Yeremia 13:15 - BAIBLO ALOO NGMAMI KLƆUKLƆU Ɔ

¹⁵ Israel ma, Yawɛ tu munyu! Nyɛɛ ba nyɛ he si, nɛ nyɛɛ bu lɛ tue.

Yeremia 13:15 ပူးပေါင်းရင်းမြစ်များ

Kpojemi 2:29

“Lɔ ɔ he ɔ, nɔ nɛ ngɛ tue ɔ, e bu nɔ́ nɛ mumi ɔ ngɛ asafo ɔmɛ dee ɔ tue!

Yakobo 4:10

Nyɛɛ ba nyɛ he si ngɛ Nyɔmtsɛ ɔ hɛ mi, nɛ e ma wo nyɛ nɔ.

Amos 7:15

Se Yawɛ je mi kɛ je to ɔmɛ a he, nɛ e tsɔ mi ke ma ngɔ sɛ gbi ya ha e ma Israel.

Yoel 1:2

Nyɛ ma nimeli, nyɛɛ bu tue; nyɛ Yuda ma a tsuo, nyɛ ta tue. Anɛ nɔ́ ko kaa kikɛ nɛ ɔ ba hyɛ ngɛ nyɛ yi nɔ, aloo ngɛ nyɛ nɛmɛ a yi nɔ lo?

Yeremia 26:15

Se nyɛ na nɛ nyɛɛ le ɔ kaa ke nyɛ gbe mi ɔ, nyɛ pue nɔ nɛ pee we nɔ́ ko ɔ muɔ si, nɛ musu maa tloo nyɛɛ kɛ ma nɛ ɔ, kɛ ma mi bi ɔmɛ tsuo. Ejakaa Yawɛ nitsɛ lɛ tsɔ mi nyɛ ngɔ ke ma ba tu munyu nɛ ɔmɛ tsuo kɛ tsɔɔ nyɛ.”

Yesaya 42:23

Nyɛ kpɛti mɛnɔ maa bu nɔ́ nɛ ɔ tue? Kɛ je be nɛ ɔ kɛ yaa a, mɛnɔ ma ta tue, konɛ e nu níhi nɛ maa ba a?

Abɛ Womi 16:5

Nɔ tsuaa nɔ nɛ woɔ e he nɔ ɔ, e he peeɔ Yawɛ tai. Bɔ tsuaa bɔ nɛ pee ɔ, ja a gbla e tue; e be e he yee.

Yeremia 13:9

“Yuda he nɔ womi, kɛ Yerusalem he nɔ womi babauu ɔ, bɔ nɛ nyagbe ɔ maa ba ha ji nɛ ɔ nɛ.

Yesaya 1:2

Yawɛ ke, “Hiɔwe kɛ zugba, nyɛɛ bu nɔ́ nɛ i ngɛ dee ɔ tue! Jokuɛwi nɛ i tsɔse nɛ a wa a te si ngɔ si mi.