Yeremia 14:2 - BAIBLO ALOO NGMAMI KLƆUKLƆU Ɔ

² “Yuda ngɛ kɔmɔ yee; Yuda ma amɛ ngɛ gboe; ma mi bi ɔmɛ hwɔɔ si ngɛ zugba mɔbɔmɔbɔ, nɛ bubuubui ngɛ pɛe ngɛ Yerusalem.

Yeremia 14:2 ပူးပေါင်းရင်းမြစ်များ

Yesaya 3:26

Ma a agbo ɔmɛ a nya maa pee mɔbɔmɔbɔ kɛ ya; nɛ ma a nitsɛ lɛɛ e maa pee kaa yo nɛ hɛɛ e he gu kɛ hii si ngɛ zugba.

Yeremia 8:21

Bɔ nɛ ye ma mi bi ɔmɛ a he mi ngɛ mɛ hiae ɔ, ja nɔuu imi hu ye he mi ngɛ mi hiae. Ye ywilɛ ho ye he; gbeye kɛ sawale nu mi.

Samuel I, 5:12

Ni nɛmɛ nɛ gbo we ɔ po, tslɔɔ fuu mɛ; nɛ ma a kpa bubuubui kɛ ba yemi kɛ buami ngɛ a wɔ ɔmɛ a dɛ mi.

Zakaria 7:13

Akɛnɛ ke i de nɔ́ ko nɛ a bui tue he je ɔ, ke a fa kue ɔ, i he we nɔ.

Yeremia 11:11

Lɔ ɔ he ɔ, imi Yawɛ, i ngɛ mɛ dee ke, ma ha nɛ haomi maa ba a nɔ nɛ a he be mi jee. Ke a fa kue ha mi po, i be mɛ tue bue.

Yoel 2:6

Ke a ma kikɛ nɛ ɔ, sawale maa nu nɔ tsuaa nɔ, nɛ nɔ tsuaa nɔ hɛ mi ma tsake maa pee mɔbɔmɔbɔ.

Yoel 1:10

Ngmɔ ɔmɛ a hɛ mi kpata; zugba a pee mɔbɔmɔbɔ kaa nɔ́ nɛ kɔmɔ e ngɛ yee; ejakaa blɛfo ɔ hɛ mi kpata; wai tso ɔmɛ gbli, nɛ oliv tso ɔmɛ ylɔ.

Hosea 4:3

Enɛ ɔ he je nɛ zugba a pee mɔbɔmɔbɔ ɔ nɛ. Níhi tsuo nɛ ngɛ zugba a nɔ, nga mi lohwehi kɛ lohwe pɛlitsɛmɛ tsuo pee gbedee; nɛ pa mi lohi tete ngɛ gboe.”

Kɔmɔ Yemi 5:10

Hwɔ nɛ nya wa ha nɛ wa he womi kota kaa nɔ́ nɛ flɔɔnɔɔ la nɛ sã wɔ.

Kɔmɔ Yemi 2:9

Zu ha agbo ɔmɛ a nɔ; a ku a se lami ní ɔmɛ a mi dukuduku. A nuu matsɛmɛ ɔmɛ, kɛ ganɔ ɔmɛ kɛ ho ma se ya. Nɔ ko tsɔɔ we mlaa a hu. Yawɛ je we nina kɛ ha we gbali ɔmɛ hu.

Yeremia 18:22

Ha nɛ ta nɛ ba tua mɛ tlukaa, nɛ bubuubui nɛ pɛ ngɛ a we ɔmɛ a mi. A tsua muɔ ngɔ fɔ si ha mi nɛ ma nɔ mi, nɛ a tsɔ mi klama nɛ ma du.

Yeremia 12:4

Wa ngmɔ ɔmɛ a nɔ nga a tsuo gbli. Pu mi lohwehi, kɛ lohwe pɛlitsɛmɛ ngɛ tae. Wa zugba a pee mɔbɔmɔbɔ, ejakaa wa ma mi bi ɔmɛ pee yayami. Nɔ́ nɛ a deɔ ji, “Nɔ́ nɛ wa ngɛ pee nɛ ɔ, Mawu tsa nɛ.” Mɛni be nɔ́ nɛ ɔ maa ya nɔ kɛ yaa si?

Yeremia 4:28

Zugba a maa ye kɔmɔ, nɛ hiɔwe ma yu tuu. Yawɛ lɛ de, nɛ e be e nya se kpalee. E to e yi mi momo, nɛ e be tsakee hu.

Yesaya 33:9

Zugba a pee mɔbɔmɔbɔ kɛ fɔɔ si. Lebanon hue ɔmɛ ta kulaa; Sharon zugba nɛ baa ní saminya a pee kaa nga kplanaa nɔ; tsohi nɛ ngɛ Bashan kɛ Karmel yo ɔ nɔ ɔ, a yi mi ba tsuo kplɔ kɛ pueɔ si.

Yesaya 24:7

Wai he be hu; ejakaa wai tso ɔmɛ gbli. Nihi tsuo nɛ a bua jɔ be ko ɔ, jehanɛ lɛɛ a ngɛ kɔmɔ yee.

Yesaya 24:4

Zugba a gbli, nɛ e pee mɔbɔmɔbɔ kaa nɔmlɔ nɛ ngɛ kɔmɔ yee; je ɔ tsuo pee kaa nɔ ko nɛ pɔ tɔ lɛ; nimli ɔmɛ tsuo gbɔjɔ.

Yesaya 15:5

Ye tsui ngɛ yee ngɛ Moab he! Ma mi bi ɔmɛ tu fo kɛ ho Zoar, kɛ Eglat Shelishiya ma amɛ a mi ya. Ni komɛ kuɔ yoku ɔ kɛ ho Luhit ya, nɛ ni komɛ hu tu fo kɛ ho Horonaim ya kɛ ya boboobo, kɛ kɔmɔ yemi babauu.

Yesaya 5:7

Israel ma a ji Yawɛ Tabohiatsɛ ɔ wai ngmɔ ɔ nɛ; Yuda bi ɔmɛ ji wai tso kpakpa amɛ nɛ e du ɔ nɛ. E hyɛ blɔ kaa a maa ye dami sane, se muɔ si mohu a ngɛ puee. E hyɛ blɔ kaa a maa pee nɔ́ nɛ da, se amimi mohu a ngɛ ma a yee, nɛ nɔ́ nɛ ɔ ha ni ɔmɛ ngɛ ngmlaa kpae.

Hiob 34:28

A ha nɛ ohiatsɛmɛ kpa ngmlaa kɛ ba Mawu yemi kɛ buami, nɛ Mawu nu nɔ́ nali ɔmɛ a kue fami ɔ.

Samuel I, 9:16

“Hwɔɔ, maa pee be nɛ ɔ mi ɔ, ma tsɔ nyumu ko nɛ je Benyamin wɛtso ɔ mi kɛ ba o ngɔ. Moo pɔ lɛ nu nɛ e ba ye ganɔ ngɛ ye ma, Israel ɔ nya, nɛ e kpɔ mɛ kɛ je Filisti bi ɔmɛ a dɛ mi, ejakaa i na a nɔ nami ɔ, nɛ i nu a kue fami ɔ hulɔ.”

Mose II, 2:24

Benɛ Mawu nu a kɛmɛmi ɔ, e kai somi nɛ e kɛ a nɛmɛ Abraham, Isak, kɛ Yakob so ɔ.

La 144:14

Wa na amɛ hu nɛ a fɔ babauu ja nɔuu; a mi ko sane; nɛ a ko nu bubuubui ko ngɛ wa gbɛjegbɛ ɔmɛ a nɔ.

Yesaya 24:11

Nihi ngɛ ngmlaa kpae ngɛ gbɛjegbɛ ɔmɛ a nɔ; ejakaa wai ta. Bua jɔmi ta kulaa; bua jɔmi laa kaa nɔ ko nɛ a je lɛ we.

Yeremia 12:11

A kpata zugba a hɛ mi pɛsɛpɛsɛ, nɛ zugba a pee mɔbɔmɔbɔ. Zugba a tsuo plɛ pee nga kplanaa, nɛ nɔ ko nɔ ko yi he kɔmɔ.

Yeremia 46:12

Je ma amɛ nu kaa nyɛ hɛ mi pue si; nɔ tsuaa nɔ nu ngmlaa nɛ nyɛ ngɛ kpae ɔ. Katsɛmɛ ɔmɛ ngɛ a sibi tɛe, nɛ a ngɛ si nɔɔe.

Kɔmɔ Yemi 2:8

Yawɛ to e yi mi kaa a ku Zion gbogbo ɔmɛ ngɔ pue si. E susu a kami kɛ blimi kɛ to, bɔ nɛ pee nɛ a kpata nɔ́ tsuaa nɔ́ hɛ mi pɛsɛpɛsɛ. Amlɔ nɛ ɔ, mɔ ɔmɛ, kɛ gbogbo ɔmɛ tsuo ku kɛ pueɔ si.

Hagai 1:11

I ha nɛ sapu ye nibɔ ní ɔmɛ tsuo; zugba a, yoku ɔmɛ, blɛfo ngmɔ ɔmɛ, wai ngmɔ ɔmɛ, oliv abɔɔ ɔmɛ, nimli adesahi, lohwehi, kɛ nɔ́ tsuaa nɔ́ nɛ a gbo he dengme ɔ, sapu ye mɛ tsuo pɛpɛɛpɛ.”

Yoel 1:11

Nyɛ ngmɔ huli, nyɛɛ ye kɔmɔ; nyɛ nihi nɛ nyɛ hyɛɛ wai ngmɔhi a nɔ, nyɛ nya awe; ejakaa ngma, akoko, kɛ ngmɔ nɔ ní tsuo hɛ mi kpata.

Yoel 1:14

Nyɛɛ wo mlaa nɛ ma a tsuo nɛ ha hwɔ; nɛ a ba bua a he nya. Nyɛ bua Yuda ma nimeli ɔmɛ, kɛ ma a tsuo a nya ngɛ Yawɛ, nyɛ Mawu ɔ we ɔ nɛ nyɛɛ fa kue ha lɛ.