Yeremia 13:21 - BAIBLO ALOO NGMAMI KLƆUKLƆU Ɔ

²¹ Nihi nɛ mo nitsɛ o tsɔse mɛ nɛ o kɛ mɛ ngɛ kaa huɛmɛ ɔ, ke a wo mɛ nɔkɔtɔma ngɛ o nɔ ɔ, kɛ o ma de kɛɛ? Anɛ o he mi be mo kɔɔe kaa yo nɛ nu kɔɔmi nɛ e miɔ nɛ e ma fɔ lo?

Yeremia 13:21 ပူးပေါင်းရင်းမြစ်များ

Yesaya 13:8

A maa ye gbeye; nɛ a he mi maa hia mɛ kaa yo nɛ nu kɔɔmi. Gbeye ma ha a maa hi a sibi a hɛ mi hyɛe gaa kɛkɛ, nɛ a hɛ mi maa tsu paa kɛ zo kpɔtɔɔ.

Yeremia 4:31

I nu gbi ko nɛ ngɛ pɛe kaa yo nɛ nu kɔɔmi; i nu kɛmɛmi ko kaa yo nɛ ngɛ e kekleekle bi fɔe. Mamoo Yerusalem nɛ e kɛ gbafa ngɛ ngmlaa kpae ɔ nɛ. E juale e nine mi, nɛ e ngɛ dee ke, “Akuanyɛ! Ye yi ta pɛ! He nyɛli ɔmɛ miɔ nɛ a maa gbe mi!”

Yeremia 38:22

I na nɛ a ngɔ yi ɔmɛ tsuo nɛ piɛ ngɛ Yuda matsɛ we ɔ mi ɔ kɛ yaa Babilonia matsɛ ɔ ma nimeli ɔmɛ a ngɔ. Benɛ a yaa a, nɔ́ nɛ a ngɛ dee ji nɛ ɔ nɛ: ‘Matsɛ ɔ huɛmɛ kpakpa amɛ sisi lɛ nɛ a ye e nɔ. Se amlɔ nɛ ɔ nɛ e nane pu mɔsɔ lɛɛ e huɛmɛ ɔmɛ je e he?’ ”

Yeremia 5:31

Gbali ɔmɛ a sɛ gbi ɔ, lakpa sɔuu; nɔ́ nɛ mɛɛ a fa osɔfo ɔmɛ ke a pee ɔ, lɔ ɔ osɔfo ɔmɛ peeɔ. Nɛ ye ma a hu suɔ ja. Se nyagbe ɔ, kɛ a maa pee kɛɛ?”

Yesaya 10:3

Ke Mawu bɔni nyɛ tue gblami ɔ, kɛ nyɛ maa pee kɛɛ? Ke e ngɔ haomi kɛ je ma se kɛ ba na nyɛ ɔ, kɛ nyɛ maa pee kɛɛ? Mɛnɔ ngɔ nyɛ ma sa fo kɛ ya ya hla yemi kɛ buami? Jije nyɛ maa ngɔ nyɛ juetli kɛ to?

1 Tesalonikabi 5:3

Be mi nɛ nihi ma de ke, “Wa he mi jɔ wɔ, nɛ wa tue mi hu jɔ wɔ” ɔ, jamɛ a be ɔ mi nɔuu nɛ a hɛ mi ma kpata tlukaa kaa bɔ nɛ yo nɛ mi wa nuɔ kɔɔmi si kake too ɔ; nɛ nɔ ko nɔ ko be e he yee.

Ezekiel 28:9

Ke e ba mi ja a, anɛ o ma nyɛ ma de ngɛ ni nɛmɛ nɛ ngɛ mo gbee ɔ a hɛ mi ke mawu ji mo lo? O maa le kaa nɔmlɔ adesa kɛkɛ ji mo.

Yeremia 48:41

A maa ngɔ ma amɛ, kɛ mɔ ɔmɛ. Jamɛ a ligbi ɔ, sawale maa nu Moab ta buli ɔmɛ kaa yo nɛ nu kɔɔmi.

Yeremia 30:6

Nyɛ bi nɛ nyɛɛ hyɛ! Anɛ nyumu ko nu kɔɔmi nɛ e fɔ hyɛ lo? Mɛni he je mɔ lɛ i na nɛ nyumuhi tsuo nu a mlɛ mi kaa yo nɛ nu kɔɔmi ɔ? Mɛni he je nyɛ tsuo nyɛ hɛ mi pee kaa la zu la zu kikɛ nɛ ɔ?

Yeremia 22:23

Nyɛ ngɛ tue mi jɔmi si himi mi ngɛ seda tsohi nɛ a kɛ je Lebanon kɛ ba a a mi. Se kɛ̃, haomi kɛ he hiami maa ba nyɛ nɔ kaa yo nɛ nu kɔɔmi; nyɛ ní maa pee mɔbɔ wawɛɛ nitsɛ.

Yeremia 6:24

Yerusalem bi ɔmɛ ke, “Wa nu a he, nɛ wa nine mi je wu! Wa tsui po, nɛ wa pee kaa yo nɛ nu kɔɔmi nɛ e miɔ nɛ e ma fɔ.

Yesaya 21:3

Nɔ́ nɛ i na, kɛ nɔ́ nɛ i nu nɛ ɔ wo ye he gbeye wawɛɛ nitsɛ, nɛ ye he mi hia mi kaa yo nɛ nu kɔɔmi.

Matsɛmɛ II, 16:7

Ahaz tsɔ ya de Asiria matsɛ, Tiglat Pileser ke, “O tsɔlɔ kɛ o binyumu ji mi. Siria matsɛ, kɛ Israel matsɛ ba tua mi, lɔ ɔ he ɔ, ba nɛ o ba je ngmlaa ha mi.”

Mateo 24:8

Se enɛ ɔmɛ tsuo ngɛ kaa kɔɔmi sisije kɛkɛ.

Yeremia 2:25

I de mo ke, Israel, kpa mawu kpahi a se nyɛɛmi, bɔ nɛ pee nɛ o nane nɛ ko ba gbo, nɛ kuma ba gbe mo. Se o de ke, ‘Dɛbi! I be ye se kpalee; i suɔ ma se mawuhi, nɛ ma se mawuhi a se lɛ ma nyɛɛ.’ ”

Yeremia 4:30

Yerusalem, o hɛ mi kpata pɛ! Mɛni he je lɛ o bu bo tsu ɔ? Mɛni he je lɛ o kɛ june dla o he, nɛ o kpa o hɛngmɛ se tsopa a? O ngɛ o he dlae yaka gu! O suɔli ɔmɛ kua mo, nɛ a ngɛ mo hlae nɛ a gbe.