Yeremia 14:16 - BAIBLO ALOO NGMAMI KLƆUKLƆU Ɔ

¹⁶ Ni nɛmɛ nɛ a gba ní nɛ ɔmɛ ha a hu a hɛ mi ma kpata kikɛ nɛ ɔ nɔuu. A ma sake a gbogboe ɔmɛ ngɔ pue Yerusalem gbɛjegbɛ ɔmɛ a nɔ, nɛ a be nɔ ko nɔ ko nae nɛ maa pu mɛ. Nɔ́ nɛ ɔ maa ba mɛ nitsɛmɛ kɛ a yi ɔmɛ, a binyumu ɔmɛ, kɛ a biyi ɔmɛ tsuo a nɔ. Ma wo mɛ hiɔ ngɛ a ní yayami ɔmɛ a he.”

Yeremia 14:16 ပူးပေါင်းရင်းမြစ်များ

Yeremia 7:33

Ni gbogboe ɔmɛ maa pee lohwe pɛlitsɛmɛ, kɛ nga mi lohwehi a niye ní, nɛ nɔ ko nɔ ko be mɛ fiee.

Abɛ Womi 1:31

Lɔ ɔ he ɔ, nɔ́ nɛ nyɛ tsu ɔ, lɔ ɔ he hiɔwo nyɛ ma na; nyɛ ní yaya amɛ nɔuu maa hao nyɛ.

Yeremia 18:21

Se Yawɛ, jehanɛ lɛɛ, ha nɛ a bimɛ ɔmɛ nɛ a gbo kɛ hwɔ; ha nɛ a gbe mɛ ngɛ ta mi. Ha nɛ nyɛmɛ ɔmɛ nɛ a pee yalɔyihi kɛ yosahi; ha nɛ gbenɔ hiɔ nɛ gbe tsɛmɛ ɔmɛ, konɛ nihewi ɔmɛ lɛɛ a gbe mɛ ngɛ ta nga nɔ.

Yeremia 16:4

Hiɔ yaya maa gbe mɛ. Nɔ ko be kɔmɔ yee ha mɛ, nɛ nɔ ko be mɛ pue hulɔ; a gbogboe ɔmɛ maa pee kaa kuku ngɛ zugba. Ni komɛ maa nɔ ta, nɛ hwɔ hu maa gbe ni komɛ, nɛ a nɔmlɔ tso ɔmɛ ma plɛ pee niye ní ha lohwe pɛlitsɛmɛ, kɛ pu mi lohwehi.

Kpojemi 16:1

Jehanɛ ɔ, i nu gbi ko nɛ ngɛ pɛe gegeege kɛ je sɔlemi we ɔ. Gbi ɔ ngɛ bɔfo kpaago ɔmɛ dee ke, “Wai ɔ nɛ daa si ha Mawu mi mi fumi ɔ nɛ ngɛ kplu kpaago ɔmɛ a mi ɔ, nyɛɛ ya nɛ nyɛ ya plɛ ngɔ pue zugba.”

Mateo 15:14

Nyɛ ko hao nyɛ he ngɛ a he kulaa! Hɛ yuyuili nɛ ngɛ hɛ yuyuili blɔ tsɔɔe ji mɛ. Ke hɛ yuyuilɔ ngɛ hɛ yuyuilɔ blɔ tsɔɔe ɔ, mɛ ni enyɔ ɔmɛ tsuo a maa nɔ muɔ mi.”

Yeremia 9:22

A sake ni gbogboehi ngɔ pue he tsuaa he glekugleku kaa kuku ngɛ ngmɔ nɔ, loo blɛfo nɛ ní kpali poo pue si nɛ a je he, blɛfo nɛ nɔ ko bua we nya.” Sɛ gbi nɛ Yawɛ ngɔ ha mi ke ma de ji nɛ ɔ nɛ.

Yeremia 5:31

Gbali ɔmɛ a sɛ gbi ɔ, lakpa sɔuu; nɔ́ nɛ mɛɛ a fa osɔfo ɔmɛ ke a pee ɔ, lɔ ɔ osɔfo ɔmɛ peeɔ. Nɛ ye ma a hu suɔ ja. Se nyagbe ɔ, kɛ a maa pee kɛɛ?”

Yeremia 4:18

Yuda, mo nitsɛ o je mi babɛ, kɛ o ni peepee lɛ ngɔ haomi nɛ ɔ kɛ ba o nɔ ɔ nɛ. E ngɛ kaa tsopa ko nɛ mo nitsɛ o nu, nɛ e doomi ɔ ya su o tsui he tɔɔ.

Yesaya 9:16

Nihi nɛ nyɛɛ ma a hɛ mi ɔ ha ma a laa blɔ, nɛ a pee basaa.

Yesaya 51:20

O bimɛ ɔmɛ gbɔjɔ, nɛ a hɛli kɛ pueɔ si ngɛ gbɛjegbɛ ɔ nɔ kaa bayelɔ nɛ du klama. Yawɛ, o Mawu ɔ gbla o tue wawɛɛ nitsɛ.

Yeremia 8:1

“Jamɛ a be ɔ mi ɔ, a maa tsua Yuda matsɛmɛ ɔmɛ, ganɔ ɔmɛ, osɔfo ɔmɛ, gbali ɔmɛ, kɛ ni kpa amɛ nɛ hi Yerusalem ɔ a wuhi ngɛ yɔkɔ ɔmɛ a mi.

Yeremia 8:2

A be wu nɛ ɔmɛ a nya buae, nɛ a be mɛ pue hulɔ; wu ɔmɛ maa pee kaa kuku ngɛ zugba a nɔ. A ma ka wu ɔmɛ ngɔ ha pu kɛ nyɔhiɔ kɛ dodoehi. Ní nɛ ɔmɛ ji níhi nɛ ma a suɔ saminya; ma a sɔmɔ mɛ, nɛ a bi ní ngɛ a ngɔ, nɛ a ja mɛ hulɔ.

Yeremia 27:15

Yawɛ nitsɛ de ke pi lɛ nɛ tsɔ mɛ; pe a ngɔ e biɛ kɛ ngɛ nyɛ sisie kɛkɛ. Lɔ ɔ he ɔ, Yawɛ maa fie nyɛ kɛ je hiɛ ɔ, nɛ nyɛɛ kɛ gbali ɔmɛ tsuo nɛ ngɛ nyɛ lakpa munyu nɛ ɔmɛ tue ɔ, nyɛ hɛ mi ma kpata.”

Ezekiel 39:14

Nyɔhiɔ kpaago ɔ se ɔ, a maa hla ni komɛ nɛ maa kpa zugba a nɔ kɛ ya kɛ ba, konɛ gbogboehi nɛ piɛ ngɛ zugba a nɔ ɔ, a pu mɛ, nɛ a tsu zugba a he.

Amos 7:17

Enɛ ɔ he je ɔ, Amazia, Yawɛ ngɛ mo dee ke, ‘O bimɛ ma gbo ngɛ ta nga nɔ. He nyɛli ma ba ngɔ o ma a, nɛ o zugba a maa pee ni kpahi a nɔ nɛ a maa dla. O yo maa bɔ ajuama ngɛ ma a mi, nɛ mo nitsɛ lɛɛ a maa ngɔ mo kɛ ho, nɛ o ma ya gbo ngɛ ma se. A maa nuu Israel bi ɔmɛ nyɔguɛ kɛ maa ho.’ ”

Yeremia 9:20

I de ke, “Nyɛ yi ɔmɛ, nyɛɛ bu Yawɛ tue, nɛ nyɛɛ ye e munyu ɔmɛ a nɔ. Nyɛɛ tsɔɔ nyɛ biyi ɔmɛ kɔmɔ yemi, kɛ nyɛ huɛmɛ ɔmɛ ya la lami.

Yeremia 20:6

Nɛ mo Pashur! A maa nuu mo hu o kɛ o we mi bimɛ tsuo nyɔguɛ kɛ ya Babilonia. Lejɛ ɔ o ma ya gbo ngɛ, nɛ lejɛ ɔ ji he nɛ a maa pu mo, kɛ o huɛmɛ ɔmɛ tsuo nɛ o gba lakpa gbami ha mɛ ɔ ngɛ.’ ”