Yeremia 13:16 - BAIBLO ALOO NGMAMI KLƆUKLƆU Ɔ

¹⁶ Nyɛɛ wo Yawɛ, nyɛ Mawu ɔ hɛ mi nyami be mi nɛ e ha we nɛ diblii nɛ wo nyɛ nɛ nyɛ ba tɛ si ngɛ yoku ɔmɛ a nɔ, be mi nɛ e ha we nɛ la nɛ nyɛ ngɛ blɔ hyɛe ɔ nɛ plɛ pee diblii kpii.

Yeremia 13:16 ပူးပေါင်းရင်းမြစ်များ

Hiob 3:5

Ha nɛ e pee mɔbɔ ligbi, nɛ je ɔ mi nɛ wo diblii kpii. Ha nɛ bɔku tuu ba ha pu ɔ hɛ mi.

La 107:10

Ni komɛ hi si ngɛ diblii, kɛ mɔbɔ si himi mi; a wo mɛ tsu; a kpla mɛ kɔsɔkɔsɔ, nɛ a na nɔ́;

La 107:14

E je mɛ kɛ je diblii, kɛ mɔbɔ si himi ɔ mi, nɛ e kplɔ kɔsɔkɔsɔ ɔmɛ ngɛ a he ngɔ pue si.

La 29:2

Nyɛɛ wo Yawɛ hɛ mi nyami bɔ nɛ sa lɛ. Nyɛ ja Yawɛ ngɛ klɔuklɔu peemi mi.

La 44:19

Se o ngmɛɛ wa he ngɔ wo lohwe dikali a dɛ mi, nɛ wa tlɔ diblii kpii mi.

Mose II, 10:21

Yawɛ de Mose ke, “Wo o nine nɔ kɛ tsɔɔ hiɔwe, konɛ diblii kpii nɛ wo ngɛ Egipt zugba a nɔ.”

Abɛ Womi 4:19

Yayami peeli lɛɛ a blɔ nɔ woɔ diblii kpii kaa nyɔ mi. A tɛɔ nɔ́ nɛ a nɔɔ si, se a li nɔ́ nɛ ji.

Fiɛlɔ 11:8

Ke nɔ ko ye jeha babauu ngɛ je mi ɔ, e ná bua jɔmi daa ligbi. Se mohu, e kai kaa ke e gbo ɔ, be nɛ e maa ye ngɛ lejɛ ɔ hiɛ kulaa pe be nɛ e maa ye ngɛ je nɛ ɔ mi. Níhi nɛ maa ba a tsuo ji yaka níhi.

Yesaya 5:30

Jamɛ a ligbi ɔ, a ma hwɔ hoo kɛ wo Israel kaa wo nɛ gli. Ke nɔ ko hyɛ zugba a nɔ ɔ, e maa na kaa e nɔ wo diblii. E pee gbeye kɛ aywilɛho. E nɔ wo diblii kpii; la ko be.

Yesaya 59:10

nɛ wa tataa si kɛ yaa gbogbo he kaa hɛ yuyuili. Wa tɛɔ si piani katakata kaa nɔ nɛ nyɔ mi. Wa peeɔ kaa ni gbogboehi ngɛ hɛ ngmengmletsɛmɛ a kpɛti.

Yesaya 59:9

Bɔ nɛ ma a ngɛ dee ji nɛ ɔ nɛ: “Jehanɛ lɛɛ wa na le nɔ́ he je nɛ Mawu je we wɔ kɛ ji nihi nɛ ngɛ wɔ yi mi wae ɔ a dɛ mi. Wa hyɛɛ blɔ kaa wa ma na la kɛ nyɛɛ, se wa ná we; diblii kpii mi mohu wa nyɛɛɔ;

Yesaya 60:2

Diblii maa ha zugba a tsuo nɔ, je ma amɛ maa hi diblii kpii mi, se moo lɛɛ Yawɛ ma je e he kpo ha mo; e hɛ mi nyami ɔ ma pue o nɔ.

Yesaya 8:22

aloo a ma kɔkɔ a yi si kɛ hyɛ zugba mi gaa, se a be nɔ́ ko nɔ́ ko nae kaa ja haomi kɛ diblii kpii nɛ woɔ nɔ he gbeye nɛ a ngɛ mɛ fiee kɛ ngɛ mi woe.

Yeremia 14:19

Yawɛ, anɛ o kua Yuda kulaa lo? Anɛ o ngɛ Zion bi ɔmɛ hiee lo? Mɛni he je mɔ lɛ o plaa wɔ kikɛ nɛ ɔ nɛ e hi tsami ɔ? Wa hyɛ blɔ kaa tue mi jɔmi maa ba, se nɔ́ kpakpa ko ji mi kɛ bɛ; wa hyɛ blɔ kaa be maa ba nɛ a ma tsa wɔ, se haomi kɛ gbeye sɔuu lɛ bɔle wɔ.

Yeremia 2:6

A bi we ke, ‘Jije Yawɛ ngɛ?’ Pohu, imi lɛ i je mɛ kɛ je Egipt zugba a nɔ; imi lɛ i kpaka mɛ kɛ gu nga kplanaa a nɔ, zugba kɛ e mi muɔhi kɛ e mi diblii kpii, zugba nɛ nyu be nɔ, nɛ nɔmlɔ adesa ko be nɔ, nɛ nɔ ko hu gui nɔ.

Yeremia 23:12

Blɔhi nɛ a ngɛ nɔ nyɛɛe ɔ, blɔ ɔmɛ a nɔ maa sla, nɛ a maa wo diblii; ma ha nɛ a ma tɛ nɔ, nɛ a maa nɔɔ si. I kɛ haomi maa ba a nɔ; a tue gblami be ɔ su ta. Imi, Yawɛ lɛ i de.

Yeremia 4:23

I hyɛ zugba a nɔ, nɛ zugba a fɔɔ si gu nɛ nɔ́ ko nɔ́ ko be nɔ. I hyɛ hiɔwe, nɛ la ko la ko be lejɛ ɔ.

Yeremia 50:6

“Ye ma a ngɛ kaa tohi nɛ a hyɛli ɔmɛ ha nɛ a nane kpata ngɛ yo ɔmɛ a nɔ. A ngɛ kaa tohi nɛ a ngmɛɛ a he, nɛ a wo lalaalo ngɛ yo ɔmɛ a nɔ hluu kɛ ya si a hi he po laa mɛ.

Yeremia 6:21

Lɔ ɔ he ɔ, ma fɔ blɔ mi tso ha mɛ; a ma tɛ nɔ nɛ a maa nɔ si bum. Tsɛmɛ kɛ a bimɛ ma gbo, nɛ nihi kɛ a huɛmɛ a hɛ mi ma kpata.”

Yeremia 8:15

Wa hyɛ tue mi jɔmi blɔ, se tue mi jɔmi bɛ; wa hyɛ tsami be blɔ, se gbeye mohu ji nɔ́ nɛ ba.

Kɔmɔ Yemi 4:17

Wa hyɛ yemi kɛ buami blɔ hluu kɛ ya si pɔ tɔ wa hɛngmɛ he, nɛ e ko hu bɛ. Wa mlɛ kaa je ma ko maa je ngmlaa ha wɔ lo, se lɛ tsuo pee yaka; nɔ ko nɔ ko bɛ nɛ e ba je ngmlaa ha wɔ.

Ezekiel 21:15

Bɔ nɛ pee nɛ sawale nɛ nu ye ma a, nɛ nihi fuu a hɛ mi nɛ kpata a, i ngɔ klaate nɛ he ngɛ kpɛe nylamnylam kaa oslabai nɛ gbee nɔ hulɔ kɛ tsɔɔ ma a.

Ezekiel 34:12

Bɔ nɛ to hyɛlɔ hlaa e tohi nɛ gbɛ fĩa, nɛ e buaa a nya ekohu ɔ, jã ma hla ye to ɔmɛ a se blɔ. Ma kpaka mɛ kɛ je he tsuaa he nɛ a gbɛ fĩa ligbi ɔ nɛ jamɛ amanehlu kɔɔhiɔ yaya ba fia mɛ ɔ.

Ezekiel 36:15

He guɛ gbemi, kɛ ahlua bɔmi munyuhi nɛ je ma amɛ tuɔ ɔ, zugba a be tue bue hu. Zugba a be e bimɛ ɔmɛ a hɛ mi kpatae hu. Imi, Nyɔmtsɛ Yawɛ lɛ i de.”

Yoel 2:2

Jamɛ a ligbi ɔ, je mi ma yu tuu; nɛ je mi tsuo pee mɔbɔmɔbɔ. Baalɛ maa ha yo ɔmɛ a nɔ tuu kaa ta buli nɛ a he ngɛ gbeye. Enɛ ɔ eko bɛ hyɛ, nɛ eko hu be bae ja gblegbleegble.

Amos 4:13

Mawu lɛ puɛ yo ɔmɛ. Lɛ nɛ e pee kɔɔhiɔ, nɛ e haa nɛ nɔmlɔ adesa leɔ e yi mi tomi; Mawu haa nɛ piani peeɔ nyɔ mi. Lɛ nɛ e yeɔ je ɔ tsuo nɔ. E biɛ ji Yawɛ Tabohiatsɛ!

Amos 5:18

Nyɛ nihi tsuo nɛ nyɛ ngɛ Yawɛ tue gblami ligbi ɔ blɔ hyɛe, nɛ e peeɔ nyɛ kaa be ɔ su ta, musu tloo nyɛ! Jamɛ a ligbi ɔ, haomi ji nɔ́ nɛ maa ba nyɛ nɔ kaa bɔ nɛ ahumi haa nɛ diblii woɔ piani katakata a, se pi manye.

Malaki 2:2

nyɛɛ pee nɔ́ nɛ da nɛ nyɛ kɛ wo ye hɛ mi nyami. Ke nyɛ bui nɔ́ nɛ i ngɛ nyɛ dee ɔ tue ɔ, ma gbiɛ nyɛ; nɛ gbaami nɛ i ko gbaa nyɛ ɔ ma plɛ pee tue gblami mohu. Niinɛ, i gbiɛ nyɛ momo, ejakaa nyɛ yi ye mlaa amɛ a nɔ bɔ nɛ sa.

Yohane 12:35

Yesu he nɔ ke, “Be bɔɔ ko pɛ nɛ e piɛ nɛ la a kɛ nyɛ maa hi si kɛ yaa si. Be mi nɛ la a ngɛ nɛ ɔ, nyɛɛ nyɛɛ blɔ ɔ nɔ, konɛ diblii ɔ nɛ ko ba na nyɛ, ejakaa nɔ nɛ nyɛɛɔ diblii mi ɔ, e li he nɛ e yaa.

Yoshua 7:19

Yoshua de Akan ke, “Ye bi, tu mi anɔkuale, nɛ o de mi nɔ́ nɛ o pee ɔ ngɛ Yawɛ, Israel Mawu ɔ hɛ mi. Mo de mi koo; mɛni o pee? Koo laa mi ba.”

1 Petro 2:8

Ngmami kpa ko hu de ke, “Enɛ ɔ ji tɛ nɛ ma ha nɛ nihi a nane ma tɛ nɔ; tɛ sa nɛ ma ha nɛ nihi maa nɔɔ si.” A tɛ nɔ́, ejakaa a yi Mawu sɛ gbi ɔ nɔ; bɔ nɛ Mawu to ha mɛ ji ja a nɛ.

Samuel I, 6:5

Lɔ ɔ he ɔ, nyɛɛ pee sika tsu tslɔɔ nɛ ɔmɛ, kɛ sika tsu kɔkue nɛ ɔmɛ nɛ daa si ha kɔkuehi nɛ ba ngɛ nyɛ zugba a hɛ mi kpatae ɔ, konɛ nyɛ ya wo Israel Mawu ɔ hɛ mi nyami kaa, alini e maa jɔɔ nyɛɛ kɛ nyɛ wɔ ɔmɛ, kɛ nyɛ zugba a tue gblami lo.