Yeremia 14:20 - BAIBLO ALOO NGMAMI KLƆUKLƆU Ɔ

²⁰ Yawɛ, wa ngɛ jajee ke wa pee yayami kɛ si mo, nɛ wa nɛmɛ ɔmɛ hu pee yayami kɛ si mo.

Yeremia 14:20 ပူးပေါင်းရင်းမြစ်များ

Samuel II, 12:13

David de Natan ke, “I pee yayami kɛ si Yawɛ.” Natan de lɛ ke, “Yawɛ ngɔ o he yayami ɔ ngɔ pa mo; o be gboe!

Samuel II, 24:10

Benɛ David kane ni ɔmɛ se ɔ, e he nile hao lɛ; nɛ e de Yawɛ ke, “I pee yayami agbo kaa i tsu kikɛmɛ a ní nɛ ɔ. Lɔ ɔ he ɔ, Yawɛ, i kpa mo pɛɛ nɛ o ngɔ kɛ pa mi.”

Hiob 33:27

E kɛ bua jɔmi ma de ngɛ ma hɛ mi ke, “I pee yayami. I pee we nɔ́ nɛ da blɔ, se kɛ̃ ɔ, Mawu na mi mɔbɔ.

La 32:5

Kɛkɛ nɛ i jaje ye he yayami ɔmɛ kɛ ha mo; i laa we ye tɔmi ɔmɛ a nɔ. I de ke, “Ma jaje ye tɔmi ɔmɛ kɛ ha Yawɛ”, nɛ mo hu o ngɔ ye he yayami ɔmɛ kɛ pa mi.

Yeremia 14:7

Ye ma a fa kue ha mi ke, ‘Yawɛ, wa he yayami ɔmɛ ngɛ odase yee kɛ ngɛ wɔ sie lɛɛ, se kɛ̃, moo piɛ wa he kaa bɔ nɛ o wo si ɔ. Wa tsɔ o hɛ mi atuã be babauu; wa pee yayami kɛ si mo.

Yeremia 3:13

Moo lɛɛ moo kplɛɛ kɛkɛ kaa o ye fɔ, kaa o tsɔ Yawɛ, o Mawu ɔ hɛ mi atuã. Moo jaje kaa o ngɔ o suɔmi ya ha ma se mawuhi, nɛ o ja mɛ ngɛ tsohi tsuo nɛ bɔ kusuu a sisi. Moo jaje kaa o yi ye mlaa amɛ a nɔ. Imi, Yawɛ lɛ i de.

Yeremia 3:25

Nyɛ ha nɛ waa kɛ zo nɛ pee wa heha nɔ́ kɛ hwɔ si, ejakaa wa pee yayami kɛ si Yawɛ, wa Mawu ɔ. Wa nɛmɛ ɔmɛ pee a nɔ́, nɛ wɔ hu kɛ je wa jokuɛwi a si kɛ ba si mwɔnɛ ɔ, wa kpa we. Wa yi Yawɛ, wa Mawu ɔ mlaa amɛ a nɔ.”

Yeremia 8:14

Mawu ma a mi bi ɔmɛ bi a he ke, “Mɛni he je lɛ wa hii si ngɛ hiɛmɛ nɛ ɔ kɛ mwɔɔ? Nyɛ ha nɛ waa tu fo kɛ ya mahi nɛ a fia gbogbo ngɔ wo a he ɔ a mi, nɛ wa ya gbo ngɛ jamɛ a ma amɛ a mi. Yawɛ, wa Mawu ɔ bu wɔ gbenɔ fɔ, nɛ e ngɔ nyu kɛ kplu nɛ duɔ ngɛ mi ngɔ ha wɔ ke waa nu, ejakaa wa pee yayami kɛ si lɛ.

Kɔmɔ Yemi 1:20

“Yawɛ lee, hyɛ bɔ nɛ i ngɛ haoe ha; i ngɛ he hiami mi wawɛɛ, nɛ ye tsui ngɛ mi yee. I tsɔ o hɛ mi atuã. A ngɛ nihi gbee ngɛ gbɛjegbɛ ɔmɛ a nɔ; jã kɛ̃ nihi ngɛ gboe ngɛ we ɔmɛ a mi hulɔ.

Kɔmɔ Yemi 3:42

“Wa tɔ̃; wa tsɔ atuã, lɔ ɔ he nɛ mo Yawɛ, o kɛ wa yayami ɔmɛ pɛ wɔ ɔ nɛ.

Kɔmɔ Yemi 5:7

Wa nɛmɛ ɔmɛ pee yayami, se amlɔ nɛ ɔ, a be je mi, nɛ wa ba ngɛ nɔ́ nae ngɛ a yayami ɔmɛ a he.

Daniel 9:15

“Nyɔmtsɛ, wa Mawu, mo lɛ o kɛ kɔni si wami je o ma a kɛ je Egipt nɛ o he biɛ nɛ ngɛ kɛ ba su mwɔnɛ ɔ. Wa pee yayami; wa tɔ.

Amos 7:2

Benɛ baalɛ ɔmɛ miɔ nɛ a ma kpe nga mumu ɔ tsuo ta zugba a nɔ ɔ, i fa kue ha Nyɔmtsɛ Yawɛ ke, “Nyɔmtsɛ Yawɛ, i kpa mo pɛɛ, ngɔɔ o ma a he yayami ɔ kɛ pa mɛ! Kɛ o ma a maa pee kɛɛ nɛ a yi ma na wami? Israel ɔ, ma wayoo kɛkɛ ji mɛ; a he wɛ tsɔ ko!”