Yeremia 13:22 - BAIBLO ALOO NGMAMI KLƆUKLƆU Ɔ

²² Ke o bi o he ke, “Mɛni he je ní nɛ ɔmɛ tsuo ba ye nɔ” ɔ, heto ɔ ji, o he yayami babauu ɔ he je nɛ he nyɛli ba pee mo kikɛ nɛ ɔ kaa yo nɛ nyumu kpa e he bo, nɛ e bɔ lɛ ahlua a nɛ.

Yeremia 13:22 ပူးပေါင်းရင်းမြစ်များ

Yesaya 20:4

Asiria matsɛ maa nuu nihi ngɛ ma enyɔ nɛ ɔmɛ a mi, nɛ e ma kpaka mɛ kɛ ho kɛ a he gu. Jokuɛwi kɛ nikɔtɔmahi tsuo maa nyɛɛ a nane gu, nɛ a maa hɛɛ a he gu; a supa nya tsuo maa fɔ si gu, nɛ zo maa gbe Egipt.

Yesaya 3:17

Lɔ ɔ he ɔ, ma gbla a tue. Ma ha sakpa ma pue a yi mi, nɛ a maa sɛ a yi ɔ kpalokpalo.”

Yesaya 47:8

“Jehanɛ lɛɛ, bu tue; mo nɛ o suɔ je mi ngɔɔmi yemi, nɛ o hii si gbɔjɔɔ kaa nɔ nɛ he mi jɔ lɛ, mo nɛ o fĩaa ke o kle kaa Mawu, nɛ nɔ ko nɔ ko kɛ mo sɔɛ. O susuu hu kaa o be yalɔyo pee gblee, nɛ o bimɛ hu be gboe kɔkɔɔkɔ.

Yeremia 13:26

Yawɛ nitsɛ ma kpa nyɛ he bo, nɛ nyɛ we ahlua maa je kpo.

Yeremia 14:16

Ni nɛmɛ nɛ a gba ní nɛ ɔmɛ ha a hu a hɛ mi ma kpata kikɛ nɛ ɔ nɔuu. A ma sake a gbogboe ɔmɛ ngɔ pue Yerusalem gbɛjegbɛ ɔmɛ a nɔ, nɛ a be nɔ ko nɔ ko nae nɛ maa pu mɛ. Nɔ́ nɛ ɔ maa ba mɛ nitsɛmɛ kɛ a yi ɔmɛ, a binyumu ɔmɛ, kɛ a biyi ɔmɛ tsuo a nɔ. Ma wo mɛ hiɔ ngɛ a ní yayami ɔmɛ a he.”

Yeremia 5:19

Yeremia, ke a bi mo ke mɛni he je lɛ imi Yawɛ, a Mawu ɔ kɛ mɛ ye sane yaya kaa kikɛ nɛ ɔ, de mɛ ke, kaa bɔ nɛ a je ye se nɛ a ya sɔmɔ ma se mawuhi ngɛ mɛ nitsɛmɛ a zugba nɔ ɔ, jã nɔuu kɛ̃ lɛ a ma ya sɔmɔ nibwɔhi ngɛ ma se zugba nɔ.”

Kɔmɔ Yemi 1:8

Yerusalem pee yayami wawɛɛ kɛ pue e hɛ mi si. E pee kaa nɔ ko nɛ hɛɛ e he gu; nihi tsuo nɛ peeɔ e he akɔtaa a bui lɛ hu. Ee, e ngɛ kɛmɛe, nɛ e ngɛ e hɛ mi laae.

Ezekiel 23:26

A ma kplɔ o he tade, nɛ a maa ngɔ o june saminyawiiwi ɔmɛ.

Hosea 12:8

Bɔ nɛ Israel ma a deɔ ji, ‘Niatsɛmɛ ji wɔ. Wa ná ní babauu.’ Se ní nɛ a na babauu ɔ tsuo be nyɛe ma je a he yayami ɔ.

Hosea 2:10

Ma kpa bo ngɛ e he ngɛ e pla amɛ a hɛ mi paa; nɛ nɔ ko nɔ ko be nyɛe ma kpɔ lɛ.

Hosea 2:3

Ke pi ja a, ma kpa bo ngɛ e he, nɛ e he maa fɔ si paslapaa kaa bɔ nɛ a fɔ lɛ ɔ. Ma ha e maa pee kaa zugba gbigbli nɛ bɛ ní; nɛ nyu kuma maa gbe lɛ.

Nahum 3:5

Yawɛ Tabohiatsɛ ɔ ke, “Nineve, ma gbla o tue! Ma ha nɛ o maa hɛɛ o he gu, nɛ ma ha nɛ je ma amɛ maa na mo paslapaa kɛ o he zo ɔ tsuo.

Zefania 1:12

“Jamɛ a ligbi ɔ, ma su kane kɛ kpa Yerusalem. Nɛ nihi nɛ hii si ngɛ a he yayami mi, nɛ nɔ́ ko pue we a tsui nɔ ɔ, ma ya hla a se blɔ, nɛ ma gbla a tue. Nimli nɛ ɔmɛ deɔ a he ke, ‘Oo, Yawɛ tsa be wɔ nɔ́ ko pee.’

Mose V, 18:21

“O ma bi o he ke, ‘Kɛ ma pee kɛ le kaa gbalɔ ko sɛ gbi ji Yawɛ ngɔ kɛɛ?’

Mose V, 7:17

“Nyɛ ko de nyɛ he ke, ‘Ni ɔmɛ a he hiɛ pe wɔ, nɛ kɛ wa maa pee kɛ fie mɛ kɛɛ?’

Mose V, 8:17

E pee ja, konɛ nyɛ ko susu kaa nyɛ nitsɛmɛ nyɛ he wami nya nɛ nyɛ na ní nɛ ɔmɛ tsuo.