Yeremia 14:19 - BAIBLO ALOO NGMAMI KLƆUKLƆU Ɔ

¹⁹ Yawɛ, anɛ o kua Yuda kulaa lo? Anɛ o ngɛ Zion bi ɔmɛ hiee lo? Mɛni he je mɔ lɛ o plaa wɔ kikɛ nɛ ɔ nɛ e hi tsami ɔ? Wa hyɛ blɔ kaa tue mi jɔmi maa ba, se nɔ́ kpakpa ko ji mi kɛ bɛ; wa hyɛ blɔ kaa be maa ba nɛ a ma tsa wɔ, se haomi kɛ gbeye sɔuu lɛ bɔle wɔ.

Yeremia 14:19 ပူးပေါင်းရင်းမြစ်များ

Kɔmɔ Yemi 5:22

Aloo pe o kua wɔ kulaa? Anɛ o we abofu ɔ nyagbe be lo?

Yeremia 8:15

Wa hyɛ tue mi jɔmi blɔ, se tue mi jɔmi bɛ; wa hyɛ tsami be blɔ, se gbeye mohu ji nɔ́ nɛ ba.

1 Tesalonikabi 5:3

Be mi nɛ nihi ma de ke, “Wa he mi jɔ wɔ, nɛ wa tue mi hu jɔ wɔ” ɔ, jamɛ a be ɔ mi nɔuu nɛ a hɛ mi ma kpata tlukaa kaa bɔ nɛ yo nɛ mi wa nuɔ kɔɔmi si kake too ɔ; nɛ nɔ ko nɔ ko be e he yee.

Yeremia 6:30

A ma tsɛ mɛ ke dade fi, ejakaa imi Yawɛ, i kua mɛ.”

Yeremia 30:13

Nɔ ko be nɛ maa hyɛ nyɛ nɔ, tsopa ko be nɛ a kɛ maa to nyɛ pa amɛ a nɔ; nyɛ be he wami nae.

Yeremia 15:18

Mɛni he je i ngɛ nɔ́ nae kɛ mwɔɔ? Mɛni he je ye pa amɛ be tsa ba a? Mɛni he je a gbo we ɔ? Anɛ o ngɛ hlae nɛ o sisi mi kaa pa nɛ gbli latsa be mi lo?”

Yeremia 12:8

Ma nɛ i je blɔ hla a, a te si kɛ wo mi. A wo a nya nɔ ngɛ ye nɔ kaa bɔ nɛ jata huãa ngɛ pu mi ɔ; enɛ ɔ he je ɔ, imi hu i sume mɛ.

La 78:59

Benɛ Mawu na nɔ́ nɛ ɔ, e mi mi fu, nɛ e kua e ma a pɛsɛpɛsɛ.

Hiob 30:26

Se benɛ i ngɛ nɔ́ kpakpa blɔ hyɛe ɔ, nɔ́ yayami mohu lɛ ba na mi. Benɛ i ngɛ la blɔ hyɛe ɔ, diblii mohu lɛ ba.

Kɔmɔ Yemi 4:17

Wa hyɛ yemi kɛ buami blɔ hluu kɛ ya si pɔ tɔ wa hɛngmɛ he, nɛ e ko hu bɛ. Wa mlɛ kaa je ma ko maa je ngmlaa ha wɔ lo, se lɛ tsuo pee yaka; nɔ ko nɔ ko bɛ nɛ e ba je ngmlaa ha wɔ.

Kɔmɔ Yemi 2:13

Yerusalem, i suɔ mo! Yerusalem, mɛni ma de ha mo? Kɛ ma pee kɛ jɔɔ o bua kɛɛ? Nɔ ko nɔ ko nɛ́ amanehlu hyɛ kaa nɔ́ nɛ ba o nɔ nɛ ɔ. O haomi ɔ kle tsɔ, nɛ e nyagbe be. Mɛnɔ ma he o yi wami?

Yeremia 15:1

Kɛkɛ nɛ Yawɛ de mi ke, “Ke Mose kɛ Samuel ba da ye hɛ mi nɛ a fa kue ha mi tete po, i be nimli nɛ ɔmɛ mɔbɔ nae. Fie mɛ kɛ je ye hɛ mi hiɛmɛ nɛ ɔ nɛ a ho.

Yeremia 8:22

Anɛ tsopa be Gilead lo? Tsopatsɛ ko be lejɛ ɔ lo? Mɛni he je mɔ nɛ a tsa we ye ma mi bi ɔmɛ lolo ɔ?

Yeremia 7:29

“Nyɛ sã nyɛ yi nɔ nɛ nyɛ sake bwɔmi ɔ pue he; nyɛɛ wo yana nɛ nyɛɛ ye kɔmɔ ngɛ yoku kpataa amɛ a nɔ, ejakaa imi Yawɛ ɔ, ye mi mi fu ye ma a, nɛ i kua mɛ.

La 89:38

Se nɔ nɛ o pɔ lɛ nu ɔ, o mi mi fu lɛ; o kua lɛ, nɛ o hɛ lɛ ngɔ fɔ he.

Kronika II, 36:16

Se mɛɛ lɛɛ, Mawu tsɔli ɔmɛ a he fɛu mohu a yeɔ; a bui Mawu munyu ɔ tue, nɛ e gbali ɔmɛ hu muɔ sɔuu a hii mɛ muɔe hluu kɛ ya si be nɛ Yawɛ mi mi ba fu e ma a wawɛɛ nitsɛ nɛ nɔ́ ko hi peemi ngɛ he hu.

Yeremia 12:7

Yawɛ ke, “I ngmɛɛ Israel he; ye ma nɛ i je blɔ hla a, i kua mɛ. I ngɔ nimli nɛ i suɔ mɛ saminya a kɛ wo a he nyɛli a dɛ mi.

Mika 1:12

Marot bi ɔmɛ ngɛ blɔ hyɛe kaa a ma ba kpɔ mɛ, se Yawɛ ngɔ haomi kɛ ba su Yerusalem agbo ɔ nya haa.

Abɛ Womi 29:1

Nɔ nɛ ke a ka e hɛ mi, nɛ e waa tue kɛ mwɔɔ ɔ, e maa ku kɛ pue si tlukaa, nɛ e be hie tsami.

Yeremia 30:12

Bɔ nɛ Yawɛ ngɛ e ma a dee ji nɛ ɔ nɛ: “Nyɛ plaa wawɛɛ nitsɛ; nyɛ pa a be tsa ba.

Yeremia 51:5

Niinɛ, Israel kɛ Yuda pee yayami kɛ si imi, Israel Nɔ Klɔuklɔu ɔ. Se imi Yawɛ Tabohiatsɛ Mawu ɔ, imi lɛɛ i kua we mɛ.

Kɔmɔ Yemi 2:22

O kpee ye he nyɛli ɔmɛ kɛ ba nɛ a ba bɔle mi kaa nɔ́ nɛ a ngɛ nyami ligbi yee. Ligbi ɔ nɛ o mi mi wo la a, nɔ ko nɔ ko nyɛ we nɛ e ye e he. Ye bimɛ nɛ i lɛ, nɛ i suɔ mɛ ɔ, he nyɛli ɔmɛ gbe mɛ tsuo.