Yeremia 14:12 - BAIBLO ALOO NGMAMI KLƆUKLƆU Ɔ

¹² Ke a ha hwɔ tete po, i be a kue fami ɔ tue bue; nɛ ke a sã sami bɔ, kɛ niye ní bɔ ha mi hu, i be hee. Se mohu ɔ, níhi nɛ i kɛ ma kpata a hɛ mi ji ta, hwɔ, kɛ gbenɔ hiɔ.”

Yeremia 14:12 ပူးပေါင်းရင်းမြစ်များ

Ezekiel 8:18

Lɔ ɔ he ɔ, i kɛ abofu nɛ nya wa ma kple a nɔ. A be mɔbɔ nami ko kulaa nae ngɛ ye hɛngmɛ mi, nɛ i be a yi bae hulɔ. A maa fa kue boboobo kɛ tsɛ mi, se i be mɛ tue bue.”

Yeremia 11:11

Lɔ ɔ he ɔ, imi Yawɛ, i ngɛ mɛ dee ke, ma ha nɛ haomi maa ba a nɔ nɛ a he be mi jee. Ke a fa kue ha mi po, i be mɛ tue bue.

Yeremia 6:20

Tsopa kɛ e he via nɛ a kɛ jeɔ Sheba kɛ ba haa mi ɔ, mɛni ma pee he? Nu he via nɛ a kɛ jeɔ ma se lokoo kɛ ba haa mi ɔ, i hla we. I be a sami bɔ ɔmɛ ngɔe; bɔ kpa amɛ hu i sume.

Abɛ Womi 1:28

jamɛ a be ɔ mi ɔ, nyɛ ma tsɛ mi, se i be nɔ hee. Nyɛ ma hla ye se blɔ kɛ hɛdɔ, nɛ nyɛ be mi nae.

Zakaria 7:13

Akɛnɛ ke i de nɔ́ ko nɛ a bui tue he je ɔ, ke a fa kue ɔ, i he we nɔ.

Mika 3:4

Be ma nɛ nyɛ ma kpa ngmlaa kɛ tsɛ Yawɛ, se e be nyɛ nya mi poe. E be nyɛ kue fami ɔ tue bue, ejakaa nyɛ pee yayami.

Ezekiel 14:21

Bɔ nɛ Nyɔmtsɛ Yawɛ ngɛ dee ji nɛ ɔ nɛ: “Ma ha tue gblami nɛ nya wa eywiɛ nɛ ɔmɛ maa ba Yerusalem nɔ: ta, hwɔ, lohwe awi yeli, kɛ gbenɔ hiɔ. Nimlihi, kɛ lohwehi tsuo a hɛ mi ma kpata ngɛ lejɛ ɔ.

Yeremia 24:10

Ma ha nɛ ta, hwɔ, kɛ gbenɔ hiɔ ma ba sɛ a kpɛti kɛ yaa si a ma kpata a hɛ mi pɛsɛpɛsɛ, nɛ a ti nɔ kake ngmelu po be piɛe ngɛ zugba nɛ i ngɔ ha a kɛ a nɛmɛ ɔ nɔ.”

Yeremia 16:4

Hiɔ yaya maa gbe mɛ. Nɔ ko be kɔmɔ yee ha mɛ, nɛ nɔ ko be mɛ pue hulɔ; a gbogboe ɔmɛ maa pee kaa kuku ngɛ zugba. Ni komɛ maa nɔ ta, nɛ hwɔ hu maa gbe ni komɛ, nɛ a nɔmlɔ tso ɔmɛ ma plɛ pee niye ní ha lohwe pɛlitsɛmɛ, kɛ pu mi lohwehi.

Yeremia 9:16

Ma gbɛ mɛ ngɔ fĩa je mahi nɛ a kɛ a nɛmɛ ɔmɛ tsuo nui a he hyɛ ɔ a nɔ, nɛ ma ha nɛ ta maa nyɛɛ a se hluu kɛ yaa si ma kpata a hɛ mi pɛsɛpɛsɛ.”

Yesaya 58:3

Ye ma mi bi ɔmɛ ngɛ bie ke, “Mɛni he je ke wa ha hwɔ nɛ Yawɛ nɛ ɔ? Mɛni he je ke wa wa wa he yi mi nɛ e li ɔ?” Yawɛ ngɛ mɛ dee ke, “Anɔkuale ɔ ji kaa be mi nɛ nyɛ ngɛ hwɔ hae ɔ, jamɛ a be ɔ mi nɔuu nyɛ tsuɔ ní kɛ hlaa nyɛ nitsɛmɛ nyɛ se nami, nɛ nyɛ waa nyɛ ní tsuli tsuo yi mi.

Abɛ Womi 28:9

Nɔ nɛ sume kaa e yeɔ mlaa nɔ ɔ, ke e fa kue ha Mawu po, e bɔ musu.

Abɛ Womi 21:27

Yayami peelɔ bɔ ɔ, Yawɛ sume kulaa, hluu nɛ a de ke yi mi tomi yayami piɛ bɔ ɔ he.

Abɛ Womi 15:8

Yayami peelɔ bɔ sami ɔ, Yawɛ sume kulaa; se ke nɔmlɔ kpakpa fa kue ɔ, e naa he bua jɔmi.

Hiob 27:9

Ke haomi ba e nɔ, nɛ e fa kue ha Mawu ɔ, anɛ Mawu maa nu e kue fami ɔ lo?

Yeremia 8:13

“I ka kaa ma bua ye ma a nya kaa bɔ nɛ ngmɔ hulɔ buaa e ngmɔ niba ní nya a; se e hí peemi. Ye ma a ngɛ kaa wai tso nɛ wai yiblii be nɔ. A ngɛ kaa ngmɔkɔ tso nɛ ngmɔkɔ be nɔ; ba amɛ tete po ngla. Enɛ ɔ he je ɔ, i ha nɛ nibwɔhi ba ngɔ a zugba a.”

Yeremia 21:6

Ma kpata nɔ tsuaa nɔ hɛ mi ngɛ ma nɛ ɔ mi; hiɔ nɛ nya wa maa gbe nimli, kɛ lohwehi tsuo.

Yeremia 32:24

“Babilonia bi ɔmɛ fia kpoku kɛ wo ma a he konɛ a ngɔ ma a; amlɔ nɛ ɔ, a tua ma a. Ta, hwɔ, kɛ gbenɔ hiɔ ma ha nɛ a maa ngɔ ma a. O maa na kaa níhi nɛ o de ɔ tsuo ba mi.

Ezekiel 14:19

“Ke i ha nɛ gbenɔ hiɔ ba jamɛ a zugba a nɔ, nɛ ye mi mi la ha a pue muɔ si, nɛ a kpata nimlihi, kɛ lohwehi tsuo a hɛ mi ɔ,

Hosea 5:6

A maa ngɔ tohi, kɛ nahi kɛ ba sã bɔ ha Yawɛ, se a be lɛ nae; ejakaa Yawɛ je a se.

Amos 5:21

Yawɛ ke, “Kusumihi nɛ nyɛ peeɔ, kɛ gua pɔtɛɛhi nɛ nyɛ bɔɔ ngɛ nyɛ nyami ligbi ɔmɛ a nɔ, nɛ nyɛɛ kɛ woɔ ye hɛ mi nyami ɔ, i hiee, nɛ i na we a he bua jɔmi.

Malaki 1:10

Yawɛ Tabohiatsɛ ɔ ke, “I ná nɛ nyɛ ti nɔ ko ya nga ye we klɔuklɔu ɔ nya, bɔ nɛ pee nɛ nyɛ ko ya slɛ la ngɛ ye bɔ sami la tɛ ɔ nɔ yaka gu hu. I be nyɛ he bua jɔmi; nyɛ nike ní ɔmɛ hu, i be ngɔe.

Malaki 2:13

Nɔ́ kake hu nɛ nyɛ peeɔ ji kaa nyɛ nyaa awe, nyɛ woɔ yana, nɛ nyɛ foɔ vo nyu kɛ pueɔ Yawɛ bɔ sami la tɛ ɔ nɔ; ejakaa nike ní nɛ nyɛ kɛ baa Yawɛ hɛ mi ɔ, e he we hu.

Yeremia 11:14

Lɔ ɔ he ɔ, Yeremia, ko kpa pɛɛ ha kikɛmɛ a ma nɛ ɔ; koo da a nane mi nɛ o kɛ fa kue ha mi. Ke amanehlu ba a nɔ nɛ a fa kue ha mi ɔ, i be mɛ tue bue.”

Yeremia 15:1

Kɛkɛ nɛ Yawɛ de mi ke, “Ke Mose kɛ Samuel ba da ye hɛ mi nɛ a fa kue ha mi tete po, i be nimli nɛ ɔmɛ mɔbɔ nae. Fie mɛ kɛ je ye hɛ mi hiɛmɛ nɛ ɔ nɛ a ho.