Yeremia 13:27 - BAIBLO ALOO NGMAMI KLƆUKLƆU Ɔ

²⁷ Yawɛ na nyɛ nɛ nyɛ ngɛ níhi nɛ e sume pee. E na nyɛ nɛ nyɛ ya ngɛ mawu kpahi a se nyɛɛe ngɛ nga nɔ kɛ yokuhi a nɔ. E na nyɛ nɛ nyɛ ngɛ huhui kpae kaa okpɔngɔ kuhi kɛ okpɔngɔ yihi nɛ ngɛ bɔe. Yerusalem bi, musu tloo nyɛ! Mɛni be po nyɛ he ma tsɔ?

Yeremia 13:27 ပူးပေါင်းရင်းမြစ်များ

La 94:4

Yayami peeli maa hi munyu tue puu kɛkɛ, nɛ a maa hi fĩae kɛ yaa si mɛni be?

La 94:8

Ye ma, mɛni he je lɛ nyɛ biɛ kikɛ nɛ ɔ? Kuasiahi, mɛni be nyɛ maa le nɔ́?

Abɛ Womi 1:22

“Kuasiahi! Mɛni be nyɛ maa biɛ kɛ yaa si? Fɛu yeli! Mɛni be nyɛ maa ye fɛu kɛ yaa si? Anɛ nyɛ be ní kasee?

Yesaya 57:7

Nyɛ ya kuɔɔ yo gaga amɛ, ya sãã bɔ; nɛ nyɛ ya bɔɔ ajuama ngɛ lejɛ ɔmɛ.

Yesaya 65:7

ngɛ mɛ nitsɛmɛ, kɛ a nɛmɛ ɔmɛ a he yayami ɔmɛ tsuo a he. Ejakaa a ya sãã tsopa kɛ e he via ngɛ yo ɔmɛ a nɔ. A tuɔ munyu hu kɛ siɔ mi ngɛ yoku ɔmɛ a nɔ. Enɛ ɔmɛ tsuo a he ɔ, ma gbla a tue sisiisi bɔ nɛ sa.”

Yeremia 11:15

Yawɛ ke, “Nimli nɛ i suɔ saminya a, yayami sɔuu lɛ a ngɛ pee. Anɛ a ngɛ he blɔ kaa a hii ye we ɔ mi lo? Anɛ a susu kaa ke a wo mi si babauu, nɛ a ngɔ lohwehi kɛ sã bɔ ha mi ɔ, haomi ko nɛ maa ba a nɔ ɔ, a kɛ ní nɛ ɔmɛ a peemi maa tsi jamɛ a haomi ɔ nya lo? Ke e ba mi ja a, anɛ a ma na bua jɔmi lo?

Yeremia 3:6

Benɛ Yosia ngɛ matsɛ yee ɔ, Yawɛ de mi ke, “Tse o na nɔ́ nɛ Israel pee? Israel je ye se nɛ e ya ja mawu kpahi ngɛ yokuhi tsuo nɛ ya hiɔwe a nɔ, kɛ tsohi tsuo nɛ bɔ kusuu a sisi. E ngɛ kaa yo yaholɔ pɛ.

Ezekiel 16:23

Nyɔmtsɛ Yawɛ ke, “Musu tloo mo oo, musu tloo mo! Yayamihi nɛ o pee nɛ ɔ tsuo se ɔ,

Ezekiel 2:10

E bli womi ɔ mi kɛ fɔ si. A ngma ní ngɛ womi ɔ hɛ mi, kɛ e se tsuo. Kɔmɔ yemi, huu fami, kɛ awe nyami munyuhi lɛ ngɛ mi.

Ezekiel 20:28

I ngɔ mɛ kɛ ba zugba nɛ i wo si kaa ma ha mɛ ɔ nɔ. Se he tsuaa he nɛ a na yoku gojoo, aloo tso nɛ bɔ kusuu ngɛ ɔ, kɛkɛ a ya sã bɔ ngɛ lejɛ ɔ. A sã bɔhi nɛ jee via, kɛ wai bɔ hulɔ; a pee ní nɛ ɔmɛ kɛ wo ye mi mi la.

Ezekiel 24:12

Hyɛ kaa i gbo dengme yaka! Bɔ nɛ a peeɔ pɛ i pee nɛ ɔ nɛ; se kana babauu pa ngɛ buɛ ɔ mi kɛ sa; la a po nyɛ we kana a nɛ e je.

Ezekiel 24:13

Yerusalem, o yahomi basaa nɛ puɛ mo ɔ ji kana a nɛ. I gbo dengme kɛ bɔ o he mɔde, konɛ o he nɛ tsɔ; se mu ɔ ngɛ o he kpamisa. Lɔ ɔ he ɔ, o he be tsɔe kɛ je o mu ní peemi ní ɔmɛ a mi hu kɛ yaa si be nɛ ma ngɔ mi mi la kɛ gbla o tue wawɛɛ.

Ezekiel 24:6

Bɔ nɛ Nyɔmtsɛ Yawɛ ngɛ dee ji nɛ ɔ nɛ: “Musu tloo ma nɛ muɔ si pɛ a pueɔ ngɛ mi ɔ! Ma a ngɛ kaa buɛ ko nɛ e mi nɔ kana, nɛ́ kana a ma ngɛ mi. A tá e mi lo ɔmɛ kakaaka ta; ekoeko piɛ ngɛ mi!

Ezekiel 36:25

Ma ngɔ nyu klɔuklɔu kɛ fĩa nyɛ nɔ, nɛ nyɛ he ma tsɔ. Ma tsu nyɛ he kɛ je amagahi, kɛ mu níhi tsuo nɛ nyɛ kɛ ble nyɛ he ɔ a mi.

Ezekiel 36:37

Nyɔmtsɛ Yawɛ ke, “Nɔ́ kake nɛ Israel bi ɔmɛ ma bi mi nɛ ma pee ha mɛ ji, ma ha a he nɛ hiɛ babauu kaa to kuu.

Ezekiel 6:13

A maa na nihi nɛ a kpata a hɛ mi ɔ a gbogboe ɔmɛ nɛ pueɔ si ngɛ amaga amɛ, kɛ bɔ sami la tɛ ɔmɛ a he tsuo kɛ kpe. A maa na gbogboe ɔmɛ ngɛ yokuhi nɛ ya hiɔwe, kɛ yohi tsuo a yi mi. A maa na mɛ ngɛ tsohi tsuo nɛ bɔ kusuu, kɛ tso ngua amɛ a sisi. Hehi tsuo nɛ a sãã bɔ nɛ jeɔ via ngɛ kɛ haa a we amaga amɛ hu a maa na a gbogboe ɔmɛ nɛ pueɔ si ngɛ lejɛ ɔmɛ ja nɔuu. Lɔ ɔ loko nyɛ ma na maa le kaa imi ji Yawɛ.

Hosea 1:2

Kekleekle nɛ Yawɛ kɛ Israel tu munyu kɛ gu Hosea nɔ ɔ, e de Hosea ke, “Yaa nɛ o ya ngɔ yo; yo ɔ maa pee e he yakayaka nɔmlɔ, nɛ e bimɛ maa hi kaa lɛ pɛ. Ja pɛpɛɛpɛ ye ma a pee ɔ nɛ; ye ma a kua mi; a yi mi anɔkuale.”

Hosea 4:2

Kita kami, lakpa yemi, muɔ si puemi, ju, kɛ gba puɛmi sɔuu ji a ní tsumi. Nɔ́ ko nɔ́ ko si we mɛ kpu, nɛ muɔ si kɛkɛ a ngɛ puee.

Hosea 8:5

Sika tsu na ku ɔ nɛ Samaria bi ɔmɛ jaa a peeɔ mi tai. Ye mi mi fu mɛ. Mɛni be po a ma kpa a we amaga nɛ ɔmɛ jami?

Zefania 3:1

Musu tloo Yerusalem! Ma nɛ́ wo e he mu! Atuã tsɔli kɛ yiwutsotsɛmɛ a ma.

Mateo 11:21

“Korazin, musu tloo mo! Betsaida, mo hu musu tloo mo! Nyakpɛ ní babauu nɛ a pee ngɛ nyɛ mi ɔ, a ya pee ngɛ Tiro, kɛ Sidon mohu jinɛ a tsake a tsui momoomo. Jinɛ Tiro, kɛ Sidon bi ma bu kpekpe ya bo, nɛ a maa ngɔ a he kɛ wuwlua la zu mi kɛ tsɔɔ kaa a tsake a tsui niinɛ.

2 Korintobi 12:21

I ngɛ gbeye yee kaa ke i ba ekohu ɔ, ye Mawu ɔ maa ba mi si ngɛ nyɛ hɛ mi. Nihi nɛ pee yayami sa a, nɛ a tsakee we a tsui, nɛ a ngɛ yayami ɔ pee kɛ mwɔɔ ɔ, ma fo ya ngɛ a he. Mɛ ji mu ní tsuli, ajuama bɔli, kɛ zo ní tsuli.

2 Korintobi 7:1

Siwohi nɛ wa na kɛ je Mawu dɛ mi ji nɛ ɔmɛ nɛ. Lɔ ɔ he ɔ, ye nyɛmimɛ nyɛ ha wa je níhi tsuo nɛ woɔ wa nɔmlɔ tso, kɛ mumi he mu kɛ ya se, konɛ wa he nɛ tsɔ kulaa kɛ hi si ngɛ Mawu gbeye yemi nya.

Yakobo 4:4

Nyɛ gba puɛli nɛ nyɛ yi Mawu anɔkuale! Anɛ nyɛ li kaa ke nɔ ko suɔ je ɔ, nɔ ɔ ngɛ Mawu nyɛe lo? Lɔ ɔ he ɔ, nɔ tsuaa nɔ nɛ e kɛ je ɔ bɔɔ ɔ, e peeɔ Mawu he nyɛlɔ.

Kpojemi 8:13

Kɛkɛ nɛ i hyɛ, nɛ i nu kɔle ko he nɛ te kɛ bee ngɛ hiɔwe lokoo. Kɔle ɔ ngɛ munyu tue kɛ gbi wawɛɛ ke, “Musu oo musu! Musu oo musu! Nihi tsuo nɛ maa hi je ɔ mi be mi nɛ bɔfo etɛ ɔmɛ ma kpa titimati ɔmɛ nɛ piɛ ɔ, musu tloo mɛ!”