Yeremia 13:17 - BAIBLO ALOO NGMAMI KLƆUKLƆU Ɔ

¹⁷ Se ke nyɛ bui tue kɛ mwɔɔ ɔ, lɛɛ ma fo ya ngɛ laami mi ngɛ nyɛ he nɔ womi ɔ he. Ma fo ya hluu kɛ yaa si ye hɛngmɛ maa tɔ nyu, ejakaa a nuu Yawɛ ma mi bi ɔmɛ nyɔguɛ kɛ je.

Yeremia 13:17 ပူးပေါင်းရင်းမြစ်များ

La 119:136

Ye hɛngmɛ tslaa nyu babaaba kaa pa nɛ ngɛ bee, ejakaa nimli adesahi yi o mlaa amɛ a nɔ.

La 80:1

Israel to hyɛlɔ, mo nɛ o nyɛɛɔ Israel hɛ mi kaa bɔ nɛ to hyɛlɔ tsɔɔ to ɔ, moo bu wɔ tue koo! Mo nɛ o hii si ngɛ hɛ kali a nɔ ɔ,

Yesaya 63:11

Kɛkɛ nɛ ma a kai blema, Yawɛ tsɔlɔ Mose be ɔ, nɛ a bi ke, “Yawɛ nɛ́ je ma a, kɛ a hɛ mi nyɛɛli ɔmɛ kɛ je wo ɔ mi ɔ, jije e ngɛ? Jije nɔ nɛ ngɔ e mumi klɔuklɔu ɔ kɛ wo a mi ɔ ngɛ?

Yeremia 14:17

Yawɛ fa mi ke ma de ma a ke, “Ye hɛngmɛ nɛ tɔ nyu nyɔ kɛ pia daa nɛ ɔ nɛ ma ko kpa ya fomi gblegbleegble. Ejakaa a fia ye ma mi bi ɔmɛ ní kɛ pue si nɛ a plaa wawɛɛ nitsɛ.

Yeremia 15:17

I ya piɛ we nihi nɛ ngɛ mle yee ɔ a he; i kɛ mɛ muɛ, nɛ i kɛ mɛ nya we. Se imi nɔ kake too i hi si kaa bɔ nɛ o fa mi ke ma pee ɔ; ejakaa o ha nɛ ye mi mi fu wawɛɛ nitsɛ.

Yeremia 17:16

Se Yawɛ, mo nitsɛ o le faii kaa tsa pi imi nɛ i nyɛ o nɔ ke o ha nɛ haomi nɛ ba ma nɛ ɔ nɔ. O le kaa pi imi nɛ i to kaa amanehlu be ko nɛ ba. Nɔ́ nɛ je ye nya nɛ i de ɔ, mo nitsɛ o le.

Yeremia 22:5

Se ke nyɛ yi ye mlaa amɛ a nɔ ɔ lɛɛ i ngɛ ye he kita kae kaa ja matsɛ we nɛ ɔ pee we doku kokooko. Imi, Yawɛ lɛ i de.’ ”

Yeremia 23:1

Ma nɔ yeli nɛ kpataa Yawɛ ma a hɛ mi, nɛ a gbɛɛ mɛ ngɔ fĩaa a, musu tloo mɛ!

Yeremia 23:2

Ma nɔ yeli ɔmɛ nɛ sa kaa a hyɛ ma a nɔ saminya a, bɔ nɛ Yawɛ, Israel Mawu ɔ ngɛ dee ngɛ a he ji nɛ ɔ nɛ: “Nyɛ hyɛ we ye ma a nɔ fɛɛ! Nyɛ gbɛ mɛ ngɔ fĩa, nɛ nyɛ fie mɛ kɛ ho. Lɔ ɔ he ɔ, ma gbla nyɛ tue ngɛ nyɛ ní peemi ní yayami ɔmɛ a he.

Yeremia 9:1

I ná nɛ ye yi pee kaa vu kɛ e mi nyu, nɛ ye hɛngmɛhi plɛ pee nyu hɛngmɛ nɛ vo nyu ngɛ mi jee babaaba. Jinɛ i ko fo ya nyɔ kɛ pia kɛ ha ye ma mi bi ɔmɛ nɛ a gbe ɔ.

Kɔmɔ Yemi 1:16

“Enɛ ɔ he i wo yana, nɛ vo nyu ngɛ ye hɛngmɛ mi jee kɛ ngɛ si puee. I be bua wolɔ ko nɛ maa wo mi he wami. Peepee ta ye bimɛ ɔmɛ a he, ejakaa he nyɛlɔ ɔ ye ye nɔ kunimi.

Kɔmɔ Yemi 1:2

Ya sɔuu e ngɛ foe nyɔnyɔɔnyɔ tsuo; nɛ vo nyu ngɛ e hɛngmɛ mi jee kɛ ngɛ si kplee. E suɔli ɔmɛ hu a ti nɔ ko nɔ ko be nɛ maa jɔɔ e bua. E huɛmɛ ɔmɛ tsuo kpa ngɛ e se, nɛ a ba pee e he nyɛli.

Kɔmɔ Yemi 1:9

Yerusalem he yayami ɔ ngɛ fu jee gbɛɛ; se lɛ nitsɛ lɛɛ nɔ́ nɛ ma e nɔ ɔ pee we lɛ kɔmɔ ko kulaa. E si nɔmi ɔ nya wa; nɔ ko nɔ ko be nɛ maa wo lɛ bua. E jé ngmlaa ke, “Ao! Yawɛ, moo hyɛ nɛ o na mi mɔbɔ, ejakaa ye he nyɛli ɔmɛ ye kunimi!”

Kɔmɔ Yemi 2:18

Yerusalem lee, moo fa kue boboobo nɛ o tsɛ Nyɔmtsɛ ɔ! Ha nɛ o vo nyu ɔmɛ nɛ a hi bee kaa pa nyɔ kɛ pia. Koo jɔɔ ya fomi, nɛ ko kpa kɔmɔ yemi hulɔ.

Kɔmɔ Yemi 3:48

Vo nyu ngɛ ye hɛngmɛ mi jee kɛ ngɛ si puee kaa pa nɛ hia kɛ bee; ejakaa a kpata ye ma a hɛ mi.

Ezekiel 24:16

E ke, “Nɔmlɔ adesa, tlukaa a, ma ha gbenɔ hiɔ ma ba fia o suɔlɔ pe kulaa a, nɛ e ma gbo. Ke e ba mi ja a, koo ye kɔmɔ; ko fo ya, nɛ koo nga vo nyu hulɔ.

Ezekiel 34:31

“Nyɛ ye ma, nyɛ ji ye tohi nɛ i ngɛ lɛe, nɛ imi ji nyɛ Mawu.” Nyɔmtsɛ Yawɛ lɛ de.

Ezekiel 36:38

Ma ha nɛ a ma amɛ ma hyi tɔ kɛ nimli kaa tohi nɛ a kɛ ba bɔ sami, loo nimli kpekpemi nɛ ba Yerusalem nɛ a ba ye nyami be. Kɛkɛ ɔ, a maa le kaa imi ji Yawɛ.”

Ezekiel 9:4

E de lɛ ke, “Yaa kpa si kɛ gu Yerusalem ma a mi tsuo. Nihi nɛ ngɛ haoe, nɛ a ngɛ kɔmɔ yee ngɛ ní hiemi níhi nɛ a ngɛ pee ɔ a he ɔ, pee okadi ngɛ a hɛ nya.”

Malaki 2:2

nyɛɛ pee nɔ́ nɛ da nɛ nyɛ kɛ wo ye hɛ mi nyami. Ke nyɛ bui nɔ́ nɛ i ngɛ nyɛ dee ɔ tue ɔ, ma gbiɛ nyɛ; nɛ gbaami nɛ i ko gbaa nyɛ ɔ ma plɛ pee tue gblami mohu. Niinɛ, i gbiɛ nyɛ momo, ejakaa nyɛ yi ye mlaa amɛ a nɔ bɔ nɛ sa.

Samuel I, 15:11

“I pia ye he kaa i wo Saul matsɛ; ejakaa e je ye se nɛ e yi ye mlaa amɛ a nɔ.” Nɔ́ nɛ ɔ dɔ Samuel, nɛ e fa kue ha Yawɛ nyɔ ɔ mi tsuo.

Samuel I, 15:35

Samuel nɛ́ Saul hu kɛ ya si e gbenɔ ligbi; se daa nɛ ɔ, e yeɔ e he kɔmɔ. Nɛ Yawɛ pia e he kaa e wo Saul matsɛ ngɛ Israel.