yiblii, nɛ nɔ tsuaa nɔ maa nu lɛ nitsɛ e vu mi nyu

Ester 6:12

Jehanɛ, Mordekai kpale kɛ ba matsɛ we ɔ agbo ɔ nya ekohu, se Haman lɛɛ e ha e yi nɔ, nɛ e ho e we mi ya mlamlaamla kɛ zo kpɔtɔɔ.

Hiob 6:20

Se ke a ba su pa nɛ e mi nyu mii ta a he kikɛ nɛ ɔ, a kɔni mi jɔɔ, ejakaa lɔ ɔ nɔ a ngɔ a hɛ kɛ fɔ.

La 109:29

Zo nɛ gbe ye he nyɛli ɔmɛ kpɔtɔɔ. Zo nɛ ha a he kaa bo.

La 40:14

Nihi nɛ hlaa kaa a maa gbe mi ɔ, ha nɛ zo nɛ gbe mɛ nɛ a hɛ mi nɛ pee mɛ yaa. Ni nɛmɛ nɛ nyaa be mi nɛ i ngɛ nɔ́ nae ɔ, ha nɛ a kpale a se kɛ zo.

Yeremia 14:4

Akɛnɛ hiɔmi nɛ́, nɛ zugba a gbli keketee he je ɔ, ngmɔ huli ɔmɛ kɛ nɔ́ haa a hɛ mi kɛ tsiɔ zo.

Yeremia 15:18

Mɛni he je i ngɛ nɔ́ nae kɛ mwɔɔ? Mɛni he je ye pa amɛ be tsa ba a? Mɛni he je a gbo we ɔ? Anɛ o ngɛ hlae nɛ o sisi mi kaa pa nɛ gbli latsa be mi lo?”

Yeremia 2:13

Ejakaa yayami enyɔ lɛ ye ma a pee: imi, wami nyu vu ɔ, a kua mi, nɛ a ya kpɛ́ tɛ muɔhi ngɔ ha a he; pohu tɛ muɔ nɛ ɔmɛ ywia, nɛ nyu be a mi dae.

Yeremia 2:37

O kɛ o nine ma kpla o yi, nɛ o maa kpale kɛ je Egipt kɛ ba kɛ zo. Nihi nɛ o ngɔ o hɛ ngɔ fɔ a nɔ ɔ, imi Yawɛ i kua mɛ; o be nɔ́ ko nɔ́ ko nae kɛ je a dɛ.”

Yeremia 20:11

Se mo Yawɛ, moo lɛɛ o ngɛ ye se kpɛii kaa tatsɛ kpanaa; ni nɛmɛ nɛ ngɛ mi yi mi wae ɔ be mi nyɛe. Zo maa gbe mɛ daa, ejakaa a be nyɛe maa pee nɔ́ ko nɔ́ ko. A zo ɔ hu nɔ ko hɛ be nɔ jee gblegbleegble.

Yeremia 3:3

Enɛ ɔmɛ a he je lɛ a tsi hiɔmi nɛmi nya, nɛ gbo hiɔmi po nɛ ɔ nɛ. O ngɛ kaa yo yaholɔ nɛ e zo tɔ ywia pɛ.

Kɔmɔ Yemi 4:4

Kuma gbe bimwɔwi; a ngɛ a nya mi lɔe kɛ ngɛ nyu hlae. Jokuɛwi ngɛ pɛɛ kpae ke a ha mɛ niye ní; se nɔ ko nɔ ko ha we mɛ.

Hosea 2:3

Ke pi ja a, ma kpa bo ngɛ e he, nɛ e he maa fɔ si paslapaa kaa bɔ nɛ a fɔ lɛ ɔ. Ma ha e maa pee kaa zugba gbigbli nɛ bɛ ní; nɛ nyu kuma maa gbe lɛ.

Yoel 1:20

Nga mi lohwe ɔmɛ po ngɛ ngmlaa kpae kɛ ngɛ mo tsɛe; ejakaa pa amɛ tsuo gbli, nɛ la hu kpata lohwe lɛmi he ɔmɛ a hɛ mi ngɛ nga a nɔ.

Amos 4:7

Yawɛ ke, “Benɛ e piɛ nyɔhiɔ etɛ nɛ a ma kpa nyɛ ngmɔ niba ní ɔ, i tsi hiɔmi nya. I ha nɛ hiɔmi nɛ ngɛ ma ko mi, se ma kpa ko mi lɛɛ e nɛ́. Hiɔmi nɛ ngɔ pue ngmɔ ko nɔ, se ngmɔ ko lɛɛ e nɔ gbli.

Amos 4:8

Benɛ kuma miɔ nɛ e maa gbe nyɛ ɔ, nihi je ma enyɔ kɛ etɛ a mi kɛ ya ma ko mi, he nɛ a susu kaa a ma na nyu ngɛ nɛ a nu; se nyu ɔ sui mɛ. Loloolo ɔ, nyɛ kpale we kɛ bɛ ye ngɔ.” Yawɛ lɛ de.

Zakaria 14:17

Je ma ko nɛ be yae nɛ a ya ja Yawɛ Tahohiatsɛ ɔ kaa lɛ ji matsɛ ɔ, hiɔmi be nɛe ha mɛ.