Yeremia 14:10 - BAIBLO ALOO NGMAMI KLƆUKLƆU Ɔ

¹⁰ Bɔ nɛ Yawɛ ngɛ dee ngɛ nimli nɛ ɔmɛ a he ji nɛ ɔ nɛ: “A suɔ kaa a maa je ye blɔ ɔmɛ a nɔ kɛ ya kpa ngɛ he nɛ a suɔ. Enɛ ɔ he je ɔ, i sume mɛ. Ma kai yayamihi nɛ a pee ɔ, nɛ ma gbla a tue.”

Yeremia 14:10 ပူးပေါင်းရင်းမြစ်များ

Hosea 9:9

Ma a puɛ kulaa kɛ yayami peemi kaa bɔ nɛ a pee ngɛ Gibea be ko ɔ. Yayami nɛ a pee ɔ, Mawu hɛ be nɔ jee; e maa gbla a tue kokooko.

Hosea 8:13

A gbeɔ lohwehi kɛ sãã bɔ kɛ haa mi, nɛ lo ɔ nɛ a kɛ ba sã bɔ ɔ lɛɛ mɛ nitsɛmɛ a yeɔ. Se imi Yawɛ, ye bua jɔɛ a he. Ma kai a he yayami ɔmɛ, nɛ ma gbla a tue kokooko ngɛ he; ma kpale mɛ kɛ ho Egipt ya!

La 119:101

I kpa je mi bami yayami ɔmɛ tsuo; ejakaa i suɔ kaa ma ye o mlaa amɛ a nɔ.

Amos 5:22

Nyɛ sami bɔ ɔmɛ, kɛ niye ní bɔ ɔmɛ ɔ, i be ngɔe. Lohwehi nɛ nyɛ je blɔ lɛ mɛ nɛ a wo zɔ nɛ nyɛ maa ngɔ kɛ ba sã tue mi jɔmi bɔ ha mi ɔ, i be hee.

Yeremia 6:20

Tsopa kɛ e he via nɛ a kɛ jeɔ Sheba kɛ ba haa mi ɔ, mɛni ma pee he? Nu he via nɛ a kɛ jeɔ ma se lokoo kɛ ba haa mi ɔ, i hla we. I be a sami bɔ ɔmɛ ngɔe; bɔ kpa amɛ hu i sume.

Hebribi 8:12

Ma na mɛ mɔbɔ ngɛ a tɔmi ɔmɛ a he; nɛ i be a he yayami ɔmɛ kaie hu gblegbleegble. Nyɔmtsɛ ɔ lɛ de.”

Yeremia 31:34

Nɔ ko pa be e nyɛmi, loo e he nɔ ko tsɔɔe hu ke e le Yawɛ, ejakaa nɔ tsuaa nɔ maa le mi, kɛ je jokuɛyo pe kulaa nɔ kɛ yaa si nɔkɔtɔma pe kulaa nɔ. Ma ngɔ a he yayami ɔmɛ kɛ pa mɛ, nɛ a ní yayami ɔmɛ hu i be kaie hu. Imi, Yawɛ lɛ i de.”

Hosea 11:9

I be nyɛ tue gblae ngɛ ye mi mi fumi ɔ nya. I be Israel hɛ mi kpatae hu. Ejakaa Mawu ji mi, pi nɔmlɔ adesa ji mi. Imi Nɔ Klɔuklɔu ɔ, i kɛ nyɛ ngɛ. I be nyɛ ngɔ bae kɛ abofu.”

Hosea 11:7

Ye ma a fia pɛɛ si kaa a ma kua mi; enɛ ɔ he je ɔ, ma gbla a tue, nɛ nɔ ko nɔ ko be nyɛe maa je ngmlaa ha mɛ.

Yeremia 8:5

Ye ma! Mɛni he je mɔ lɛ nyɛ je ye se, nɛ nyɛ sume kaa nyɛ maa kpale kɛ ba a? Mɛni he je nyɛɛ kɛ nyɛ he ha sisimi ní hi kikɛ nɛ ɔ, nɛ nyɛ sume kaa nyɛ maa kpale kɛ ba ye ngɔ ɔ?

Yeremia 2:36

Nyɛɛ hyɛ bɔ nɛ nyɛ nane nya ngɛ sɔe kɛ ngɛ yae kɛ ngɛ bae, nɛ nyɛ ngɛ yemi kɛ buami hlae ngɛ je ma amɛ a ngɔ! Nyɛ hɛ mi ma pue si ngɛ Egipt kaa bɔ nɛ nyɛ hɛ mi pue si be ko ngɛ Asiria a.

Matsɛmɛ I, 17:18

Kɛkɛ nɛ yo ɔ de Eliya ke, “Mawu nɔmlɔ, mɛni he je o pee mi nɔ́ nɛ ɔ? Pe o ba hiɛ ɔ nɛ o ba kai Mawu ye he yayami ɔmɛ, konɛ ye binyumu ɔ nɛ gbo lo?”

Samuel I, 15:2

Yawɛ maa gbla Amalek bi ɔmɛ a tue, ejakaa a nɛmɛ ɔmɛ ya po Israel bi ɔmɛ blɔ benɛ a je Egipt kɛ ma a.

Yeremia 3:13

Moo lɛɛ moo kplɛɛ kɛkɛ kaa o ye fɔ, kaa o tsɔ Yawɛ, o Mawu ɔ hɛ mi atuã. Moo jaje kaa o ngɔ o suɔmi ya ha ma se mawuhi, nɛ o ja mɛ ngɛ tsohi tsuo nɛ bɔ kusuu a sisi. Moo jaje kaa o yi ye mlaa amɛ a nɔ. Imi, Yawɛ lɛ i de.

Ezekiel 29:16

Ke e ba mi ja a, e be ma nɛ Israel bi ɔmɛ maa ngɔ a hɛ kɛ fɔ e nɔ pee hu. Ejakaa a ma kai kaa e ji tɔmi agbo kaa Israel ngɔ e hɛ kɛ fɔ Egipt nɔ. Kɛkɛ ɔ, Israel maa le kaa imi ji Nyɔmtsɛ Yawɛ.”

Hosea 7:2

E bɛ a juɛmi mi gblee kaa bɔ tsuaa bɔ nɛ pee ɔ, a he yayami nɛ ɔmɛ tsuo fɔɔ si paa ngɛ ye hɛ mi nɛ i ngɛ hyɛe.”

Hosea 7:13

“Musu tloo mɛ! Ma kpata a hɛ mi; ejakaa a tsɔ ye hɛ mi atuã, nɛ a je ye se. I hla kaa ma he a yi wami; se a ja we mi anɔkuale mi.

Amos 3:2

Yawɛ ke, “Ngɛ je ma amɛ tsuo a kpɛti ɔ, nyɛ pɛ ji ma nɛ i je blɔ hla, nɛ i ngɛ nɔ hyɛe. Enɛ ɔ ha nɛ nyɛ he yayami ɔ kle agbo, nɛ e hia kaa ma gbla nyɛ tue wawɛɛ nitsɛ.”

Mose II, 32:34

Moo lɛɛ yaa nɛ o ya kpaka ye ma a kɛ ya he nɛ i de mo ɔ. Ye bɔfo ɔ maa nyɛɛ o hɛ mi. Se be ma nɛ ma wo ma a hiɔ ngɛ a he yayami ɔ he.”

La 95:10

I ná yi nɔ bi nɛ ɔmɛ a he abofu jeha nyingmi eywiɛ sɔuu. I de ke, ‘Nimli nɛ ɔmɛ je ye se; a kua ye mlaa amɛ a nɔ yemi’