Yeremia 14:17 - BAIBLO ALOO NGMAMI KLƆUKLƆU Ɔ

¹⁷ Yawɛ fa mi ke ma de ma a ke, “Ye hɛngmɛ nɛ tɔ nyu nyɔ kɛ pia daa nɛ ɔ nɛ ma ko kpa ya fomi gblegbleegble. Ejakaa a fia ye ma mi bi ɔmɛ ní kɛ pue si nɛ a plaa wawɛɛ nitsɛ.

Yeremia 14:17 ပူးပေါင်းရင်းမြစ်များ

Yeremia 8:21

Bɔ nɛ ye ma mi bi ɔmɛ a he mi ngɛ mɛ hiae ɔ, ja nɔuu imi hu ye he mi ngɛ mi hiae. Ye ywilɛ ho ye he; gbeye kɛ sawale nu mi.

Kɔmɔ Yemi 2:13

Yerusalem, i suɔ mo! Yerusalem, mɛni ma de ha mo? Kɛ ma pee kɛ jɔɔ o bua kɛɛ? Nɔ ko nɔ ko nɛ́ amanehlu hyɛ kaa nɔ́ nɛ ba o nɔ nɛ ɔ. O haomi ɔ kle tsɔ, nɛ e nyagbe be. Mɛnɔ ma he o yi wami?

Yeremia 13:17

Se ke nyɛ bui tue kɛ mwɔɔ ɔ, lɛɛ ma fo ya ngɛ laami mi ngɛ nyɛ he nɔ womi ɔ he. Ma fo ya hluu kɛ yaa si ye hɛngmɛ maa tɔ nyu, ejakaa a nuu Yawɛ ma mi bi ɔmɛ nyɔguɛ kɛ je.

Yeremia 9:1

I ná nɛ ye yi pee kaa vu kɛ e mi nyu, nɛ ye hɛngmɛhi plɛ pee nyu hɛngmɛ nɛ vo nyu ngɛ mi jee babaaba. Jinɛ i ko fo ya nyɔ kɛ pia kɛ ha ye ma mi bi ɔmɛ nɛ a gbe ɔ.

Mika 6:13

Lɔ ɔ he ɔ, i je sisi bɔni nyɛ tue gblami momo; ma kpata nyɛ hɛ mi ngɛ nyɛ yayami ɔmɛ a he.

Kɔmɔ Yemi 2:18

Yerusalem lee, moo fa kue boboobo nɛ o tsɛ Nyɔmtsɛ ɔ! Ha nɛ o vo nyu ɔmɛ nɛ a hi bee kaa pa nyɔ kɛ pia. Koo jɔɔ ya fomi, nɛ ko kpa kɔmɔ yemi hulɔ.

Yeremia 10:19

Yerusalem bi ɔmɛ kpa bubuubui ke, “Akuanyɛ! Wa plaa pɛ! Wa pa a be tsa ba. Se wa susu kaa wa ma nyɛ ma mia wa hɛ mi kɛ to nɔ.

Yesaya 37:22

Nɔ́ nɛ Yawɛ ngɛ Asiria matsɛ ɔ dee ji nɛ ɔ nɛ: “Asiria matsɛ, Zion biyo, yomiyo ɔ ngɛ mo muɔe oo!

La 39:10

Koo gbla ye tue hu; ye he wami ta! Bɔ nɛ o fiaa mi ní ɔ, e hiɛ!

Amos 5:2

Israel bi nɛ nyɛ ngɛ kaa zangmawi! Nyɛ nɔ ta, nɛ nyɛ be si tee hu. A gbe nyɛ ngɔ pue nyɛ nitsɛmɛ nyɛ zugba nɔ; Nɛ nɔ ko bɛ nɛ e ba wo nyɛ nɔ.

La 119:136

Ye hɛngmɛ tslaa nyu babaaba kaa pa nɛ ngɛ bee, ejakaa nimli adesahi yi o mlaa amɛ a nɔ.

Yeremia 8:18

Ye we aywilɛho ɔ nya wa tsɔ ha mi; i nyɛ we hu. Ye tsui kpa miɔ nɛ e ma tsɔ.

Matsɛmɛ II, 19:21

Nɔ́ nɛ Yawɛ ngɛ Asiria matsɛ ɔ dee ji nɛ ɔ nɛ: Asiria matsɛ, Zion biyo yomiyo ɔ ngɛ mo muɔe oo! E ngɛ o he fɛu yee. Yerusalem biyo ɔ ngɛ e yi mimiɛe ngɛ o se.

Yeremia 9:18

Ma a de ke, “Nyɛ de mɛ nɛ a pee esɔ nɛ a ba wo yana ha wɔ, kɛ yaa si wa hɛngmɛ ɔmɛ maa tɔ nyu, nɛ wa hɛngmɛ se maa fuu kɛ ya fomi sɔuu.”

Yeremia 18:13

Yawɛ ke, “Nyɛ bi je ma amɛ tsuo kaa nɔ́ ko kaa kikɛ nɛ ɔ ba hyɛ lo. Israel ma a pee nɔ́ ko nɛ he wa wawɛɛ nitsɛ!

Kɔmɔ Yemi 2:11

I fo ya hluu, nɛ ye hɛngmɛ tsuo fuu. I ngɛ he hiami mi wawɛɛ. Ye tsui ngɛ mi yee, ejakaa a ywia ye we bi ɔmɛ a ma a. Jokuɛwi kɛ bimwɔwi ngɛ hɛlie ngɛ gbɛjegbɛ ɔmɛ a nɔ ngɛ ma a mi.